Lebítanüxü̃arü puracüchiga 17:13 - Tupanaarü Ore

¹³ Rü ngẽxguma ngexü̃rüü̃xü̃ i Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ wüxi i naeü̃ rüe̱xna wüxi i weri ingṍxü̃ yama̱xgu, rü name nixĩ nax inabagüxẽẽãxü̃, rü ñu̱xũchi yimá nagü rü waixü̃mümaxã nagüétüãxü̃.

Lebítanüxü̃arü puracüchiga 17:13 Referans Kwoze

Wenaxarü naxümatü ga Tupanaarü mugü 12:16

Natürü yimá nagü rü ¡taxũtáma penangõ̱x! Rü waixü̃müanegu tá penaba ñoma dexá ibaxü̃rüxü̃.

Echequié 24:7

Rü cumax, Pa Yerucharéü̃x, rü nagümaxã cunapa. Rü ngẽma duü̃xü̃gü i cuda̱i̱xü̃ rü tama waixü̃müanegu cunaba ya yimá nagü nax ngẽmaãcü waixü̃müte̱xe iyanaxoxẽẽxü̃ca̱x. Natürü nutaétügu cunaba nax ngẽmaãcü mea nangóxü̃ca̱x ya yimá nagü.

Wenaxarü naxümatü ga Tupanaarü mugü 15:23

Natürü tama name nax penangṍxü̃ i nagü i ngẽma naxü̃nagü. Rü yimá nagü rü waixü̃mügu tá penaba.

Wenaxarü naxümatü ga Tupanaarü mugü 12:24

Rü yimá nagü rü penaxwa̱xe nax waixü̃müanegu penabaxü̃ ñoma dexá ibaxü̃rüxü̃. ¡Rü taxũtáma penangõ̱x! Rü ngẽmaãcü tá pexü̃ rü pexacügüxü̃ mea nangupetü, erü penaxü i ngẽma Tupanape̱xewa mexü̃.

Lebítanüxü̃arü puracüchiga 7:26

Rü ngexü̃rüüxü̃mare i nachica i nagu pexãpataxü̃wa rü tama name nax penangṍxü̃ ya nagü i ngẽma naxü̃nagü i ãxpe̱xatüxü̃ rü ngẽma togü i naxü̃nagü i ñaxtüwa maxẽxü̃.

Yox 16:18

Rü ñaa guxchaxü̃gü i cha̱u̱xca̱x íngugüxü̃gagu, rü chanaxwa̱xe nax texé choxü̃ ípoxü̃xü̃. Rü ngẽma naxca̱x íchaca̱xaxü̃ nixĩ nax naxü̃pa nax chayuxü̃ rü aixcüma nangóxü̃ nax tama bexma pecadu chaxüxü̃gagu yixĩxü̃ i ngúxü̃ chingexü̃.

Lebítanüxü̃arü puracüchiga 17:12

Rü ngẽmaca̱x Iraétanüxü̃xü̃gümaxã nüxü̃ chixu rü ñachagürü: Taxúxetáma i petanüwa, rü ngẽma to i nachixü̃anecüã̱x i petanügu ãpatagüxü̃tanüwa rü tá nanangõ̱xgü ya nagü.

Ucu̱xẽgüchiga 6:26

Erü ngẽma nge i naxü̃nemaxã taxexü̃ rü naxca̱x idau nax diẽru nayaxuxü̃ca̱x nax ngĩrü paũca̱x nataxexü̃ca̱x, natürü ngẽma ngexü̃ i chixri natena maxü̃xü̃ rü naxca̱x nadau nax wüxi ya yatü ya mecüxü̃ chixexü̃gu nanguxẽẽxü̃.