Lebítanüxü̃arü puracüchiga 15:12 - Tupanaarü Ore

¹² Rü ngẽxguma yimá yatü ya naxpe̱xechiraü̃wa ida̱xawecü nüxü̃ ingógügu ya wüxi ya buetare ya waixü̃münaxca̱x, rü tanaxwa̱xe nax wüxicana nagu tapogüxü̃. Rü ngẽma ngẽmaxü̃gü i nainaxca̱x i nüxü̃ yangógüxü̃ rü tanaxwa̱xe nax tayayauxgüxü̃.

Lebítanüxü̃arü puracüchiga 15:12 Referans Kwoze

Lebítanüxü̃arü puracüchiga 6:28

Rü yima buetare ya waixü̃münaxca̱x ya naxü̃namachi nawa pemuxragücü, rü nawena nax nawa penamuxraxü̃ rü name nax peyapuxẽẽxü̃. Natürü ngẽxguma yima buetare rü cobrenaxca̱x yixĩxgu, rü nawena nax ngẽma naxü̃namachi nawa pemuxraxü̃ rü tá penadüxüma rü ñu̱xũchi meatama penayaxuma.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

2 Corintios 5:1

Nüxü̃ tacua̱x rü ngẽxguma iyanaxoxgu i ñaa toxone i paxaãchi toxü̃́ ngẽxmaxü̃, rü daxũguxü̃ i naanewa tá tanayaxu i wüxi i toxone i tagutáma iyarüxoxü̃ i Tupanatama toxca̱x mexẽẽxü̃ rü tama i duü̃xü̃gü.

Ucu̱xẽgüchiga 3:21

Pa Chaunex ¡mea cugüãẽgu namaxã nanguxü̃ i ñaa ucu̱xẽgü, rü taxṹ i nüxü̃ curüngü̃maxü̃ nax nagu cumaxü̃xü̃!

Ucu̱xẽgüchiga 1:23

¡Iperüxĩnüe i chorü ucu̱xẽgü! Rü tá pexna chanaxã i ngẽma cua̱x i aixcüma mexü̃ rü tá pexü̃ nüxü̃ chacua̱xẽxẽ i chorü ĩnü.

Ucu̱xẽgüchiga 1:21

Ngẽma cua̱x rü ĩanearü ücuchicaxü̃güwa rü duü̃xü̃gü ímuxü̃wa nüxü̃ nixu i norü ore.

Wiyaegü 2:9

Rü fierumena̱xãmaxã tá cunadai i ngẽma nachixü̃anegüarü ãẽ̱xgacügü. Rü tá íxraxü̃gu cunapoü̃gü ñoma buetare ya waixü̃münaxca̱x ipuxẽxẽxü̃rüxü̃ —ñanagürü choxü̃.

Lebítanüxü̃arü puracüchiga 15:11

Rü ngẽxguma yimá yatü ya naxpe̱xechiraü̃wa ida̱xawecü tama naya̱u̱xme̱xãcüma texéxü̃ yangógügu, rü yíxema tüxü̃ yangógüxe rü tanaxwa̱xe i tügü tayauxchiru rü tügü taxaiya. Rü duü̃xü̃gü tá nüxü̃ nacua̱x nax taxãũãchixü̃ ñu̱xmata nachüta.

Lebítanüxü̃arü puracüchiga 6:21

Rü ngẽma ãmare rü wüxi i piripáxü̃wa tá nixĩ i yagugüãxü̃ rü ñu̱xũchi mea chíxü̃maxã naxüéxü̃güãxü̃. Rü ngẽmawena rü íxraxü̃gu tá nanawicu rü ñu̱xũchi tá ínanagu. Rü choma rü tá namaxã chataãxẽ i naema i ngẽma ãmare.