Lebítanüxü̃arü puracüchiga 13:47 - Tupanaarü Ore

^47-49 Rü ngẽxguma yachu̱xgu i wüxi i naxchiru i carnéruta̱xanaxca̱x, rüe̱xna línuchinaxca̱x, rüe̱xna línuchiwa mutachinüxü̃, rüe̱xna carnéruta̱xawa mutachinüxü̃, rüe̱xna wüxi i ngẽmaxü̃ i naxcha̱xmüü̃naxca̱x, rüe̱xna ngẽxü̃rüü̃xü̃mare i ngẽmaxü̃ i naxcha̱xmüü̃wa üxü̃wa nango̱xgu nax yachúxü̃, rü ngẽxguma nayáuxragu rüe̱xna nadauxragu i norü chu̱x i ngẽma naxchirugü, rü chaxünearü chu̱x nixĩ i ngẽma. Rü name nax chacherdótexü̃ peyawéxü̃

Lebítanüxü̃arü puracüchiga 13:47 Referans Kwoze

Popera ga Yúda ümatüxü̃ 1:23

Rü togü, ¡rü norü pecaduwa ípenatúxü̃ nax namaxẽxü̃ca̱x rü tama yima üxü ya taguma ixoxü̃newa yawocuxü̃ca̱x! ¡Rü pexü̃́ nangechaü̃tümüxü̃gü i ngẽma tama yaxõgüxü̃! ¡Natürü pegüna pedaugü nax tama norü chixexü̃gu peyixü̃ca̱x! ¡Rü nüxü̃ pixo i nacüma i chixexü̃ rü woo naxchiru i norü chixexü̃maxã ãũãchixü̃!

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

Echequié 16:16

Rü cuma rü yema cuxchirugümaxã ma̱xpǘnegügu cunaxü ga düxenügü nax yimawa nüxü̃ quicua̱xüü̃güxü̃ca̱x ga naxchicüna̱xãgü, rü nawa ngúchaü̃ cuxüxü̃ca̱x.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Ichaía 59:6

Rü ngẽma pawüchiãü̃wa rü taxucürüwa wüxi i naxchiru taxü rü taxúema nagu ticu̱x i naxchiru i pawüchiãü̃naxca̱x. Rü ngẽxgumarüxü̃ ta i ngẽma chixexü̃gü i pexügüxü̃ rü taxuwama name erü perü ĩnü rü máetaxicatama nixĩ.

Lebítanüxü̃arü puracüchiga 13:46

Rü ngẽxguma chaxünemaxã tida̱xawegu rü duü̃xü̃gü rü tá tüxü̃ nacua̱xgü nax wüxi i duü̃xü̃ i ãũãchixü̃ tixĩxü̃. Rü tá tüxica duü̃xü̃gü ípegüxü̃arü yáxü̃wa tamaxü̃xü̃.

Lebítanüxü̃arü puracüchiga 13:52

Rü ngẽmaca̱x i ngexü̃rüüxü̃ i ngẽmaxü̃ i chúxü̃ rü name nixĩ i wüxicana yaguxü̃, erü chaxüne i ãũcümaxü̃ nawa nangẽxma.

Lebítanüxü̃arü puracüchiga 13:59

Rü ngẽma nixĩ i ngẽma ucu̱xẽgü nachiga i ngẽma chaxünearü chúxü̃ i naxchiru i carnéruta̱xanaxca̱xwa, rüe̱xna línuchinaxca̱xwa, rüe̱xna mutachinüxü̃wa, rüe̱xna ngẽmaxü̃ i naxcha̱xmünaxca̱xwa ngẽxmaxü̃, nax ngẽmaãcü nüxü̃ picuáxü̃ca̱x nax ngexü̃rüüxü̃ yixĩxü̃ i ngẽma Tupanape̱xewa mexü̃ rü ngẽma nape̱xewa ãũãchixü̃.