Lebítanüxü̃arü puracüchiga 14:12 - Tupanaarü Ore

¹² Rü ngẽmawena nüma ya chacherdóte rü tá tüxü̃ niyaxu i wüxi ya yíxema carnéruxacü rü ñu̱xũchi tá nanayaxu i ngẽma ngãxü̃ i litru i chíxü̃ rü Tupanape̱xewa tá nanange i ngẽma ãmare i ngẽma duü̃xẽarü chixexü̃gagu ixãxü̃. Rü ngéma Tupanape̱xewa tá nayachü̱xüxacüüxẽxẽ.

Lebítanüxü̃arü puracüchiga 14:12 Referans Kwoze

Ínachoxü̃xü̃chiga 29:24

¡Rü guxü̃ma i ngẽma rü Aróü̃me̱xẽgu, rü nanegüme̱xẽgu nanu! Rü ngẽmagü nixĩ i ãmare i cha̱u̱xca̱x ixĩxü̃.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ínachoxü̃xü̃chiga 29:22

¡Rü ñu̱xũchi nayaxu ya yima narexü̃arü chíxü̃ rü naü̃nütagüarü chíxü̃ rü nacaarü chíxü̃ rü yima taxre ya ñuxmigü rü norü chíxü̃ rü yima norü tügüneperema! Erü ngẽma nixĩ i carnéru i chacherdótegüarü baeruca̱x imáxü̃.

Ínachoxü̃xü̃chiga 29:26

¡Rü ngẽxguma tá cunabaerugu ya Aróü̃ nax chorü chacherdóte yixĩxü̃ca̱x rü nayaxu i naremümachi i ngẽma carnéru rü chope̱xewa tá cuyachü̱xacüüxẽxẽ! Rü ngẽma naremümachi rü tá cuxrü nixĩ.

Lebítanüxü̃arü puracüchiga 14:10

Rü ngẽma norü 8 i ngunexü̃gu ya yíxema tümaca̱x yataanexe rü tá tayayaxu i taxre i carnéruxacü i yatüxü̃ i ngearü chixexü̃ã́xü̃, rü ñu̱xũchi wüxi i carnéruxacü i ngexü̃ i wüxi ya taunecü nüxü̃́ ngẽxmaxü̃ i ngearü chixexü̃ã́xü̃. Rü ñu̱xũchi tá tanayaxu i 6 quíru i trigute̱xe i rümemaexü̃ i chíxü̃maxã ãéü̃xü̃. Rü ngẽxgumarüxü̃ tá ta tanayaxu i ngãxü̃ i litru i chíxü̃.

Lebítanüxü̃arü puracüchiga 14:11

Rü ngẽma chacherdóte i tá naxüxü̃ i ngẽma mexẽẽchiga rü Cori ya Tupanapatape̱xegu tá tüxü̃ namu ya yíxema duü̃xẽ wüxigu namaxã i tümaarü ngẽmaxü̃gü.

Lebítanüxü̃arü puracüchiga 14:19

Rü ngẽmawena i ngẽma chacherdóte rü tá Tupanana nanaxuaxü̃ i ngẽma naxü̃na i pecaduarü ütanüruxü̃ nax ngẽmaãcü tarümexü̃ca̱x ya yíxema chaxünemaxã ida̱xawexe. Ngẽmawena rü tá nayama̱x i ngẽma naxü̃na rü ãmarearü guruü̃wa tá nayagu wüxigu namaxã i ngẽma ãmare i trigute̱xe. Rü ngẽmaãcü ya chacherdóte rü tá tümaétüwa nachogü, nax ngẽmaãcü Tupana tüxü̃́ nüxü̃ iyarüngü̃maxü̃ca̱x i tümaarü pecadu. Rü ngẽmaãcü tá Tupanape̱xewa tame.

Lebítanüxü̃arü puracüchiga 5:15

—Yíxema tama nüxü̃ cuáxe nax choxna tanaxãxü̃ i ngẽma choxna üxü̃ rü tümagagutama chope̱xewa pecadugu tangu. Rü ngẽma pecaduarü ütanüruxü̃ rü name i tümaarü carnérutanüwa tayayaxu i wüxi i carnéru i yatüxü̃ i taxuwama chixexü̃, rü chopatawa tanaga. Rü tá tanangugü i natanü nax ñuxre i diẽrumü naxãtanüxü̃ i ngẽma carnéru i tümaarü pecaduca̱x itaxãxü̃. Rü ngẽma diẽrumüarü ya rü chopatawa ngẽxmaxü̃ i yáruü̃wa tá tanangugü.