Lebítanüxü̃arü puracüchiga 15:24 - Tupanaarü Ore

²⁴ Rü ngẽxguma wüxi i yatü tümamaxã ípexgu rü nüxna naxüe i tümaarü ãũãchixü̃. Rü 7 i ngunexü̃ tá nawa nangẽxma i ngẽma ãũãchixü̃. Rü ngẽxgumarüxü̃ ta i ngẽma nachica i nagu naca̱xaxü̃ rü 7 i ngunexü̃ naxãũãchi.

Lebítanüxü̃arü puracüchiga 15:24 Referans Kwoze

Lebítanüxü̃arü puracüchiga 20:18

Rü ngẽxguma wüxi i yatü rü wüxi i nge i ngĩrü da̱xawexü̃newa ngẽxmacüxü̃ nacaxgu, rü naxü̃nearü ngúchaü̃ ngĩmaxã naxü̱xgu, rü ngĩxü̃́ ínanangegü i ngextá ngĩgü íxũxü̃wa. Rü ngĩmatama nixĩ i naxca̱x ínacuxuchixü̃. Rü ngẽmaca̱x i ngẽma taxre rü name nax wüxicana tá ínawoxü̃xü̃ i duü̃xü̃gütanüwa.

Nüxíraxü̃xü̃ ga popera ga Pedru ümatüxü̃ 2:11

Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.

Lebítanüxü̃arü puracüchiga 18:19

¡Rü taxṹ i cuxunearü ngúchaü̃ ngĩmaxã cuxüxü̃ i wüxi i nge ega ngĩrü da̱xawexü̃newa nangẽxmagu!

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.

Echequié 22:10

Rü nangẽxma i duü̃xü̃gü i nanatüma̱xmaxã maxẽxü̃ rüe̱xna naxma̱x ya tümaarü da̱xawexü̃ne tüxü̃́ ngẽxmaxẽmaxã maxü̃xü̃.

1 Tesalonicenses 5:22

¡Rü nüxna pixĩgachi i naguxü̃raü̃xü̃ i chixexü̃gü!

Lebítanüxü̃arü puracüchiga 15:23

Rü ngẽmaãcü yíxema nüxü̃ ingógüxe i ngẽma nachica i marü nagu naca̱xaxü̃ rüe̱xna ngẽma nawa natoxü̃, rü tá taxãũãchi ñu̱xmata nachüta.