Lebítanüxü̃arü puracüchiga 16:22 - Tupanaarü Ore

²² Rü ngẽma chianexü̃gu tá inayarütaxu i ngẽma chíbu namaxã i guxü̃ma i Iraétanüxü̃arü chixexü̃gü.

Lebítanüxü̃arü puracüchiga 16:22 Referans Kwoze

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Miquéa 7:19

¡Ẽcü wena cuxü̃́ tangechaü̃tümüü̃gü rü toxü̃́ iyanaxoxẽxẽ i ngẽma torü chixexü̃gü! ¡Ẽcü mártamawa yatáe i ngẽma torü pecadugü!

Wiyaegü 103:12

Rü ngẽma tórü chixexü̃gü rü marü tüxna nanayáxü̃guxẽxẽ ñoma éste rü oéste nügüna nax nanayáxü̃guxẽẽxü̃rüxü̃.

Wiyaegü 103:10

Rü woo nax nataxü̃ i ngẽma chixexü̃ i ixüxü̃, natürü i nümax rü tama nanangẽxgumaraxü̃ i ngẽma poxcu i tüxna naxãxü̃.

Echequié 18:22

Rü guxü̃ma i norü chixexü̃gü rü choma rü tá nüxü̃́ nüxü̃ icharüngüma. Rü nüma rü tá namaxü̃ erü nayanguxẽxẽ i chorü mugü.

Lebítanüxü̃arü puracüchiga 16:21

Rü Aróü̃ rü ngẽma chíbuerugu nanuxme̱xãcüma tá Tupanamaxã nüxü̃ nixu i guxü̃ma i ngẽma Iraétanüxü̃arü chixexü̃gü, rü norü nuwa̱xegü, rü norü pecadugü. Rü ngẽmaãcü tá chíbuwa naxüe i guxü̃ma i ngẽma duü̃xü̃güarü pecadugü. Rü ngẽmawena rü wüxi i duü̃xü̃ tá nayaga rü ínachianexü̃wa tá nayata̱x.

Lebítanüxü̃arü puracüchiga 16:23

Rü ngẽmawena ya Aróü̃ rü wena Tupanapatagu tá naxücu rü tá ínacu̱xü̃ i ngẽma naxchirugü i línuchinaxca̱x i noxri nagu yacúxü̃ nax nagu naxücuxü̃ca̱x i ngẽma naxmachiã i Üünexüchixü̃. Rü ñu̱xũchi ngẽxma Tupanapatagu tá nananu i ngẽma naxchirugü.

Echequié 4:4

¡Rü curü to̱xwecüwamaxã ínaca nax ngẽmaãcü cuyangéxü̃ca̱x i ngẽma Iraéanecüã̱xgüarü chixexü̃gü! Rü ngẽxguma curü to̱xwecüwamaxã icucaxgu rü cugüétü tá cuyange i norü chixexü̃gü i ngẽma Iraéanecüã̱xgü.

Lebítanüxü̃arü puracüchiga 14:7

Rü ngẽmawena rü 7 e̱xpü̱xcüna tá yíxema werigümaxã nanamaxcuxü̃ne i ngẽma chaxünemaxã ida̱xawexü̃. Rü ñu̱xũchi tá namaxã nanaxuegu nax marü naxca̱x yataaneexü̃. Rü ngẽma weri i maxü̃xü̃ rü tá nayange̱x nax yaxũxü̃ca̱x.