Lebítanüxü̃arü puracüchiga 16:12 - Tupanaarü Ore

¹² Rü ñu̱xũchi nüma ya Aróü̃ rü tá nanayaxu i wüxi i pumarate̱xepáü̃. Rü ngẽma Tupanapatape̱xewa ngẽxmaxü̃ i guruü̃wa tá nanayaxu ya ã́xwe ya naicü, rü yimamaxã tá nanaxüãcu i ngẽma pumarate̱xearü guruü̃páü̃. Rü tá nanayaxu i taxreãcume̱xẽ i pumarate̱xe i yixichixü̃. Rü ngẽmamaxã tá ngẽma tüyemachiü̃arü aixepeguama naxücu.

Lebítanüxü̃arü puracüchiga 16:12 Referans Kwoze

Lebítanüxü̃arü puracüchiga 10:1

Aróü̃ nanegü ga Nadáx rü Abiú rü wüxichigü nanayaxu ga noxrütama ã́xwepáxü̃. Rü ngexcürüücümare ga ã́xwe ga tama Tupana naxwa̱xecümaxã nanaxüãcugü. Rü gumá ã́xweétügu nanagü ga norü pumarate̱xe rü ñu̱xũchi Tupanape̱xewa nanangegü nax yemamaxã nüxü̃ yacua̱xüü̃güxü̃ca̱x. Rü yemaacü tama nayanguxẽẽgü ga yema Tupana namaxã nüxü̃ ixuxü̃.

Iraétanüxü̃arü muxchiga 16:46

Rü nüma ga Moiché rü Aróü̃xü̃ ñanagürü: —¡Nua nange i curü pumarate̱xearü guruxü̃, rü ã́xwe i naxü̃nagüarü guruü̃wa cuyaxucümaxã naxüãcu, rü ñu̱xũchi pumarate̱xe ngẽxma ta nagü! ¡Rü ñu̱xũchi paxa duü̃xü̃gü íngẽxmagüxü̃wa naxũ rü ngéma duü̃xü̃güca̱x nüxna nachogü ya Tupana nax nüxü̃́ nüxü̃ nangümaxü̃ca̱x i norü chixexü̃gü! Erü nüma ya Cori ya Tupana rü poraãcü nanuxũchi, rü ngẽma da̱xaweane i namaxã nadaiaxü̃ rü marü inaxügü —ñanagürü.

Iraétanüxü̃arü muxchiga 16:18

Rü yemaacü wüxichigü nanayaxu ga norü pumarate̱xearü guruxü̃. Rü ã́xwe ga naicümaxã nayaxüãcu rü ñu̱xũchi pumarate̱xe naétü nagügü. Rü yemaacü Tupanapataarü ĩã̱xgu nayachigü namaxã ga Moiché rü Aróü̃.

Ínachoxü̃xü̃chiga 31:11

rü ngẽma chíxü̃ i baeruruxü̃, rü ngẽma pumarate̱xe i yixichixü̃ i chopataca̱x ixĩxü̃. Rü guxü̃ma i ngẽma rü ngẽma cumaxã nüxü̃ chixuxü̃ãcü tá nixĩ i naxügüãxü̃ —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Ínachoxü̃xü̃chiga 37:29

Rü nüma ga Becharé rü nanaxü ta ga yema chíxü̃ ga baeruruxü̃ ixĩxü̃ rü yema pumarate̱xe ga paacaxü̃. Rü yema pumarate̱xe rü ñoma pumaraarü üxü̃ cua̱xgüxü̃ naxügüxü̃rüü̃tama nanaxü.

Popera ga Yudíugü ga yaxõgüxü̃ca̱x ümatüxü̃ 9:7

Natürü yema to ga naxmachiãwa rü yema chacherdótegüarü ãẽ̱xgacüxicatama nixĩ ga wüxicanatama yexma ücuxü̃ ga wüxichigü ga taunecügu. Rü yexguma yexma naxücu̱xgu rü yéma nanange ga nagü nax gumámaxã yema baúxü̃ namaxcuétüxü̃. Rü yemaacü ga yema chacherdótegüarü ãẽ̱xgacü rü Tupanana nanaxã ga gumá nagü nax noxrütama pecaduxü̃ rü yema duü̃xü̃güarü pecadu ga naxücüraxü̃xü̃ iyanangümaxü̃ca̱x ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:5

Rü ñu̱xũchi ga yema orearü ngeruxü̃ rü nanayaxu ga yema buetarexacü ga pumaraarü gute̱xeruxü̃. Rü yema pumaraarü gute̱xechicawa nanayaxu ga ã́xwe ga naicü, rü gumámaxã nanaxüãcu ga gumá buetarexacü. Rü ñu̱xũchi ñoma ga naaneétügu nanaña. Rü yexgumatama poraãcü nidu̱xruane, rü nayexma ga nagagü, rü naxãẽmacüane rü naxĩã̱xãchiane.

Wenaxarü naxümatü ga Tupanaarü mugü 33:10

Rü nümagü ga Lebítanüxü̃ nixĩ ga mea Iraétanüxü̃xü̃ ga Acóbutanüxü̃xü̃ nangúexẽẽxü̃ i curü mugü rü ucu̱xẽgü. Rü nümagü nixĩ i cupe̱xewa curü ãmarearü guruü̃wa yagugüãxü̃ i naxü̃nagü i duü̃xü̃gü cuxna ãmaregüxü̃ rü ñu̱xũchi yagugüãxü̃ i pumarate̱xegü.