47 Rü yíxema yima ĩpatawa chibüxe rüe̱xna ngẽxma pexe, rü name nax tügü tayauxchiruxü̃ nax tangearü ãũãchiã́xü̃ca̱x.
Rü yíxema yangexe i wüxi i ngẽma naeü̃ i pexna chachu̱xuxü̃ i yuxü̃ rü tanaxwa̱xe nax tanayaxuxü̃ i tümachiru. Rü chope̱xewa tá taxãũãchi ñu̱xmata nachüta.
Rü ngẽxguma chacherdóte marü nüxü̃ ixuxgu nax nawãxtaxü̃ ya yima ĩpata, rü texé ya nagu ücuxe rü tá tüxü̃ nacua̱x nax taxãũãchixü̃ rü ñu̱xmata nachüta.
Rü nawena nax marü to i chauxruü̃maxã nachaxtapǘxü̃ ya yima ĩpata, rü ngẽxguma chacherdóte nagu ücugu nax nangugüãxü̃ca̱x rü nüxü̃ nada̱u̱xgu nax tama iyaxũxü̃ nax yachúxü̃, rü ñu̱xũchi tá nüxü̃ nixu nax marü namexü̃ ya yima ĩpata, erü marü inarüxo nax yachúxü̃.