Lebítanüxü̃arü puracüchiga 12:6 - Tupanaarü Ore

⁶ Rü ngẽxguma marü yanguxgu nax ngĩgü namexẽẽxü̃ nawena nax nabuxü̃ ya ngĩne rüe̱xna ngĩxacü, rü wüxi i carnéru i wüxi ya taunecü nüxü̃́ ngẽxmaxü̃ tá nixĩ i Tupanapataarü ĩã̱xwa nagaxü̃, nax ngẽma rü ngĩrü ãmare i yaguxü̃ yixĩxü̃ca̱x. Rü ngẽxgumarüxü̃ tá ta ngéma inaga i wüxi i muxtucu rüe̱xna wüxi i muxtucuxacü nax ngẽma ãmaremaxã naxütanüãxü̃ca̱x i ngĩrü pecadu. Rü ngẽma ngĩrü ãmaregü rü tá chacherdótena inana.

Lebítanüxü̃arü puracüchiga 12:6 Referans Kwoze

Ore i mexü̃ ga Luca ümatüxü̃ 2:22

Rü yexguma marü yanguxgu ga yema ngunexü̃ nax Tupanapatawa Tupanape̱xewa nügü yamexẽẽgüxü̃ rü yéma naxĩ nax yemaacü Tupanape̱xewa yanguxẽẽgüãxü̃ca̱x ga yema Moichéarü mugü nüxü̃ ixuxü̃rüxü̃. Rü Yerucharéü̃wa ga Tupanapatawa nanagagü ga gumá bucü nax Tupanana namugüãxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Lebítanüxü̃arü puracüchiga 15:29

Rü ngẽma norü 8 i ngunexü̃gu rü taxre ya muxtucumaxã rüe̱xna taxre ya muxtucuxacümaxã tá Tupanapataarü ĩã̱xwa taxũ nax ngéma chacherdótena tüxü̃ tayamugüxü̃ca̱x.

Iraétanüxü̃arü muxchiga 6:10

Rü norü 8 i ngunexü̃gu rü nanaxwa̱xe nax Tupanapataca̱x ixücuxü̃wa tüxü̃ nagaxü̃ ya taxre ya muxtucugü rüe̱xna taxre ya muxtucuxacügü nax chacherdótena tüxü̃ yamugüxü̃ca̱x.

Lebítanüxü̃arü puracüchiga 15:14

Rü ngẽma norü 8 i ngunexü̃gu rü taxre ya muxtucumaxã rüe̱xna taxre ya muxtucuxacümaxã tá Tupanapataarü ĩã̱xwa naxũ nax ngéma Cori ya Tupanape̱xewa chacherdótena tüxü̃ yamugüxü̃ca̱x.

Lebítanüxü̃arü puracüchiga 14:22

Rü ñu̱xũchi tá itanaxã i taxre i muxtucugü rüe̱xna taxre i muxtucuxacügü i ngẽma tüxü̃́ tauxchaxü̃ nax itanaxãxü̃. Rü wüxi tá nixĩ i pecaduarü ütanüruü̃ca̱x timáxü̃ rü ngẽma to tá nixĩ i ãmare nax tayaguxü̃ca̱x.

Lebítanüxü̃arü puracüchiga 12:2

—¡Iraétanüxü̃maxã nüxü̃ ixu i ñaa ore!: “Ngẽxguma wüxi i ngecü rü naxãxacügu rü nabuxgu rü nayatügu, rü ngĩma rü 7 i ngunexü̃ tá ixãũãchi, ngẽxguma ngĩrü tauemacüwa nanguxgurüxü̃.

Naanearü ügüchiga 15:9

Rü Tupana nanangãxü̃ rü ñanagürü: —¡Nua naga i naxü̃nagü i tomaepü̱xarü taunecüã̱xchigüxü̃ rü wüxi i woca i ngexü̃ rü wüxi i cabra rü wüxi i carnéru! ¡Rü nua naga ta i wüxi i muxtucu rü ñu̱xũchi wüxi i naxacü! —ñanagürü.

Lebítanüxü̃arü puracüchiga 12:5

Natürü ngẽxguma ngẽma ngĩrü õxchana rü nangexgu, rü taxre i yüxü tá nixĩ i inaxãũãchixü̃, ñoma ngĩrü da̱xawexü̃ne ngĩxna nguxgurüxü̃. Natürü naétü rü tá 66 i ngunexü̃gü ngĩgü iyamexẽẽchigü nawa ga gumá nagü ga ibacü ga yexguma naxíxraxacügu.

Lebítanüxü̃arü puracüchiga 12:7

Rü nüma ya chacherdóte tá nixĩ i Cori ya Tupanana naxãxü̃ i ngẽma ãmare nax ngẽmaãcü Cori ya Tupanana naxca̱x naca̱xaxü̃ nax ngĩxü̃́ nüxü̃ nangümaxü̃ca̱x i ngĩrü pecadu. Rü ngẽxguma i ngĩma rü tá marü ime rü tama nagümaxã ixãũãchi. Rü ngẽma nixĩ i chorü ucu̱xẽgü tümaca̱x ya yíxema íxraxacügüxe ya yatüxacügüxe rüe̱xna ngexacügüxe.