Lebítanüxü̃arü puracüchiga 15:31 - Tupanaarü Ore

³¹ Rü ngẽmaãcü i pema rü tá norü ãũãchixü̃na peyaxĩgachixẽxẽ i ngẽma Iraétanüxü̃ nax tama nayuexü̃ca̱x nagagu nax naxãũãchigüãxü̃ ya yima chopata ya choma nawa changexmane i natanüwa” —ñanagürü ga Cori ya Tupana.

Lebítanüxü̃arü puracüchiga 15:31 Referans Kwoze

Iraétanüxü̃arü muxchiga 19:20

Rü yíxema duü̃xẽ ya ãũãchíxe ya tama tügü mexẽẽchaü̃xẽ, rü tanaxwa̱xe nax wüxicana itarüxoxü̃ i petanüwa erü chopataxü̃ taxãũãchixẽxẽ. Rü taxãũãchiecha, erü tama ngẽma dexá i mexẽẽruü̃maxã tamaxcuxü̃ne.

Echequié 5:11

Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.

Iraétanüxü̃arü muxchiga 19:13

Rü ngẽxguma texé yuxe ya duü̃xẽxü̃ ingógügu rü ñu̱xũchi tama ngẽma dexáwa tügü tayaxu̱xgu rü chopatamaxã chixexü̃ taxü. Rü ngẽmaca̱x name nax wüxicana itarüxoxü̃ i Iraétanüxü̃tanüwa. Erü tama ngẽma dexá i wocaarü tanimacamaxã ãéü̃xü̃maxã tamaxcuxü̃ne, rü ngẽmaca̱x chope̱xewa taxãũãchi.

Echequié 23:38

Rü naétü wüxitama ga ngunexü̃gu inaxãũãchigü ga chopata rü tama inaxauregü ga chorü ngü̃chigaarü ngunexü̃gü.

Popera ga Yúda ümatüxü̃ 1:4

Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

1 Corintios 3:17

Rü ngẽxguma texé Tupanapata chixexẽẽgu, rü Tupana tá tüxü̃ napoxcu, erü Tupanapata ya nawa namaxü̃ne rü naxüüne. Rü pematama nixĩ ya yimá Tupanapata nax pixĩgüxü̃.

Echequié 44:23

Rü ngẽma chacherdótegü rü nanaxwa̱xe nax chorü duü̃xü̃güxü̃ nangúexẽẽxü̃ nax nüxü̃ nacua̱xgüxü̃ca̱x nax ngexü̃ yixĩxü̃ i ngẽma üünexü̃ rü ñu̱xũchi ngexü̃ yixĩxü̃ i ngẽma chixexü̃. Rü ngẽxgumarüxü̃ ta nanaxwa̱xe nax nangúexẽẽãxü̃ nax ngexü̃ yixĩxü̃ i ngẽma chope̱xewa mexü̃ rü ngexü̃ yixĩxü̃ i ngẽma chope̱xewa ãũãchixü̃.

Danié 9:27

Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Wiyaegü 66:18

Rü ngẽxguma chi chixexü̃gu charüxĩnügu rü nüma ya Cori rü taxũchima choxü̃ nangãxü̃.

Wenaxarü naxümatü ga Tupanaarü mugü 24:8

Rü ngẽxguma texé chaxünemaxã ida̱xaweegu rü tanaxwa̱xe nax meama tayanguxẽẽxü̃ i ngẽma ucu̱xẽ i chacherdótegü i Lebítanüxü̃ tümamaxã nüxü̃ ixugüxü̃. Rü name nax tayanguxẽẽxü̃ i guxü̃ma i ngẽma ucu̱xẽ i chacherdótegümaxã nüxü̃ chixuxü̃.

Lebítanüxü̃arü puracüchiga 21:23

Natürü taxucürüwama nüxü̃ naxüpetü i ngẽma tüyemachiãruxü̃ rü taxucürüwama nüxna nangaicama i ãmarearü guruxü̃ nax tama ngẽmaãcü naxãũãchixẽẽãxü̃ca̱x ya chopata. Erü ngẽma chacherdótegü rü choma i Cori ya Tupana nixĩ i nüxü̃ chaxunetaxü̃ chorü puracüca̱x —ñanagürü.

Lebítanüxü̃arü puracüchiga 20:3

Choma rü tá namaxã chanu i ngẽma yatü, rü wüxicana tá ichayanaxoxẽxẽ i duü̃xü̃gütanüwa, nagagu nax tama chopataxü̃ nangechaxü̃xü̃ rü ñu̱xũchi nax naxãũãchixẽẽãxü̃ i chauéga i ngẽxguma wüxi ya nane ãmarexü̃ Molóxna tüxü̃ muxgu.

Lebítanüxü̃arü puracüchiga 19:30

¡Rü penaxaure i chorü ngü̃xchigaarü ngunexü̃gü! ¡Rü mea nüxna pedau rü nüxü̃ pengechaü̃ ya yima chopata! Rü choma nixĩ ya Cori ya Tupana.

Lebítanüxü̃arü puracüchiga 13:59

Rü ngẽma nixĩ i ngẽma ucu̱xẽgü nachiga i ngẽma chaxünearü chúxü̃ i naxchiru i carnéruta̱xanaxca̱xwa, rüe̱xna línuchinaxca̱xwa, rüe̱xna mutachinüxü̃wa, rüe̱xna ngẽmaxü̃ i naxcha̱xmünaxca̱xwa ngẽxmaxü̃, nax ngẽmaãcü nüxü̃ picuáxü̃ca̱x nax ngexü̃rüüxü̃ yixĩxü̃ i ngẽma Tupanape̱xewa mexü̃ rü ngẽma nape̱xewa ãũãchixü̃.

Lebítanüxü̃arü puracüchiga 11:47

Rü pemaxã nüxü̃ chixu i ngẽma ucu̱xẽgü nax ngẽmaãcü nüxü̃ pecuáxü̃ca̱x nax ngexü̃rüüxü̃ yixĩxü̃ i ngẽma imexü̃ rü ngexü̃rüüxü̃ yixĩxü̃ i ngẽma ixãũãchixü̃, rü ngexü̃rüüxü̃ yixĩxü̃ i ngẽma naeü̃gütanüwa rü mexü̃ nax penangṍxü̃ rü ngexü̃rüüxü̃ yixĩxü̃ i ngẽma naeü̃gü i tama mexü̃ nax penangṍxü̃ —ñanagürü ga Tupana.

Lebítanüxü̃arü puracüchiga 15:32

Rü ngẽmagü nixĩ i ucu̱xẽgü naxca̱x i ngẽma yatügü i naxpe̱xechiraü̃wa ida̱xaweexü̃, rü ngẽma yatügü i ibamügüxü̃ rü ngẽmagagu chope̱xewa ãũãchigüxü̃. Rü ngẽma nixĩ i ucu̱xẽgü naxca̱x i ngexü̃gü i norü da̱xawe nüxna ngugüxü̃, rü ngẽma yatü i ngĩmaxã maxü̃xü̃ i wüxi i nge i ngẽxguma ngĩrü da̱xawewa nangẽxmayane.

1 Chamué 3:14

Rü ngẽmaca̱x i ñu̱xma rü Erí nanegümaxã chanaxuegu nax taxũtáma nüxü̃́ nüxü̃ icharüngümaxü̃ i norü chixexü̃gü woo naxü̃nagü cha̱u̱xca̱x ínaguxgu rüe̱xna ãmaregü choxna naxãgügu —ñanagürü ga Tupana.

Echequié 36:17

—Pa Yatüx, yema Iraétanüxü̃ rü yexguma norü naanewa nayexmagügu, rü nacüma ga chixexü̃ ga nagu namaxẽxü̃maxã nanaxãũxãchigü ga yema norü naane. Rü yema nacüma ga nagu namaxẽxü̃ rü cha̱u̱xca̱x rü naxãũãchi rü nawa chanaxoxéga.