Lebítanüxü̃arü puracüchiga 16:31 - Tupanaarü Ore

³¹ Rü ngẽma tá nixĩ i wüxi i mu i guxü̃gutáma nagu pexĩxü̃. Rü pema i ngẽma ngunexü̃gu rü tá iperüngügü, rü tama pechibüeãcüma tá perücho.

Lebítanüxü̃arü puracüchiga 16:31 Referans Kwoze

Lebítanüxü̃arü puracüchiga 23:32

Rü ngẽma ngunexü̃gu rü tá iperüngügü rü taxuxü̃táma i ta̱xacü pengṍx. Rü yimá 7 ya tauemacüarü 9 i ngunexü̃arü yáuanecü tá ipenaxügü nax pexaurexü̃ rü ñu̱xmata yima tauemacüarü 10 i ngunexü̃arü yáuanecüwa nangu —ñanagürü.

Ichaía 58:5

Rü ngẽxguma ngẽmaãcü pexauregu rü choma rü tama namaxã chataãxẽ. Pema rü peyangücuchitanü ñoma wüxi ya dexne ya taxtüpechinüwa rüxücürüxü̃. Rü ngechaü̃chirugu picu̱xgü rü tanimacawa perütogü. Rü ñu̱xũchi pema nüxü̃ pixu nax ngẽma yixĩxü̃ i aurearü ngunexü̃ i choma namaxã chataãẽxü̃.

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Lebítanüxü̃arü puracüchiga 25:4

Natürü ngẽxguma norü 7 ya taunecüwa nanguxgu rü Cori ya Tupanaégagu tá penangü̃xẽxẽ i ngẽma naane. Rü yimá taunecügu rü taxũtáma pitoegü rü taxũtáma pedaü̃tanü i perü úba.

Ínachoxü̃xü̃chiga 31:15

Rü marü name i 6 i ngunexü̃ pepuracüe, natürü ngẽma norü 7 i ngunexü̃ rü cha̱u̱xca̱x tá ípenaxüxüchi rü nagu tá perüngü̃gü. Rü texé ngẽma ngunexü̃gu puracüxe rü tá tayu.

Édra 8:21

Rü yemawena rü chanaxunagü nax aureãcü tayumüxẽgüxü̃ natü ga Aabácutüwa nax Tupanamaxã nüxü̃ tixugüxü̃ca̱x ga torü chixexü̃gü, rü Tupanana naxca̱x taca̱xaxü̃ca̱x nax mea toxü̃ naxüpetüxü̃ca̱x i namawa, rü toxna rü toxocügüna nadauxü̃ca̱x wüxigu namaxã i guxü̃ma i torü ngẽmaxü̃gü i namaxã itaxĩxü̃.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.