Lebítanüxü̃arü puracüchiga 16:20 - Tupanaarü Ore

²⁰ Rü ngẽxguma Aróü̃ marü Tupanaarü puracüca̱x namexẽẽgu i naxmachiã i Üünexüchixü̃, rü yima napata, rü ngẽma ãmarearü guruxü̃, rü ngẽxgumawena tá wüxíexü̃ namu nax yagaãxü̃ca̱x i ngẽma chíbu i maxü̃xü̃.

Lebítanüxü̃arü puracüchiga 16:20 Referans Kwoze

Echequié 45:20

Rü ngẽxguma yima tauemacüarü 7 i ngunexü̃wa nanguxgu rü ngẽma tátama pexü naxca̱x i ngẽma duü̃xü̃ i naechita chixexü̃ üxü̃. Rü ngẽmaãcü tá peyanaxoxẽxẽ i ngẽma ãũãchixü̃ i chopatawa ngẽxmaxü̃.

Lebítanüxü̃arü puracüchiga 16:16

Rü nüma i Aróü̃ rü ngẽmaãcü tá nixĩ i chopataarü naxmachiã i üünexüchixü̃wa iyanaxoxẽẽãxü̃ i guxü̃ma i ngẽma Iraétanüxü̃arü ãũãchixü̃gü rü yema nax tama chauga naxĩnüexü̃, rü yema togü ga pecadugü ga naxügüxü̃. Rü ngẽma duü̃xü̃güpatagüarü ngãxü̃tanüwa ngẽxmane ya chopata, rü nüma i Aróü̃ rü ngẽxgumarüxü̃ tá ta nawa inanaxoxẽxẽ i ngẽma Iraétanüxü̃arü ãũãchixü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Colosenses 1:20

Rü Tupana rü ñoma ga naanewa nanamu ga Cristu nax curuchagu nayuxü̃ca̱x rü nagü inabaxẽãxü̃ca̱x. Rü gumá nagümaxã nixĩ ga Tupana ga nügümaxã inangüxmüexẽẽãxü̃ ga guxü̃ma i ñoma i naanewa ngẽxmaxü̃ rü guxü̃ma i daxũguxü̃ i naanewa ngẽxmaxü̃.

2 Corintios 5:19

Yerü ga Tupana rü Cristugagu nügümaxã duü̃xü̃güxü̃ narüngüxmüexẽxẽ. Rü nüma rü tama duü̃xü̃güarü pecadugü naxĩnüãcüma nanaxü ga yema. Rü ñu̱xma rü toxü̃ namu nax ngẽmachigaxü̃ duü̃xü̃gümaxã tixuxü̃.

Romanos 8:34

¿Rü texé tá poxcu tamaxã ueguxü̃ i ñu̱xmax? Yerü Ngechuchu ya Cristu nixĩ ga taxca̱x yucü nax tüxü̃ yamexẽẽgüxü̃ca̱x. Rü naétü yuwa ínarüda rü ñu̱xma rü Tupanaarü tügünecüwawa nangẽxma. Rü ngéma taétüwa nachogü.

Romanos 4:25

Rü Ngechuchuxü̃ nixĩ ga namuxü̃ ga Tupana nax tórü pecaduca̱x nayuxü̃ca̱x. Rü ñu̱xũchi nüma ga Tupana rü wenaxarü Ngechuchuxü̃ ínarüdaxẽxẽ nax nagagu imexü̃ca̱x i Tupanape̱xewa.

Lebítanüxü̃arü puracüchiga 8:15

Rü yexguma nüma ga Moiché rü nayawíyenaxã ga yema naxü̃na. Rü ñu̱xũchi nagügu narüxu, rü gumá nagümaxã nayachagü ga nachaxta̱xcuregü ga yema ãmarearü guruxü̃ nax Tupanape̱xewa nangearü ãũãchiã́xü̃ca̱x. Rü gumá nagü ga íyaxücü rü yema ãmarearü guruxü̃ namaxã ínabaegu. Rü yemaacü Tupanaarü puracüca̱x nüxü̃ naxuneta ga yema ãmarearü guruxü̃ nax yéma Tupana nüxü̃́ nüxü̃ rüngü̃maxü̃ca̱x ga duü̃xü̃güarü pecadugü.

Lebítanüxü̃arü puracüchiga 6:30

Natürü tama name nax nangõ̱xgüãxü̃ i ngẽma naxü̃na i pecaduarü ütanüca̱x imáxü̃ rü chopatawa nangegüãcü ya nagü nax yimamaxã chopatawa yaxütanügüãxü̃ca̱x i duü̃xü̃güarü pecadugü nax ngẽmaãcü choma nüxü̃ icharüngümaxü̃ca̱x i norü pecadugü. Rü ngẽma naxü̃na i ãmare ixĩxü̃ rü üxüwa tá nigu.

Lebítanüxü̃arü puracüchiga 16:19

Rü ñu̱xũchi yima norü unetame̱xẽmaxã rü 7 e̱xpü̱xcüna tá yimá nagümaxã nanamaxcuétü i ngẽma ãmarearü guruxü̃. Rü ngẽmaãcü tá ínanayixẽxẽ nawa i ngẽma Iraétanüxü̃arü ãũãchixü̃. Rü ngẽmaãcü Cori ya Tupanaca̱x tá nanamexẽxẽ i ngẽma ãmarearü guruxü̃.

Lebítanüxü̃arü puracüchiga 16:21

Rü Aróü̃ rü ngẽma chíbuerugu nanuxme̱xãcüma tá Tupanamaxã nüxü̃ nixu i guxü̃ma i ngẽma Iraétanüxü̃arü chixexü̃gü, rü norü nuwa̱xegü, rü norü pecadugü. Rü ngẽmaãcü tá chíbuwa naxüe i guxü̃ma i ngẽma duü̃xü̃güarü pecadugü. Rü ngẽmawena rü wüxi i duü̃xü̃ tá nayaga rü ínachianexü̃wa tá nayata̱x.