Lebítanüxü̃arü puracüchiga 16:10 - Tupanaarü Ore

¹⁰ Natürü ngẽma chíbu i nagu nanguxü̃ nax chianexü̃ i Achachéwa namuxü̃, rü maxü̃xü̃ tá Cori ya Tupanana namu nax Iraétanüxü̃axü̃́ nüxü̃ iyanangümaxü̃ca̱x i norü pecadugü. Rü ngẽmawena rü chianexü̃ i Achachéwa tá nanamu.

Lebítanüxü̃arü puracüchiga 16:10 Referans Kwoze

Nüxíraxü̃xü̃ ga popera ga Cuáü̃ ümatüxü̃ 2:2

Rü nüma ga Ngechuchu ya Cristu nixĩ ga nügü inaxãxü̃ rü nayuxü̃ nax naxütanüãxü̃ca̱x ga tórü pecadugü. Rü tama tórü pecadugüxicatama naxütanü, natürü guxü̃ma i duü̃xü̃güarü pecadugü rü ta naxütanü.

Nüxíraxü̃xü̃ ga popera ga Cuáü̃ ümatüxü̃ 3:16

Rü Ngechuchu ya Cristu rü tórü pecaduca̱x nayu, rü yemawa tüxü̃ nüxü̃ nadauxẽxẽ i ngẽma ngechaü̃ i aixcüma ixĩxü̃. Rü ngẽxgumarüxü̃ ta i yixema, rü tanaxwa̱xe nax íimemarexü̃ nax taenexẽ i yaxõgüxü̃ca̱x inaxãxü̃ i tórü maxü̃.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Romanos 4:25

Rü Ngechuchuxü̃ nixĩ ga namuxü̃ ga Tupana nax tórü pecaduca̱x nayuxü̃ca̱x. Rü ñu̱xũchi nüma ga Tupana rü wenaxarü Ngechuchuxü̃ ínarüdaxẽxẽ nax nagagu imexü̃ca̱x i Tupanape̱xewa.

Romanos 3:25

Rü Tupana nanamu ga Cristu nax nayuxü̃ca̱x rü yemaacü tórü pecadu naxütanüxü̃ca̱x. Rü ngẽxguma Cristuaxü̃́ yaxõgügu rü Tupana tüxü̃́ nüxü̃ narüngüma i tórü pecadugü. Rü ngẽmaãcü Tupana tüxü̃ nüxü̃ nadauxẽxẽ nax Cristugagu yixĩxü̃ i tüxü̃ yamexẽẽgüxü̃. Rü nüma ya Tupana rü tüxü̃́ nüxü̃ narüngüma ga tórü pecadugü ga ü̃pa ixügüxü̃ yerü yáxna tamaxã naxĩnü. Rü ñu̱xma rü tüxü̃ nanawéxchaü̃ nax Cristugagu yixĩxü̃ nax tüxü̃ yamexẽẽgüxü̃ nax nape̱xewa imexü̃ca̱x. Nüma rü aixcüma mecü nixĩ rü tüxü̃ nimexẽẽgü ya guxãma ya yíxema Ngechuchuaxü̃́ yaxõgüxe.

Lebítanüxü̃arü puracüchiga 14:7

Rü ngẽmawena rü 7 e̱xpü̱xcüna tá yíxema werigümaxã nanamaxcuxü̃ne i ngẽma chaxünemaxã ida̱xawexü̃. Rü ñu̱xũchi tá namaxã nanaxuegu nax marü naxca̱x yataaneexü̃. Rü ngẽma weri i maxü̃xü̃ rü tá nayange̱x nax yaxũxü̃ca̱x.

Lebítanüxü̃arü puracüchiga 16:8

Ngẽmawena rü tá nanasortéu i ngẽma taxre i chíbugü nax ngẽmawa nüxü̃ nacuáxü̃ca̱x nax ngexü̃rüüxü̃ tá yixĩxü̃ i Tupanaca̱x yamáxü̃ rü ngexü̃rüüxü̃ tá yixĩxü̃ i chianexü̃ i Achachéwa namuxü̃.

Lebítanüxü̃arü puracüchiga 16:9

Rü ngẽma chíbu i nagu nanguxü̃ nax Cori ya Tupanaca̱x yamáaxü̃, rü Aróü̃ rü tá nayama̱x rü nayagu pecaduarü ütanüruxü̃.