Lebítanüxü̃arü puracüchiga 16:11 - Tupanaarü Ore

¹¹ Rü nüma ya Aróü̃ rü tá cha̱u̱xca̱x nayagu i ngẽma wocaxacü i noxrütama pecaduarü ütanüruxü̃ nax nüxü̃́ nüxü̃ icharüngümaxü̃ca̱x i noxrütama pecadugü rü napatacüã̱xarü pecadugü.

Lebítanüxü̃arü puracüchiga 16:11 Referans Kwoze

Lebítanüxü̃arü puracüchiga 16:6

Rü tá cha̱u̱xca̱x nayagu i ngẽma wocaxacü i noxrütama pecadugüarü ütanüruxü̃ rü napatacüã̱xarü pecadugüarü ütanüruxü̃.

Popera ga Yudíugü ga yaxõgüxü̃ca̱x ümatüxü̃ 9:7

Natürü yema to ga naxmachiãwa rü yema chacherdótegüarü ãẽ̱xgacüxicatama nixĩ ga wüxicanatama yexma ücuxü̃ ga wüxichigü ga taunecügu. Rü yexguma yexma naxücu̱xgu rü yéma nanange ga nagü nax gumámaxã yema baúxü̃ namaxcuétüxü̃. Rü yemaacü ga yema chacherdótegüarü ãẽ̱xgacü rü Tupanana nanaxã ga gumá nagü nax noxrütama pecaduxü̃ rü yema duü̃xü̃güarü pecadu ga naxücüraxü̃xü̃ iyanangümaxü̃ca̱x ga Tupana.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Lebítanüxü̃arü puracüchiga 16:3

Rü nüma ya Aróü̃ rü wüxi i wocaxacü i yatüxü̃maxã tá chopataa̱xtügu naxücu nax ngẽxma yamáãxü̃ca̱x noxrütama chixexü̃tanü. Rü ngẽxgumarüxü̃ tá ta ngéma nanaga i wüxi i carnéru nax cha̱u̱xca̱x yaguãxü̃ca̱x.

Lebítanüxü̃arü puracüchiga 16:33

Rü nüma i chacherdóte rü ngẽmaãcü tá nixĩ i chopataarü naxmachiã i üünexüchixü̃wa rü yima chopatawa, rü ãmarearü guruü̃wa iyanaxoxẽẽãxü̃ i guxü̃ma i ngẽma Iraétanüxü̃arü ãũãchixü̃gü. Rü ngẽmaãcü ya chacherdóte rü tá guxü̃ma i chacherdótegüétüwa rü guxü̃ma i duü̃xü̃güétüwa nachogü, nax ngẽmaãcü Tupana nüxü̃́ nüxü̃ iyarüngü̃maxü̃ca̱x i norü pecadugü.

Lebítanüxü̃arü puracüchiga 9:7

Rü yemawena ga Moiché rü Aróü̃maxã nüxü̃ nixu rü ñanagürü nüxü̃: —¡Naxca̱x ixũ i ngẽma ãmarearü guruxü̃ rü ngéma Tupanana naxã i ngẽma naxü̃na i curü pecaduarü ütanüca̱x tá quiguxü̃ nax Tupana cuxü̃́ nüxü̃ narüngü̃maxü̃ca̱x i curü pecadugü rü ngẽma Iraétanüxü̃arü pecadugü, yema Cori ya Tupana chomaxã nüxü̃ ixuxü̃rüxü̃! —ñanagürü.