Lebítanüxü̃arü puracüchiga 11:33 - Tupanaarü Ore

³³ Rü ngẽxguma ngexü̃rüüxü̃mare i ngẽma naeü̃ i yuxü̃ rü wüxi ya buetare ya waixü̃münaxca̱xgu nanguxgu, rü guxü̃ma i ngẽma naãcu i nawa ngẽxmaxü̃ rü naxãũãchi. Rü ngẽxguma ya yimá buetare rü name nax wüxicana peyapuxẽẽxü̃.

Lebítanüxü̃arü puracüchiga 11:33 Referans Kwoze

Lebítanüxü̃arü puracüchiga 15:12

Rü ngẽxguma yimá yatü ya naxpe̱xechiraü̃wa ida̱xawecü nüxü̃ ingógügu ya wüxi ya buetare ya waixü̃münaxca̱x, rü tanaxwa̱xe nax wüxicana nagu tapogüxü̃. Rü ngẽma ngẽmaxü̃gü i nainaxca̱x i nüxü̃ yangógüxü̃ rü tanaxwa̱xe nax tayayauxgüxü̃.

Lebítanüxü̃arü puracüchiga 6:28

Rü yima buetare ya waixü̃münaxca̱x ya naxü̃namachi nawa pemuxragücü, rü nawena nax nawa penamuxraxü̃ rü name nax peyapuxẽẽxü̃. Natürü ngẽxguma yima buetare rü cobrenaxca̱x yixĩxgu, rü nawena nax ngẽma naxü̃namachi nawa pemuxraxü̃ rü tá penadüxüma rü ñu̱xũchi meatama penayaxuma.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Yeremía 48:38

Rü Cori ya Tupana rü ñanagürü: —Guxü̃ma ya Moáanearü ĩxarü doxétügüwa rü guxü̃ma ga namagüwa rü ngẽma nüxü̃ ixĩnüxü̃ rü ngechaü̃ rü axuxicatama nixĩ. Erü choma rü íxraxü̃gu chanapo ya Moáanearü ĩanegü ñoma wüxi i tüxü̃ i taxuwama mexü̃gu ipogüxü̃rüxü̃. Rü choma ya Cori ya Tupana nixĩ i ngẽma ñachaxü̃ —ñanagürü

Lebítanüxü̃arü puracüchiga 14:45

Rü ngẽmaca̱x name i wüxicana nagu napogüe ya yima ĩpata. Rü ñu̱xũchi guxcüma ya norü nutagü wüxigu namaxã i naachina̱xãgü rü name i wüxi i nachica i ãũãchixü̃wa nayawogü i ĩanearü yáxü̃wa.

Lebítanüxü̃arü puracüchiga 11:35

Rü ngẽxguma nayu̱xgu i wüxi i ngẽma naeü̃ rü perü ngẽmaxü̃étügu nanguxgu rü ngẽma rü tá ta pexca̱x naxãũãchi. Rü woo perü paũarü guruü̃gu rüe̱xna gueta̱xmüü̃gu nanguxgu rü name i nagu pipogü, erü pexca̱x rü naxãũãchi.

Lebítanüxü̃arü puracüchiga 11:34

Rü ngẽma dexá ya yimá buetarewa ngẽxmaxü̃ rü ngẽxguma ta̱xacürü õnaétügu nabaxgu, rü ngẽma õna rü naxãũãchi. Rü guxü̃ma i axexü̃ ya yima buetarewa ngẽxmaxü̃ rü naxãũãchi.

Lebítanüxü̃arü puracüchiga 6:21

Rü ngẽma ãmare rü wüxi i piripáxü̃wa tá nixĩ i yagugüãxü̃ rü ñu̱xũchi mea chíxü̃maxã naxüéxü̃güãxü̃. Rü ngẽmawena rü íxraxü̃gu tá nanawicu rü ñu̱xũchi tá ínanagu. Rü choma rü tá namaxã chataãxẽ i naema i ngẽma ãmare.

Lebítanüxü̃arü puracüchiga 13:52

Rü ngẽmaca̱x i ngexü̃rüüxü̃ i ngẽmaxü̃ i chúxü̃ rü name nixĩ i wüxicana yaguxü̃, erü chaxüne i ãũcümaxü̃ nawa nangẽxma.

Iraétanüxü̃arü muxchiga 19:15

Rü guxü̃ma i nawechigü i tama rüngataxü̃güxü̃ rüe̱xna tama mea rüngataü̃xü̃ rü tá ta chope̱xewa nixãũãchi.