Lebítanüxü̃arü puracüchiga 11:44 - Tupanaarü Ore

⁴⁴ Erü choma nixĩ i Cori ya perü Tupana chixĩxü̃. Rü pema rü name nax pengearü ãũãchiã́xü̃ rü pexüünegüxü̃ erü choma rü chaxüüne. Rü ngẽmaca̱x nixĩ i tama namexü̃ nax pegü namaxã pexãũãchixü̃ i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Lebítanüxü̃arü puracüchiga 11:44 Referans Kwoze

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Lebítanüxü̃arü puracüchiga 20:7

Rü name nixĩ i aixcüma mea cha̱u̱xca̱x pemaxẽxü̃ rü pixüünegüxü̃, erü choma nixĩ i perü Cori ya Tupana.

1 Tesalonicenses 4:7

Erü Tupana tüxü̃ nade nax mea imaxẽxü̃ca̱x rü tama chixexü̃ ixügüxü̃ca̱x.

Lebítanüxü̃arü puracüchiga 20:26

Rü pema rü name nax pengearü ãũãchiã́xü̃ rü pexüünegüxü̃, erü choma nax Cori ya Tupana chixĩxü̃ rü chaxüüne. Rü choma nixĩ ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Lebítanüxü̃arü puracüchiga 21:8

Rü cupe̱xewa naxüüne i ngẽma chacherdóte, erü nüma nixĩ i choxna naxããxü̃ i ngẽma paũ i üünexü̃ i cha̱u̱xca̱x ixĩxü̃. Rü tá cuxca̱x naxüüne i ngẽma chacherdóte, erü choma ya Cori ya Tupana rü chaxüüne. Rü choma nixĩ i chaxunetaxü̃ i ngẽma chacherdóte nax chope̱xewa naxüünexü̃ca̱x.

Wenaxarü naxümatü ga Tupanaarü mugü 14:2

Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:11

Natürü ngẽma chixexü̃ ügüxü̃, rü nüetama nixĩ nax chixexü̃ naxügüamáxü̃. Rü ngẽma chixexü̃gu maxẽxü̃, rü nüetama nixĩ nax chixexü̃gu namaxẽxü̃. Natürü yíxema mexü̃ ügüxe, rü name nixĩ i yexera mexü̃ taxügüechaxü̃. Rü yíxema Tupanape̱xewa ixüünexe, rü name nixĩ nax yexera tügü tixüünexẽxẽ”, ñanagürü.

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Wiyaegü 99:5

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü nape̱xegu pecaxã́pü̱xügü! Erü nüma rü naxüüne.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

Ínachoxü̃xü̃chiga 23:25

¡Rü nüxü̃ icua̱xüxü̃ ya Cori ya curü Tupana, erü nüma tá cuxü̃ narüngü̃xẽxẽ namaxã i curü õnagü rü dexá. Rü choma rü tá cuxna chanayáxü̃guxẽxẽ i ngẽma da̱xaweane. Rü taxúetama tayu naxü̃pa nax mea o̱xiwa tangux. Rü cuchixü̃anewa rü nataxutama i ngecü i yuxacücü rü ñu̱xũchi ngexacüechacü.

Ínachoxü̃xü̃chiga 19:6

Rü pema tá nixĩ i wüxi i duü̃xü̃gü i üünegüxü̃ i chomatama pexü̃ chadexü̃ nax choxrüxüchi pixĩgüxü̃ca̱x”. Rü guxü̃ma i ngẽma cumaxã nüxü̃ chixuxü̃ rü ¡namaxã nüxü̃ ixu i ngẽma Iraétanüxü̃! —ñanagürü.

Ichaía 43:3

Rü choma nixĩ i perü Cori ya perü maxẽxẽẽruxü̃ chixĩxü̃, Pa Iraétanüxü̃x. Rü choma nixĩ i perü Tupana ya Üünecü chixĩxü̃. Rü choma nixĩ ga ãẽ̱xgacü ga Chírume̱xẽgu chayixẽẽxü̃ ga perü uanügü ga Equítuanecüã̱xgü rü Etiopíaanecüã̱xgü rü Chabáanecüã̱xgü nax yemaacü naxme̱xwa ípenguxü̃xü̃ca̱x ga pemax.

1 Chamué 6:20

Rü yemaca̱x ga nüma ga Bex-chemécüã̱xgü rü ñanagürügü: —¿Texé tame nax Cori ya Tupana ya üünecüpe̱xewa tangexmaxü̃? ¿Rü ngextá tá ínamuxü̃ i ngẽma baú i ñu̱xmax? —ñanagürügü.

Lebítanüxü̃arü puracüchiga 11:43

Rü pema rü tama name nax pegü namaxã pexãũãchi i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Ínachoxü̃xü̃chiga 6:7

Rü pexü̃ tá chade nax chorü duü̃xü̃gü pixĩgüxü̃ca̱x. Rü choma tá nixĩ i perü Tupana chixĩxü̃. Rü ngẽmawa tá nüxü̃ pecua̱x nax choma ya perü Cori ya Tupana yixĩxü̃ i pexü̃ íchanguxü̃xẽẽxü̃ nawa ga yema puracügü i yáxü̃ i Equítuanecüã̱xgü peétü nugüxü̃.

Amúx 3:3

Rü ngẽxguma taxre i duü̃xü̃gü wüxigu ĩxgu rü ngẽmawa nüxü̃ tacua̱x nax wüxigu naxĩnüexü̃.

Ichaía 51:15

Rü choma nixĩ ya curü Tupana ya Guxãétüwa Ngẽxmacü chixĩxü̃. Rü choma nixĩ i chayaxĩã̱xchiüxẽẽxü̃ i már rü chayacuxcuxẽẽxü̃ ya yuapegü.

Ínachoxü̃xü̃chiga 16:12

—Choma rü nüxü̃ chaxĩnü i ngẽma Iraétanüxü̃ nax chixri yadexagüxü̃. ¡Rü namaxã idexa i ngẽma duü̃xü̃gü rü ñacurügü tá nüxü̃: “Rü yixcama yáuanecü rü tá namachimaxã pixãwemügü. Rü moxü̃ pa̱xmama rü tá paũ pingõ̱x ñu̱xmatáta mea namaxã pingãxpütüwegü. Rü ngẽxguma tá nüxü̃ picuã̱xãchitanü nax choma yixĩxü̃ ya Cori ya perü Tupana” —ñanagürü.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Ínachoxü̃xü̃chiga 22:31

Rü pema rü name nixĩ i guxü̃guma chauga pexĩnüe. Rü tama name nax penangṍxü̃ i ngẽma namachi i ai íyaxüxẽẽxü̃. Rü name nixĩ i airugüna penaxã i ngẽma namachi.

Lebítanüxü̃arü puracüchiga 18:2

—Choma nixĩ i Iraétanüxü̃arü Cori ya Tupana chixĩxü̃. ¡Rü namaxã nüxü̃ ixu i ñaa chorü ucu̱xẽ!:

Lebítanüxü̃arü puracüchiga 19:3

Rü wüxíechigü i pema rü name i penatüxü̃ rü peéxü̃ pengechaü̃. Rü ñu̱xũchi name i mea penaxaure i chorü ngü̃chigaarü ngunexü̃. Erü choma nixĩ i perü Cori ya Tupana chixĩxü̃.

Iraétanüxü̃arü muxchiga 15:40

Rü ngẽmawa tá nüxna pecua̱xãchie i guxü̃ma i chorü mugü rü ngẽmaãcü tá aixcüma mea nagu pemaxẽ rü aixcüma choxna pegü pexãgü i choma nax perü Cori ya Tupana chixĩxü̃.

Ínachoxü̃xü̃chiga 22:30

Rü ngẽma nüxíraxü̃xü̃ i perü wocaxacügü rü perü carnéruxacügü rü 7 i ngunexü̃ tá naémaxã nangẽxmagü, natürü ngẽxguma norü 8 i ngunexü̃wa nanguxgu rü tá choxna penamu.

Lebítanüxü̃arü puracüchiga 19:4

¡Rü taxṹ i naxchicüna̱xãgüxü̃ picua̱xüü̃güxü̃! ¡Rü taxṹ i bróũchenaxca̱x i tupanachicüna̱xãgü pegüca̱x pexüxü̃! Erü choma nixĩ i perü Cori ya Tupana chixĩxü̃.

Lebítanüxü̃arü puracüchiga 19:10

¡Rü taxṹ i guxü̃ma i úbagü cubuxuxü̃ i ngẽma curü úbanecüwa! Rü tama name nax cunadexü̃ i ngẽma úbagü i rüyixü̃. ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃.

Yochué 24:19

Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.