Lebítanüxü̃arü puracüchiga 16:29 - Tupanaarü Ore

²⁹ Rü ñaa tá nixĩ i wüxi i mu i guxü̃gutáma nagu pexĩxü̃ i pemax. Rü ngẽxguma yimá 7 ya tauemacüarü 10 i ngunexü̃wa nanguxgu, rü tá penaxaure i ngẽma ngunexü̃. Rü ngẽma ngunexü̃gu rü guxãma i pema i Iraétanüxü̃ rü tá iperüngügü i perü puracüwa. Rü ngẽxgumarüxü̃ ta i ngẽma duü̃xü̃gü i to i nachixü̃anecüã̱xgü i petanügu ãchiü̃güxü̃, rü ta nanaxauregü i ngẽma ngunexü̃.

Lebítanüxü̃arü puracüchiga 16:29 Referans Kwoze

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Iraétanüxü̃arü muxchiga 29:7

Rü yimátama 7 ya tauemacüarü 10 i ngunexü̃gu rü cha̱u̱xca̱x tá pengutaque̱xegü i pema. Rü ngẽma ngunexü̃gu rü taxũtáma pechibüe rü ñu̱xũchi taxuxü̃táma i puracü pexüe.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Ichaía 58:5

Rü ngẽxguma ngẽmaãcü pexauregu rü choma rü tama namaxã chataãxẽ. Pema rü peyangücuchitanü ñoma wüxi ya dexne ya taxtüpechinüwa rüxücürüxü̃. Rü ngechaü̃chirugu picu̱xgü rü tanimacawa perütogü. Rü ñu̱xũchi pema nüxü̃ pixu nax ngẽma yixĩxü̃ i aurearü ngunexü̃ i choma namaxã chataãẽxü̃.

Wiyaegü 35:13

Rü yexguma nümagü yada̱xaweegu rü choma rü naxca̱x chaxoegaãxẽ rü naxchiru ga témüxü̃gu chicu̱x. Rü tama chachibü rü naxca̱x chayumüxẽ.

Lebítanüxü̃arü puracüchiga 23:36

Rü guxü̃ma i ngẽma 7 i ngunexü̃gügu rü tá Cori ya Tupanaca̱x ãmare ípegu. Rü norü 8 i ngunexü̃gu rü tá cha̱u̱xca̱x pengutaque̱xegü, rü wüxi i ãmare tá cha̱u̱xca̱x pigu. Rü ngẽma rü wüxi i ngunexü̃ i petachiga nixĩ, rü ngẽmaca̱x taxuxü̃táma i ta̱xacürü puracü pexü.

Lebítanüxü̃arü puracüchiga 23:21

Rü ngẽmatama ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe! Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngextá ípexãpatagüxü̃wa.

Ínachoxü̃xü̃chiga 20:10

Natürü ngẽma norü 7 i ngunexü̃gu rü tá icurüngü̃ rü nagu tá choxü̃ quicua̱xüxü̃. ¡Rü taxuxü̃táma ta̱xacürü puracü nagu cuxü i ngẽma ngunexü̃, rü woo cunegü, rü woo cuxacügü, rü woo curü puracütanüxü̃, rü woo cuxü̃taxü̃gü, rü woo cuxü̃nagü rü woo i ngẽma duü̃xü̃ i to i nachixü̃anecüã̱x i cuxü̃tawa ngẽxmaxü̃!

Popera ga Yudíugü ga yaxõgüxü̃ca̱x ümatüxü̃ 4:10

Rü yíxema Tupanaxü̃tawa ichocuxe nax ngẽxma tarüngü̃ẽxü̃ca̱x, rü nüxna tarüngü̃ẽ i guxü̃ma i tümaarü puracügü yexgumarüxü̃ ga Tupana rü nüxna nax nangüxü̃ ga norü puracügü ga yexguma naane naxü̱xguwena.

1 Corintios 11:31

Natürü ngẽxguma chi tóxrütama maxü̃ tangugügu naxü̃pa nax nangṍxü̃ i ngẽma Coriarü õna, rü nüma rü taxuca̱x tüxü̃ napoxcue.

Danié 10:3

Rü tama chanangõ̱x ga maixcuraxü̃, rü tama chanangõ̱x ga namachi, rü tama chayaxaxü ga bínu, rü tama chaugü chamexẽxẽ ñu̱xmata yema tomaepü̱x ga yüxü ngupetügu.

Ichaía 58:13

Rü tama name i pepuracüe rü petaxegü i ngü̃xchigaarü ngunexü̃gu. Rü ngẽma chanaxwa̱xexü̃ nixĩ nax pexca̱x rü wüxi i ngunexü̃ i üünexü̃ nax yixĩxü̃ rü wüxi i ngunexü̃ i nagu petaãẽxü̃ nax yixĩxü̃. Rü ngẽma ngunexü̃ rü cha̱u̱xca̱xica tá ípenaxüxüchi. Rü ngẽxguma ngẽmaãcü penaxü̱xgu, rü tama ngẽma ngunexü̃gu pepuracüegu rü tama petaxegügu rü tama dexagü i taxuwama mexü̃maxã pidexagügu, rü ngẽxguma i choma i perü Tupana rü tá pexü̃ chataãẽxẽxẽ. Rü tá pexna chanaxã i ñaa naane ga perü o̱xi ga Acóbumaxã nüxü̃ chixuxü̃ rü tá pexü̃ charüngü̃xẽẽxü̃ nax ñaa nachixü̃anemaxã ipecu̱axgüxü̃ —ñanagürü ga Tupana. Rü Cori ya Tupanatama nixĩ i ngẽma ñaxü̃.

Wiyaegü 69:10

Rü ngẽxguma cuxca̱x chaxaxugu rü tama chachibüãcüma chayumüxẽgu rü nümagü rü choxü̃ nacugüe.

Édra 3:1

Rü yexguma 7 ga tauemacüwa nanguxgu nax Babiróniaanewa ne naxĩxü̃ rü nüma ga Iraétanüxü̃gü ga norü ĩanewachigü ngugüxü̃ rü Yerucharéü̃wa naxĩ nax yéma yangutaque̱xegüxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:2

Rü gumá taunecüarü 7 ga tauemacü ga Etanígu nixĩ ga Charomóü̃ nangutaque̱xexẽẽxü̃ ga yema Iraéanecüã̱xgü nax yaxãxü̃chigüãxü̃ca̱x ga gumá Tupanapata. Natürü meama nagu nangu ga yema norü peta ga wüxichigü ga taunecügu norü düxenügü nagu naxüchigagüxü̃.

Lebítanüxü̃arü puracüchiga 23:3

Rü 6 i ngunexü̃ tá nixĩ i pepuracüexü̃, natürü ngẽxguma norü 7 i ngunexü̃wa nanguxgu rü taxuxü̃táma i puracü pexü. Rü ngẽma ngunexü̃ rü ngü̃chigaarü ngunexü̃ nixĩ rü nagu tá cha̱u̱xca̱x pengutaque̱xegü. Rü ngextá ípexãpatagüxü̃wa rü ngẽma ngunexü̃ rü tá nagu perüngü̃gü rü choxü̃ picua̱xüü̃gü.

Ínachoxü̃xü̃chiga 30:10

Rü ngẽma naxü̃nagüarü guruxü̃ i chopataarü düxétüwa ngẽxmaxü̃ rü aixcüma tá cha̱u̱xca̱xicatama nixĩ. Rü wüxichigü ya taunecügu rü wüxicanatama ngẽma norü ãgümücüpe̱xegu i ngẽma ãmarearü guruxü̃ tá yimá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü. Rü ngẽmaãcü guxcüma ya taunecügu rü wüxicanatama ngẽma ãmarearü guruü̃pe̱xegu tá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü —ñanagürü.

Ínachoxü̃xü̃chiga 12:16

Rü ngẽma ngunexü̃ i nagu inaxügüxü̃gu i Üpetüchiga rü tá penaxü i wüxi i ngutaque̱xe i üünexü̃. Rü ngẽxgumarüxü̃ tá ta i norü 7 i ngunexü̃gu rü tá penaxü i to i ngutaque̱xe i üünexü̃. Rü guxü̃ma i ngẽma 7 i ngunexü̃gügu rü taxúetama ta̱xacürü puracü taxü. Rü ngẽma perü õna i pengṍxchaü̃xü̃xica tátama nixĩ i pexüxü̃.

Ngechuchuarü ngúexü̃gü ga yamugüxü̃arü puracüchiga 27:9

Natürü marü poraãcü tanuxcü nax itaxĩxü̃, rü marü naxãũcüma nax itaxĩãmaxü̃ yerü marü nawa nangu ga gumá tauemacügü ga nagu nagáuanexü̃. Rü yemaca̱x ga Pauru rü nayaxucu̱xẽ ga duü̃xü̃gü, rü ñanagürü:

Ínachoxü̃xü̃chiga 31:14

Rü ngẽma ngü̃chigaarü ngunexü̃gu rü nachu̱xu nax pepuracüexü̃, rü ngẽmaca̱x penaxwa̱xe i mea penaxaure. Rü yíxema tama naxaurexe i ngẽma ngunexü̃ rü tá tayu. Rü yíxema ngü̃chigaarü ngunexü̃gu puracüxe rü name nixĩ noxtacüma petanüwa tüxü̃ ípemuxũchixü̃.

Ínachoxü̃xü̃chiga 31:15

Rü marü name i 6 i ngunexü̃ pepuracüe, natürü ngẽma norü 7 i ngunexü̃ rü cha̱u̱xca̱x tá ípenaxüxüchi rü nagu tá perüngü̃gü. Rü texé ngẽma ngunexü̃gu puracüxe rü tá tayu.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

1 Chamué 7:6

Rü nüma ga Iraéanecüã̱xgü rü Mispágu nangutaque̱xegü. Rü yéma puchuwa dexá ta nayauxü̃gü, rü Cori ya Tupanape̱xegu nanabagü norü ãmareruxü̃. Rü yema ga ngunexü̃gu rü naxauree rü tama nachibüe. Rü guxü̃ma ga duü̃xü̃gü rü nüxü̃ nixugüe nax chixexü̃ naxügüxü̃ ga Tupanape̱xewa. Rü yéma Mispáwa nixĩ ga Chamué ga inaxügüãxü̃ ga Iraéanecüã̱xgümaxã inacuáxü̃.

Édra 8:21

Rü yemawena rü chanaxunagü nax aureãcü tayumüxẽgüxü̃ natü ga Aabácutüwa nax Tupanamaxã nüxü̃ tixugüxü̃ca̱x ga torü chixexü̃gü, rü Tupanana naxca̱x taca̱xaxü̃ca̱x nax mea toxü̃ naxüpetüxü̃ca̱x i namawa, rü toxna rü toxocügüna nadauxü̃ca̱x wüxigu namaxã i guxü̃ma i torü ngẽmaxü̃gü i namaxã itaxĩxü̃.

Lebítanüxü̃arü puracüchiga 25:9

Rü yimá norü 7 ya tauemacüarü 10 i ngunexü̃gu tá penaxü i Pecaduarü Mexẽxẽchiga. Rü ngẽma ngunexü̃gu tá peyacuegü ya cornétagü i guxü̃wama i pechixü̃anewa.