Lebítanüxü̃arü puracüchiga 13:59 - Tupanaarü Ore

⁵⁹ Rü ngẽma nixĩ i ngẽma ucu̱xẽgü nachiga i ngẽma chaxünearü chúxü̃ i naxchiru i carnéruta̱xanaxca̱xwa, rüe̱xna línuchinaxca̱xwa, rüe̱xna mutachinüxü̃wa, rüe̱xna ngẽmaxü̃ i naxcha̱xmünaxca̱xwa ngẽxmaxü̃, nax ngẽmaãcü nüxü̃ picuáxü̃ca̱x nax ngexü̃rüüxü̃ yixĩxü̃ i ngẽma Tupanape̱xewa mexü̃ rü ngẽma nape̱xewa ãũãchixü̃.

Lebítanüxü̃arü puracüchiga 13:59 Referans Kwoze

Lebítanüxü̃arü puracüchiga 13:47

Rü ngẽxguma yachu̱xgu i wüxi i naxchiru i carnéruta̱xanaxca̱x, rüe̱xna línuchinaxca̱x, rüe̱xna línuchiwa mutachinüxü̃, rüe̱xna carnéruta̱xawa mutachinüxü̃, rüe̱xna wüxi i ngẽmaxü̃ i naxcha̱xmüü̃naxca̱x, rüe̱xna ngẽxü̃rüü̃xü̃mare i ngẽmaxü̃ i naxcha̱xmüü̃wa üxü̃wa nango̱xgu nax yachúxü̃, rü ngẽxguma nayáuxragu rüe̱xna nadauxragu i norü chu̱x i ngẽma naxchirugü, rü chaxünearü chu̱x nixĩ i ngẽma. Rü name nax chacherdótexü̃ peyawéxü̃

Lebítanüxü̃arü puracüchiga 13:58

Rü ngẽxguma marü nayaxu̱xguwena rü iyanaxoxgu nax yachúxü̃ i ngẽma naxchiru, rüe̱xna ngẽma mutachinüxü̃, rüe̱xna ngẽma ngẽmaxü̃ i naxcha̱xmünaxca̱x, rü ngẽxguma rü tá wena niyauxgü nax ngẽmaãcü aixcüma namexü̃ca̱x —ñanagürü ga Cori ya Tupana.

Lebítanüxü̃arü puracüchiga 14:1

Rü nüma ga Cori ya Tupana rü Moichémaxã nidexa rü ñanagürü nüxü̃:

Lebítanüxü̃arü puracüchiga 14:2

—Ñaagü nixĩ i mugügü naxca̱x i ngẽma chaxünemaxã ida̱xawexü̃. Nüma ya chacherdóte rü ĩanearü yáxü̃wa tá naxũ nax ngẽma ida̱xawexü̃xü̃ íyadauxü̃ca̱x. Rü ngéma rü tá naxü̃tawa nanagagü. Rü ngẽxguma chacherdóte nüxü̃ da̱u̱xgu nax marü nüxü̃́ yaxẽxü̃ i norü o̱xrigü i ngẽma chaxünemaxã ida̱xawexü̃, rü nüma ya chacherdóte rü tá duü̃xü̃güxü̃ namu nax ngẽma ida̱xawexü̃ca̱x naxü̃tawa nagagüãxü̃ca̱x i taxre i werigü i maxẽxü̃ i ngearü chixexü̃ã́xü̃. Rü ngẽxgumarüxü̃ tá ta nanamu nax naxü̃tawa nangegüãxü̃ca̱x i wüxi i mürapewaxacü i ocayiwanaxca̱x rü wüxi i daucharaxü̃ i naxchiru rü wüxi i ichópuchacüxü i maxcuruxü̃ nax ngẽmamaxã Tupanape̱xewa ínapiãxü̃ca̱x i ngẽma da̱xawe.

Lebítanüxü̃arü puracüchiga 14:32

Rü ngẽmagü nixĩ i ngẽma mugü naxca̱x i ngẽma duü̃xü̃gü i chaxünearü o̱xrimaxã ida̱xaweexü̃ i taxucürüwa taxü̃ i ãmare norü mexẽẽruü̃ca̱x ixãgüxü̃ —ñanagürü.

Lebítanüxü̃arü puracüchiga 15:31

Rü ngẽmaãcü i pema rü tá norü ãũãchixü̃na peyaxĩgachixẽxẽ i ngẽma Iraétanüxü̃ nax tama nayuexü̃ca̱x nagagu nax naxãũãchigüãxü̃ ya yima chopata ya choma nawa changexmane i natanüwa” —ñanagürü ga Cori ya Tupana.

Lebítanüxü̃arü puracüchiga 15:32

Rü ngẽmagü nixĩ i ucu̱xẽgü naxca̱x i ngẽma yatügü i naxpe̱xechiraü̃wa ida̱xaweexü̃, rü ngẽma yatügü i ibamügüxü̃ rü ngẽmagagu chope̱xewa ãũãchigüxü̃. Rü ngẽma nixĩ i ucu̱xẽgü naxca̱x i ngexü̃gü i norü da̱xawe nüxna ngugüxü̃, rü ngẽma yatü i ngĩmaxã maxü̃xü̃ i wüxi i nge i ngẽxguma ngĩrü da̱xawewa nangẽxmayane.

Iraétanüxü̃arü muxchiga 5:29

Rü ngẽma nixĩ i chorü mu ega ngẽxguma wüxi i nge rü ngĩtexü̃ nawomüxẽẽgu rü to i yatümaxã namaxü̱̃xgu. Rü ngẽxguma wüxi i yatü rü naxma̱xü̃ yanuxü̃gu rü chixexü̃ca̱x ngĩxü̃ nacua̱xtügu, rü woo aixcüma yixĩxgu rüe̱xna tama aixcüma yixĩxgu rü nanaxwa̱xe nax Cori ya Tupanape̱xewa ngĩxü̃ nagaxü̃. Rü nüma i chacherdóte rü tá nanaxü i guxü̃ma i ngẽma cumaxã nüxü̃ chixuxü̃.

Iraétanüxü̃arü muxchiga 30:16

Rü yemagü nixĩ ga yema mugü ga Cori ya Tupana Moichémaxã nüxü̃ ixuxü̃ nachiga nax ñuxãcü tá naxma̱xmaxã inacuáxü̃ i wüxi i yatü, rü ngẽxgumarüxü̃ ta i wüxi i papa rü ñuxãcü tá ngĩmaxã inacuáxü̃ i naxacü i napatawa ngẽxmacü.

Iraétanüxü̃arü muxchiga 36:13

Rü yemagü nixĩ ga yema mugü rü ucu̱xẽgü ga Iraétanüxü̃ca̱x Cori ya Tupana Moichémaxã nüxü̃ ixuxü̃ ga yexguma Moáarü doxonexü̃wa nayexmagu ga Yudáü̃cutüwa ga Yericúarü to̱xma̱xtawa.