Lebítanüxü̃arü puracüchiga 11:29 - Tupanaarü Ore

²⁹ Rü natanüwa i ngẽma naeü̃gü i waixü̃müanegu nügü itúgüãcü ĩxü̃, rü ñaagü nixĩgü i ngẽma pexca̱x ixãũãchixü̃: ü̃ca, rü chixcüre, rü naguxü̃raü̃xü̃ i naeü̃gü i naxtanecamaxã waixü̃müanegu ixĩxü̃,

Lebítanüxü̃arü puracüchiga 11:29 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Colosenses 3:5

Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.

Filipenses 3:19

Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Ore i mexü̃ ga Cuáü̃ ümatüxü̃ 6:66

Rü yexgumacürüwa inanaxügüe ga nüxna nax yaxĩgachixü̃ ga muxü̃ma ga yema duü̃xü̃gü ga noxri nawe rüxĩchiréxü̃. Rü marü tama nawe ínaxĩĩxü̃.

Ore i mexü̃ ga Cuáü̃ ümatüxü̃ 6:26

Rü Ngechuchu nanangãxü̃, rü ñanagürü nüxü̃: —Aixcüma pemaxã nüxü̃ chixu rü cha̱u̱xca̱x pedaugü yerü meama pechibüe nawa ga yema õna ga pexna chaxãxü̃. Rü tama yema cua̱xruxü̃gü ga nüxü̃ pedauxü̃ ga Tupanaarü poramaxã chaxüxü̃xü̃ca̱x nixĩ i cha̱u̱xca̱x pedaugüxü̃.

Ore i mexü̃ ga Luca ümatüxü̃ 16:14

Natürü ga yema Parichéugü rü poraãcü norü diẽruguama narüxĩnüe. Rü yemaca̱x Ngechuchuxü̃ nacugüe ga yexguma nüxü̃ naxĩnüegu ga guxü̃ma ga yema ore.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Aguéu 2:6

Erü íxraxü̃ nataxu nax chanaxĩã̱xãchixẽẽxü̃ i daxũguxü̃ i naane, rü ñoma i naane, rü ngẽma már, rü ngẽma waixü̃müane. Rü ngẽmaãcü tá chanamuü̃exẽxẽ i guxü̃ma i nachixü̃anegü. Rü ngẽma togü i nachixü̃anegüarü duü̃xü̃gü rü nua tá nanana i norü diẽrugü rü úirugü. Rü ngẽmaãcü ya daa chopata ya taxü̃ne rü tá namexẽchi. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma erü choxrü nixĩ i guxü̃ma i diẽrugü rü úirugü.

Ichaía 66:17

Tupana rü ñanagürü: —Wüxigu tá nayue i ngẽma duü̃xü̃gü i nügü imexẽẽgüxü̃ nax putüranecüwa naxchicüna̱xãgüxü̃ yacua̱xüü̃güxü̃ca̱x rü ngẽma duü̃xü̃gü i nangõ̱xgüxü̃ i cuchimachi rü ü̃cagü rü togü i naeü̃gü i ãũãchixü̃. Rü wüxicana tá nayue i ngẽma duü̃xü̃gü, erü meama nüxü̃ chacua̱x i ngẽma chixexü̃ i naxügüxü̃ rü nagu naxĩnüexü̃. Rü ngẽxguma i choma rü tá íchangu nax chanangutaque̱xexẽẽxü̃ca̱x i guxü̃ne ya ĩanecüã̱xgü rü nachixü̃anecüã̱xgü. Rü nüma rü tá nua naxĩ rü tá nüxü̃ nadaugü i ngẽma chorü üünemaxã chaxüxü̃.

Wiyaegü 10:3

Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

Naanearü ügüchiga 1:20

Rü ñu̱xũchi Tupana rü ñanagürü: —¡Dexáwa nangó rü yamu i naguxü̃raxü̃xü̃ i choxnigü rü naguxü̃raxü̃xü̃ i ta̱xacü i to i dexáwa maxẽxü̃! ¡Rü ngẽxgumarüxü̃ ta nangó i naguxü̃raxü̃xü̃ i werigü i ñaa naaneétügu íxüüüxü̃! —ñanagürü. Rü yemaacü nixĩ.

Lebítanüxü̃arü puracüchiga 11:28

Rü yíxema yangexe i wüxi i ngẽma naeü̃ i yuxü̃ rü tanaxwa̱xe nax dexámaxã tanayaxuxü̃ i tümachiru. Rü tá chope̱xewa taxüxa ñu̱xmata nachüta. Rü tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Lebítanüxü̃arü puracüchiga 11:30

rü toxmachanegü, rü coyagü, rü yocagü, rü ngairegü rü chenemagü.