Lebítanüxü̃arü puracüchiga 14:8 - Tupanaarü Ore

⁸ Rü yíxema marü tümaca̱x yataanexe, rü name nax tügü tayauxchiruxü̃ rü tügü mea taxaiyaxü̃, rü guxü̃wama tügü tidüxü̃ nax ngẽmaãcü tamexü̃ca̱x. Rü ngẽmawena tá nixĩ i duü̃xü̃gü íxãpataxü̃wa taxũxü̃. Natürü 7 i ngunexü̃ tá nixĩ i tümapataarü düxétüwa tangexmaxü̃.

Lebítanüxü̃arü puracüchiga 14:8 Referans Kwoze

Lebítanüxü̃arü puracüchiga 11:25

Rü yíxema yangexe i wüxi i ngẽma naeü̃ i pexna chachu̱xuxü̃ i yuxü̃ rü tanaxwa̱xe nax tanayaxuxü̃ i tümachiru. Rü chope̱xewa tá taxãũãchi ñu̱xmata nachüta.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Iraétanüxü̃arü muxchiga 8:7

¡Rü dexá i üünexü̃maxã yamaxcuétügü! ¡Rü ñu̱xũchi tá nügü nidüxta̱xaxü̃negü rü tá nügü niyauxchirugü! Rü ngẽmaãcü tá chope̱xewa nime.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Norü taxre ga to ga popera ga ãẽ̱xgacügüchiga ümatüxü̃ 26:21

Rü yexgumacürüwa ga nüma ga ãẽ̱xgacü ga Uchía rü yema da̱xawemaxã nidawe ñu̱xmata nax nayuxü̃. Rü yemaca̱x nüxrüwama namaxü̃ nawa ga wüxi ga ucapu ga ãẽ̱xgacüpatawa yexmaxü̃. Rü nüxna nanachu̱xgü nax Tupanapata ga taxü̃newa naxũxü̃ ñu̱xmata nayu̱xgu. Rü yemaca̱x ga nane ga Yotáü̃ rü nüxí namaxã inacua̱x ga Yudáane.

Lebítanüxü̃arü puracüchiga 14:9

Rü norü 7 i ngunexü̃gu rü mea tá tügü tidüxpü̱xüeru, rü tügü tidüxchinagu, rü tügü tidüxü̃catü, rü tügü tidüxta̱xaxü̃ne. Rü tá tügü tayauxchiru rü ñu̱xũchi mea tá tügü taxaiya, rü ngẽxguma tá nixĩ i tangearü da̱xaweã́xü̃.

Lebítanüxü̃arü puracüchiga 8:6

Rü nüma ga Moiché rü Aróü̃maxã rü nanegümaxã nüxü̃ nixu nax naxca̱x naxĩxü̃ca̱x. Rü Tupanape̱xewa dexámaxã nayayauxgü.

Ínachoxü̃xü̃chiga 19:14

Rü nüma ga Moiché rü ínarüxĩ nawa ga guma ma̱xpǘne nax duü̃xü̃güxü̃ yaxucu̱xẽgüxü̃ca̱x nax ñuxãcü Tupanaxü̃ yacua̱xüü̃güxü̃ca̱x. Rü nüma ga duü̃xü̃gü rü nügü niyauxchirugü.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Lebítanüxü̃arü puracüchiga 15:13

Rü ngẽxguma marü naxca̱x yataanegu ya yimá yatü ya naxpe̱xechiraü̃wa ida̱xawecü, rü name i 7 i ngunexü̃ ngupetüguwena nügü naya̱u̱xchiru rü dexá i chuxchuxü̃wa nügü naxaiya. Rü ngẽxguma tá nixĩ i tama naxãũãchixü̃.

Iraétanüxü̃arü muxchiga 6:9

Rü ngẽxguma ngürüãchi wüxi ya duü̃xẽ naxü̃tagu yuxgu i wüxi i Nacharéu rü ngẽmaca̱x natagügu i nayae i Tupanaca̱x ixĩxü̃, rü nanaxwa̱xe nax wüxi ya yüxüguwena nügü naba̱i̱xeruxẽẽxü̃ nax ngẽmaãcü Tupanape̱xewa namexü̃ca̱x.

Wenaxarü naxümatü ga Tupanaarü mugü 21:12

rü name nax tümapatawa ngĩxü̃ tagaxü̃, rü tá ngĩxü̃ tamu nax ngĩgü yayoeruxü̃ rü ngĩgü ínayoü̃patüxü̃.