Lebítanüxü̃arü puracüchiga 14:34 - Tupanaarü Ore

^34-35 —Rü ngẽxguma ngẽma naane i pexna chaxãxü̃ i Canaáü̃anewa pengẽxmagügu, rü choma rü ñuxre ya ĩpatagu chananguxẽxẽ nax yachúexü̃ca̱x ya yima ĩpatagü, rü yíxema ĩpataarü yora rü tá chacherdótexü̃tawa taxũ, rü nüxü̃ tá ñatagürü: “Chopata i nawa changexmane rü nichu̱x”, ñatagürü tá.

Lebítanüxü̃arü puracüchiga 14:34 Referans Kwoze

Wenaxarü naxümatü ga Tupanaarü mugü 32:49

—¡Máxpü̱xanexü̃ i Abaríü̃wa naxũ! ¡Rü nagu naxĩnagü ya yima ma̱xpǘne ya Nébu ya Moátanüxü̃arü naanewa ngẽxmane ya ĩane ya Yericúarü to̱xma̱xtawa! Rü ngéma tá nagu cudawenü i ngẽma Canaáü̃ane. Rü ngẽma naane tá nixĩ i Iraétanüxü̃na chaxãxü̃.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Miquéa 6:9

Rü nüma ya Cori ya Tupana rü naxca̱x naca i Yerucharéü̃cüã̱xgü. Rü ngẽma duü̃xü̃gü i naãẽxü̃ cuáxü̃ nixĩ i aixcüma naga ĩnüexü̃. Rü nüma rü ñanagürü: —¡Iperüxĩnüe, Pa Yerucharéü̃cüã̱xgü rü yima ĩanearü ucu̱xẽruxü̃gü! Rü ngẽma duü̃xü̃gü i chixexü̃gu maxẽxü̃patawa nangẽxma i ngẽmaxü̃gü i chixexü̃wa nayaxuxü̃. Rü ngéma nangẽxma i norü yáruxü̃ i chixexü̃ i naxchi chaxaixü̃.

Amúx 6:11

Erü nüma ya Cori ya Tupana rü tá nanamu nax yima ĩpatagü ya itaxü̃negu rü ĩpatagü ya íxranegu napogüexü̃. Rü guxü̃netáma ya ĩpatagü rü tá nachitaxü̃xica ínayaxügü.

Amúx 3:6

Rü ngẽxguma ĩanewa yacuegüãgu ya cornéta rü ngẽmawa duü̃xü̃gü nüxü̃ nacua̱x nax nangẽxmaxü̃ i ãũcümaxü̃. Rü ngẽxguma ta̱xacürü guxchaxü̃ ngupetügu i ĩanewa rü nüxü̃ tacua̱x nax Cori ya Tupana yixĩxü̃ i ngéma namuxü̃ i ngẽma guxchaxü̃.

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Ucu̱xẽgüchiga 3:33

Nüma ya Cori ya Tupana rü chixexü̃ namaxã naxuegu i napatacüã̱x i ngẽma chixexü̃ i duü̃xü̃, natürü mexü̃ tümapatacüã̱xmaxã naxuegu ya yíxema nape̱xewa mexü̃ üxe.

1 Chamué 2:6

Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

Yochué 13:1

Rü yexguma marü naya̱xgu ga Yochué rü Cori ya Tupana rü ñanagürü nüxü̃: —Cuma rü marü cuya rü muxü̃ma i naane ínayaxügüama nax penapuxü̃xü̃ca̱x.

Wenaxarü naxümatü ga Tupanaarü mugü 27:3

Rü yimápütagu tá penaxümatü i guxü̃ma i ngẽma ucu̱xẽgü i pemaxã nüxü̃ chixuxü̃. Rü ngẽma tá pexü i ngẽxguma nagu pechocugu i ngẽma naane i ngextá yima lechi rü berure rü ñoma dexárüxü̃ taguma ínataxuxü̃wa. Rü nüma ya Cori ya Tupana rü tá pexna nanaxã i ngẽma naane yema perü o̱xigümaxã nüxü̃ yaxuxü̃rüxü̃.

Wenaxarü naxümatü ga Tupanaarü mugü 26:1

Rü pema rü ngẽxguma nagu pechocugu rü nawa pengẽxmagügu i ngẽma naane i Cori ya Tupana tá pexna ãxü̃, rü ngẽma nüxíraxü̃xü̃ i penetü i peanegu petogüxü̃arü o rü tá wüxi i pechigu penanucu. Rü nawa tá cunana i ngẽma nachica i Cori ya Tupana nüxü̃ unetaxü̃ nax nawa nangẽxmaxü̃.

Wenaxarü naxümatü ga Tupanaarü mugü 19:1

Rü ngẽxguma marü Tupana nadaixgu i ngẽma duü̃xü̃gü i ñu̱xma ngẽma naane ya Tupana pexna ãxchaü̃xü̃wa maxẽxü̃, rü pema tá nixĩ i nawa pemaxẽxü̃ ya yima ĩanegü rü napatagü i ngẽma duü̃xü̃gü.

Wenaxarü naxümatü ga Tupanaarü mugü 12:1

Rü ngẽxguma nawa pemaxẽgu i ngẽma naane i Cori ya perü Tupana perü o̱xigümaxã unetaxü̃ rü penaxwa̱xe nax guxü̃guma naga pexĩnüexü̃ rü nagu pexĩxü̃ i ngẽma mugü rü ucu̱xẽgü i pemaxã nüxü̃ chixuxü̃.

Wenaxarü naxümatü ga Tupanaarü mugü 7:15

Rü nüma ya Cori ya Tupana rü pexna tá nayaxũgachixẽxẽ i guxü̃ma i da̱xaweanegü, rü ngẽma ãũcümaxü̃ i da̱xaweanegü ga nüxü̃ pedaugüxü̃ ga Equítuaneca̱x ínanguxẽẽxü̃. Natürü guxü̃ma i perü uanügü rü ngẽma da̱xaweanegümaxã tá ngúxü̃ nüxü̃ ningexẽẽgü.

Iraétanüxü̃arü muxchiga 35:10

—¡Iraétanüxü̃maxã nüxü̃ ixu i ñaa ore!: “Rü ngẽxguma natü i Yudáü̃ pichoü̃gu nax Canaáü̃anegu pechocuxü̃ca̱x, rü penaxwa̱xe nax ñuxre ya ĩanegüxü̃ tá pexunetaxü̃ cu̱xchicaruü̃gü nax ngẽmaãcü yima ĩanegügu tayarücúxü̃ca̱x ya yíxema máetacüraxü̃xe.

Iraétanüxü̃arü muxchiga 32:32

Rü Cori ya Tupanaga taxĩnüeãcüma ãxneãcüma tá nagu tachocu i ngẽma Canaáü̃chiane. Natürü ñaa naane i Yudáü̃arü éstewaama ngẽxmaxü̃ rü toxna tá naxü nax ngẽmaãcü tóxrü yixĩxü̃ca̱x —ñanagürügü.

Lebítanüxü̃arü puracüchiga 25:2

—¡Iraétanüxü̃maxã nüxü̃ ixu i ñaa ore!: “Rü ngẽxguma tá marü nagu pichocugu i ngẽma naane i tá pexna chaxãxü̃, rü chanaxwa̱xe nax chauégagu ipenangü̃xẽẽxü̃ i ngẽma naane.

Lebítanüxü̃arü puracüchiga 23:10

—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Naanearü ügüchiga 13:17

¡Rü inachi rü nagu rüxũ i guxü̃ma i norü ma̱x rü norü tatachinü i ñaa naane, erü choma rü tá cuxna chanaxã! —ñanagürü.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Lebítanüxü̃arü puracüchiga 14:33

Rü nüma ga Cori ya Tupana rü Moichéxü̃, rü Aróü̃xü̃ ñanagürü:

Chacaría 5:4

Rü ngẽma poxcu rü tá ngẽma ngĩta̱xagüxü̃patawa nangu rü ngẽma Tupanaégagu idorata̱xagüxü̃patawa nangu. Rü ngéma poxcu rü napatawa tá nangẽxma ñu̱xmatáta yanaxo ya yima napataarü omütagü rü nutagü. Rü Tupana ya Guxãétüwa Ngẽxmacü nixĩ i naxueguxü̃ i ngẽma —ñanagürü.

Lebítanüxü̃arü puracüchiga 20:24

Rü ngẽmaca̱x i choma rü pemaxã chanaxuegu nax pema tá pixĩgüxü̃ i ngẽma norü naanearü yora. Rü chomatátama pexna chanaxã i ngẽma naane i ngextá ñoma dexárüxü̃ yima lechi rü ira taguma ítaxuxü̃wa. Rü choma nixĩ i perü Cori ya Tupana ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.