Lebítanüxü̃arü puracüchiga 11:45 - Tupanaarü Ore

⁴⁵ Rü choma nixĩ i perü Cori chixĩxü̃ i Equítuanewa pexü̃ íchagaxü̃xü̃ nax perü Tupana nax chixĩxü̃ca̱x. Rü ngẽmaca̱x i pema rü name nax pixüünexü̃ erü choma rü chaxüüne.

Lebítanüxü̃arü puracüchiga 11:45 Referans Kwoze

Lebítanüxü̃arü puracüchiga 11:44

Erü choma nixĩ i Cori ya perü Tupana chixĩxü̃. Rü pema rü name nax pengearü ãũãchiã́xü̃ rü pexüünegüxü̃ erü choma rü chaxüüne. Rü ngẽmaca̱x nixĩ i tama namexü̃ nax pegü namaxã pexãũãchixü̃ i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Nüxíraxü̃xü̃ ga popera ga Pedru ümatüxü̃ 1:16

Rü norü ore i ümatüxü̃wa rü ñanagürü: “Chanaxwa̱xe i pixüüne, erü choma rü chaxüüne”, ñanagürü.

Ínachoxü̃xü̃chiga 6:7

Rü pexü̃ tá chade nax chorü duü̃xü̃gü pixĩgüxü̃ca̱x. Rü choma tá nixĩ i perü Tupana chixĩxü̃. Rü ngẽmawa tá nüxü̃ pecua̱x nax choma ya perü Cori ya Tupana yixĩxü̃ i pexü̃ íchanguxü̃xẽẽxü̃ nawa ga yema puracügü i yáxü̃ i Equítuanecüã̱xgü peétü nugüxü̃.

1 Tesalonicenses 4:7

Erü Tupana tüxü̃ nade nax mea imaxẽxü̃ca̱x rü tama chixexü̃ ixügüxü̃ca̱x.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Lebítanüxü̃arü puracüchiga 25:38

Rü choma nixĩ ya perü Cori ya Tupana ga Equítuanewa pexü̃ íchagaxü̃xü̃ nax pexna chanaxãxü̃ca̱x i ngẽma Canaáü̃arü naane rü perü Tupana nax chixĩxü̃ca̱x.

Naanearü ügüchiga 17:7

Rü ngẽma ñu̱xma tá cumaxã rü cutaagümaxã chaxueguxü̃ rü ñaa nixĩ: Rü choma rü guxü̃gutáma curü Tupana chixĩ rü cutaagüarü Tupana chixĩ.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Lebítanüxü̃arü puracüchiga 11:46

Rü ngẽmagü nixĩ i ngẽma ucu̱xẽgü nachiga i naeü̃gü i waixü̃müanewa maxẽxü̃, rü naeü̃gü i ãxpe̱xatüxü̃, rü naeü̃gü i dexáwa maxẽxü̃, rü naeü̃gü i waixü̃müanegu naxtanecamaxã nügü itúchigüãcüma ixĩxü̃.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Lebítanüxü̃arü puracüchiga 22:33

Rü choma nixĩ ga Equítuanewa pexü̃ íchagaxü̃xü̃ nax perü Tupana chixĩxü̃ca̱x. Rü choma nixĩ ya Cori ya Tupana —ñanagürü.

Lebítanüxü̃arü puracüchiga 26:45

Rü choma rü tá nüxna chacua̱xãchi ga yema uneta ga perü o̱xigümaxã chaxüxü̃ ga yexguma yema togü ga nachixü̃anegüpe̱xewa Equítuanewa íchagaxü̃gu nax norü Tupana chixĩxü̃ca̱x. Choma nixĩ i perü Cori ya perü Tupana chixĩxü̃” —ñanagürü.

Iraétanüxü̃arü muxchiga 15:40

Rü ngẽmawa tá nüxna pecua̱xãchie i guxü̃ma i chorü mugü rü ngẽmaãcü tá aixcüma mea nagu pemaxẽ rü aixcüma choxna pegü pexãgü i choma nax perü Cori ya Tupana chixĩxü̃.

1 Chamué 6:20

Rü yemaca̱x ga nüma ga Bex-chemécüã̱xgü rü ñanagürügü: —¿Texé tame nax Cori ya Tupana ya üünecüpe̱xewa tangexmaxü̃? ¿Rü ngextá tá ínamuxü̃ i ngẽma baú i ñu̱xmax? —ñanagürügü.

Ínachoxü̃xü̃chiga 19:6

Rü pema tá nixĩ i wüxi i duü̃xü̃gü i üünegüxü̃ i chomatama pexü̃ chadexü̃ nax choxrüxüchi pixĩgüxü̃ca̱x”. Rü guxü̃ma i ngẽma cumaxã nüxü̃ chixuxü̃ rü ¡namaxã nüxü̃ ixu i ngẽma Iraétanüxü̃! —ñanagürü.

Ínachoxü̃xü̃chiga 22:30

Rü ngẽma nüxíraxü̃xü̃ i perü wocaxacügü rü perü carnéruxacügü rü 7 i ngunexü̃ tá naémaxã nangẽxmagü, natürü ngẽxguma norü 8 i ngunexü̃wa nanguxgu rü tá choxna penamu.

Lebítanüxü̃arü puracüchiga 19:36

Rü name nax ngẽma curü yáruxü̃ rü ngẽma curü ngugüruxü̃ rü aixcümama namexü̃. Rü choma nixĩ ya perü Cori ya Tupana ga Equítuanewa pexü̃ íchanguxü̃xẽẽxü̃.

Lebítanüxü̃arü puracüchiga 20:7

Rü name nixĩ i aixcüma mea cha̱u̱xca̱x pemaxẽxü̃ rü pixüünegüxü̃, erü choma nixĩ i perü Cori ya Tupana.

Yochué 24:19

Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.