Lebítanüxü̃arü puracüchiga 13:58 - Tupanaarü Ore

⁵⁸ Rü ngẽxguma marü nayaxu̱xguwena rü iyanaxoxgu nax yachúxü̃ i ngẽma naxchiru, rüe̱xna ngẽma mutachinüxü̃, rüe̱xna ngẽma ngẽmaxü̃ i naxcha̱xmünaxca̱x, rü ngẽxguma rü tá wena niyauxgü nax ngẽmaãcü aixcüma namexü̃ca̱x —ñanagürü ga Cori ya Tupana.

Lebítanüxü̃arü puracüchiga 13:58 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

2 Corintios 12:8

Rü tomaepü̱xcüna tórü Corina chaca nax choxü̃́ iyanaxoxẽẽãxü̃ca̱x ga yema choxü̃́ ngúxü̃.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Wiyaegü 51:2

¡Rü choxü̃́ nüxü̃ irüngüma i guxü̃ma i chorü chixexü̃gü! ¡Rü choxü̃́ ínapi i chorü pecadugü!

Norü taxre ga popera ga ãẽ̱xgacügüchiga 5:14

Rü yexguma ga nüma ga Naamáü̃ rü nawa naxũ ga yema natü ga Yudáü̃. Rü 7 e̱xpü̱xcüna nawa naxüe rü nügü nayaxune yema orearü uruxü̃ namaxã nüxü̃ ixuxü̃rüxü̃. Rü yexguma ga naxcha̱xmüxü̃ rü narüme rü wüxi ga buxecha̱xmüxü̃rüxü̃ nixĩ.

Norü taxre ga popera ga ãẽ̱xgacügüchiga 5:10

Natürü nüma ga Erichéu rü Naamáü̃xü̃tawa nanamu ga wüxi ga norü ngü̃xẽẽruxü̃ nax namaxã nüxü̃ yanaxuxü̃ca̱x ga yema Erichéuarü ore. Rü nüma ga yema duü̃xü̃ rü ñanagürü Naamáü̃xü̃: —¡Ẽcü 7 e̱xpü̱xcüna natü i Yudáü̃wa ínabaie! Rü ngẽmaãcü tá cuxca̱x nitaane i curü chaxünewa —ñanagürü.

Lebítanüxü̃arü puracüchiga 13:57

Natürü ngẽxguma wena nango̱xamagu rü yaxũchigüamagu nax yachúxü̃ i ngẽma naxchiruwa, rü ngẽma mutachinüxü̃wa rüe̱xna ngẽma ngẽmaxü̃ i naxcha̱xmünaxca̱xwa, rü tá wüxicana peyagu i ngẽma ngẽmaxü̃ i chúxü̃.

Lebítanüxü̃arü puracüchiga 13:59

Rü ngẽma nixĩ i ngẽma ucu̱xẽgü nachiga i ngẽma chaxünearü chúxü̃ i naxchiru i carnéruta̱xanaxca̱xwa, rüe̱xna línuchinaxca̱xwa, rüe̱xna mutachinüxü̃wa, rüe̱xna ngẽmaxü̃ i naxcha̱xmünaxca̱xwa ngẽxmaxü̃, nax ngẽmaãcü nüxü̃ picuáxü̃ca̱x nax ngexü̃rüüxü̃ yixĩxü̃ i ngẽma Tupanape̱xewa mexü̃ rü ngẽma nape̱xewa ãũãchixü̃.