Lebítanüxü̃arü puracüchiga 13:29 - Tupanaarü Ore

^29-30 Rü ngẽxguma wüxi ya yatü rüe̱xna wüxi ya ngexe tüxü̃́ nangẽxmagu i wüxi i o̱xri i tümaeruwa rüe̱xna tümachicürawa, rü ngẽma chacherdóte rü tá tüxü̃́ nüxü̃ nadau i ngẽma tümaarü o̱xri. Rü ngẽxguma ngẽma o̱xri rü ínape̱xgu i tümacha̱xmüxü̃wa, rü yadexãchitanügu rü nagu̱xgu ya yima tümata̱xaxü̃ne, rü ñu̱xũchi nüma ya chacherdóte rü tá tümamaxã nanaxuegu nax taxãũãchixü̃ ya yíxema duü̃xẽ, erü tümaeruwa rü tümachicürawa tüxü̃́ nangẽxma i chaxüne i tiñagu ãégaxü̃.

Lebítanüxü̃arü puracüchiga 13:29 Referans Kwoze

Ore i mexü̃ ga Matéu ümatüxü̃ 6:23

Natürü ngẽxguma tama yamexgu ya cuxetügü rü guxü̃ma i cuxune rü ẽanexü̃wa nangẽxma. Rü ngẽxguma ngẽma ngóonexü̃ i cuwa ngẽxmaxü̃ yaxoxgu rü tá cuxca̱x nawaane. Rü ngẽma waanexü̃ rü tá nawaanexü̃chi.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Ichaía 5:20

¡Rü pegümaxã pengechaü̃gü! Erü ngẽma nacüma i mexü̃ rü pexca̱x nachixe, rü ngẽma nacüma i chixexü̃ rü pexca̱x name. Rü ngẽma ngóonexü̃ rü pexca̱x waanexü̃ nixĩ, rü ngẽma waanexü̃ rü pexca̱x ngóonexü̃ nixĩ. Rü ngẽma üxüxü̃ rü pexca̱x maixcuraxü̃ nixĩ. Rü ngẽma maixcuraxü̃ rü pexca̱x üxüxü̃ nixĩ.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Wiyaegü 53:4

Rü ngẽma chixexü̃ ügüxü̃ rü nangeãẽgümare rü paxãma nanachixexẽxẽ i chorü duü̃xü̃gü. Rü ngẽma tama Tupanaga ĩnüexü̃ rü chorü duü̃xü̃güxü̃ inarüxoxẽẽgü ñoma paũ ingõ̱xgurüxü̃. Rü ngẽma duü̃xü̃gü rü taguma nayumüxẽgü nax Tupanaarü ngü̃xẽẽca̱x nadaugüxü̃ca̱x.

Nüxíraxü̃xü̃ ga popera ga ãẽ̱xgacügüchiga 12:28

Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.

Lebítanüxü̃arü puracüchiga 13:28

Natürü ngẽxguma ngẽma o̱xri tama iyaxũxgu i tümacha̱xmüxü̃wa rü iyanaxochigügu, rü tá nüxü̃ nacua̱x nax ngẽma itixaxü̃arü nachicamare nax yixĩxü̃ i ngẽma ngéma rüchaxü̃. Rü ngẽxguma i nüma ya chacherdóte rü tá tümamaxã nanaxuegu nax tama tida̱xawexü̃ rü marü tama taxãũãchixü̃, erü nachicamare nixĩ i ngẽma itixaxü̃wa ngẽxmaxü̃.

Édra 9:3

Rü yexguma yema orexü̃ chaxĩnügu rü chorü ngechaü̃maxã chaugü charügáutechiru rü chaugü chapuxü̃yae rü chaugü chapuxü̃chinagu, yerü poraãcü chauãẽwa nangu̱x ga yema.

Echequié 5:1

Rü nüma ga Cori ya Tupana rü choxü̃ ñanagürü: —Cuma, Pa Yatüx, ¡tüxü̃ nayaxu ya wüxi ya cüxchi ya ñoma nowayarüxü̃ texéchixe! ¡Rü cugü idüeru rü ñu̱xũchi cugü idüxchinagu! ¡Rü ngẽmawena rü nayaxu i wüxi ya yáruxü̃, rü tomaepü̱xgu yatoye i ngẽma cuyae!