Lebítanüxü̃arü puracüchiga 11:25 - Tupanaarü Ore

²⁵ Rü yíxema yangexe i wüxi i ngẽma naeü̃ i pexna chachu̱xuxü̃ i yuxü̃ rü tanaxwa̱xe nax tanayaxuxü̃ i tümachiru. Rü chope̱xewa tá taxãũãchi ñu̱xmata nachüta.

Lebítanüxü̃arü puracüchiga 11:25 Referans Kwoze

Iraétanüxü̃arü muxchiga 31:24

Rü ngẽxguma 7 i ngunexü̃wa nanguxgu rü tá peyayauxgü i pexchiru rü ngẽmaãcü tá pime. Rü ngẽmawena rü marü name nax pichoxcuxü̃ i duü̃xü̃gü íngẽxmagüxü̃wa” —ñanagürü.

Lebítanüxü̃arü puracüchiga 15:5

Rü yíxema nüxü̃ ingógüxe i ngẽma pechicaxü̃ ya yimá yatü nagu caxü̃, rü name nax tügü tayauxchiruxü̃ rü taxaiyaxü̃. Rü duü̃xü̃gü tá nüxü̃ nacua̱x nax taxãũãchixü̃ ñu̱xmata nachüta.

Lebítanüxü̃arü puracüchiga 14:8

Rü yíxema marü tümaca̱x yataanexe, rü name nax tügü tayauxchiruxü̃ rü tügü mea taxaiyaxü̃, rü guxü̃wama tügü tidüxü̃ nax ngẽmaãcü tamexü̃ca̱x. Rü ngẽmawena tá nixĩ i duü̃xü̃gü íxãpataxü̃wa taxũxü̃. Natürü 7 i ngunexü̃ tá nixĩ i tümapataarü düxétüwa tangexmaxü̃.

Lebítanüxü̃arü puracüchiga 11:40

Rü yíxema nangṍxe i ngẽma naeü̃ i yumarexü̃ rü name i tanayaxu i tümachiru. Rü tá taxãũãchi ñu̱xmata nachüta. Rü yíxema yangexe i ngẽma naeü̃ i yumarexü̃ rü name i tanayaxu i tümachiru. Rü taxãũãchi ñu̱xmata nachüta.

Iraétanüxü̃arü muxchiga 19:10

Rü ngẽma duü̃xü̃ i tanimaca nagugü̱xüxü̃, rü tá nügü naya̱u̱xchiru. Natürü tauxta aixcüma namexü̃ ñu̱xmata nayáuane. Rü ngẽma nixĩ i wüxi i mu i guxü̃gutáma yanguxẽẽgüxü̃ i Iraétanüxü̃ rü ñu̱xũchi ngẽma duü̃xü̃gü i to i nachixü̃anecüã̱xgü i petanüwa ngẽxmagüxü̃.

Lebítanüxü̃arü puracüchiga 16:28

Rü yíxema duü̃xẽ ya ínaguxe, rü name nax tügü tayauxchiruxü̃ rü taxaiyaxü̃ rü ngẽmawena rü name nax duü̃xü̃gü ípegüxü̃wa taxũxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Ngechuchuarü ngúexü̃gü ga yamugüxü̃arü puracüchiga 22:16

¡Rü ñu̱xma rü marü taxuxü̃ma i ta̱xacü ícunangu̱xẽxẽ! ¡Rü írüda rü ínabaie! ¡Rü Cori ya Ngechuchuégagu naxca̱x ínaca nax cuxü̃́ nüxü̃ nangü̃maxü̃ca̱x i curü pecadugü!” ñanagürü choxü̃.

Ore i mexü̃ ga Cuáü̃ ümatüxü̃ 13:8

Natürü ga Pedru rü ñanagürü: —Choma rü taxũtáma chanaxwa̱xe nax choxü̃ cuyauxcutüxü̃ —ñanagürü. Rü Ngechuchu nanangãxü̃ rü ñanagürü nüxü̃: —Ngẽxguma tama cuxü̃ chayauxcutügu, rü taxũtáma choxrü quixĩ —ñanagürü.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Wiyaegü 51:7

¡Rü ẽcü ngẽma maxcuruü̃maxã choxü̃ namaxcuxü̃ne nax iyanaxoxü̃ca̱x i chorü chixexü̃! Rü ngẽmaãcü i chorü maxü̃ rü cupe̱xewa rü gáuxü̃te̱xe i cómüxü̃arü yexera tá nacómüxü̃.

Wiyaegü 51:2

¡Rü choxü̃́ nüxü̃ irüngüma i guxü̃ma i chorü chixexü̃gü! ¡Rü choxü̃́ ínapi i chorü pecadugü!

Iraétanüxü̃arü muxchiga 19:19

Rü ngẽma duü̃xü̃ i chope̱xewa mexü̃, rü tá tüxü̃ namaxcuxü̃ne ya yíxema duü̃xẽ ya ãũãchíxe i ngẽxguma norü tomaepü̱x rü norü 7 i ngunexü̃wa nanguxgu nawena nax ãũãchixü̃ tingõgüxü̃. Rü ngẽxguma ya yixema duü̃xẽ ya ãũãchíxe rü tá tügü tayauxchiru, rü tá tügü taxaiya. Natürü tauxta aixcüma tame ñu̱xmata nayáuane.

Iraétanüxü̃arü muxchiga 19:8

Rü ngẽma yatü i woca iguxü̃ rü ngẽxgumarüxü̃ tá ta nügü naya̱u̱xchiru rü nügü naxaiya. Natürü tauxta aixcüma name ñu̱xmata nayáuane.

Lebítanüxü̃arü puracüchiga 15:13

Rü ngẽxguma marü naxca̱x yataanegu ya yimá yatü ya naxpe̱xechiraü̃wa ida̱xawecü, rü name i 7 i ngunexü̃ ngupetüguwena nügü naya̱u̱xchiru rü dexá i chuxchuxü̃wa nügü naxaiya. Rü ngẽxguma tá nixĩ i tama naxãũãchixü̃.

Lebítanüxü̃arü puracüchiga 14:47

Rü yíxema yima ĩpatawa chibüxe rüe̱xna ngẽxma pexe, rü name nax tügü tayauxchiruxü̃ nax tangearü ãũãchiã́xü̃ca̱x.

Lebítanüxü̃arü puracüchiga 11:28

Rü yíxema yangexe i wüxi i ngẽma naeü̃ i yuxü̃ rü tanaxwa̱xe nax dexámaxã tanayaxuxü̃ i tümachiru. Rü tá chope̱xewa taxüxa ñu̱xmata nachüta. Rü tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Ínachoxü̃xü̃chiga 19:14

Rü nüma ga Moiché rü ínarüxĩ nawa ga guma ma̱xpǘne nax duü̃xü̃güxü̃ yaxucu̱xẽgüxü̃ca̱x nax ñuxãcü Tupanaxü̃ yacua̱xüü̃güxü̃ca̱x. Rü nüma ga duü̃xü̃gü rü nügü niyauxchirugü.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Lebítanüxü̃arü puracüchiga 11:24

Rü ngẽxguma nayu̱xgu i wüxi i ngẽma naeü̃gü rü yíxema nüxü̃ ingógüxe rü chope̱xewa rü taxãũãchi ñu̱xmata nachüta.

Lebítanüxü̃arü puracüchiga 11:26

Rü guxü̃ma i ngẽma naeü̃ i woo naxãpatü, natürü tama taxrepatüxü̃ rü tama wena nawemü iyoxmüxü̃ rü tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃. Rü yíxema nüxü̃ ingógüxe rü naxrüxü̃ taxãũãchi.

Lebítanüxü̃arü puracüchiga 13:6

Rü ngẽxguma to i norü 7 i ngunexü̃wa nanguxgu rü wena tá tüxü̃́ nüxü̃ nadau rü nanangugü i tümaarü o̱xri. Rü ngẽxguma iyanaxochigügu i ngẽma tümaarü o̱xri, rü tama íyaxũxgu i tümacha̱xmüxü̃wa, rü ngẽxguma i ngẽma chacherdóte rü tá tümamaxã nanaxuegu nax tama chaxüne yixĩxü̃ i tüxü̃́ ngẽxmaxü̃ rü wüxi i o̱xrimare yixĩxü̃ i ngẽma tümacha̱xmüxü̃wa rügoxü̃. Rü ngẽxguma i tüma ya yíxema ida̱xawexe rü tá tügü tayauxchiru rü taxũtáma taxãũãchi.

Lebítanüxü̃arü puracüchiga 16:26

Rü ngẽma yatü i ngẽma chíbuxü̃ íyatáxü̃ nawa i chianexü̃ i Achaché, rü name nax nügü naya̱u̱xchiruxü̃ rü naxaiyaxü̃. Rü ngẽmawena rü name nax duü̃xü̃gü íxãpataxü̃wa naxũxü̃.

Lebítanüxü̃arü puracüchiga 14:46

Rü ngẽxguma chacherdóte marü nüxü̃ ixuxgu nax nawãxtaxü̃ ya yima ĩpata, rü texé ya nagu ücuxe rü tá tüxü̃ nacua̱x nax taxãũãchixü̃ rü ñu̱xmata nachüta.

Lebítanüxü̃arü puracüchiga 15:15

Rü nüma i chacherdóte rü tá tüxü̃ nima̱x ya wüxi ya muxtucuxacü nax ngẽmaãcü Tupana nüxü̃́ nüxü̃ rüngü̃maxü̃ca̱x i ngẽma yatüarü pecadu. Rü yíxema toguxe ya muxtucuxacü rü tá tüxü̃ nigu Tupanaarü ãmareruxü̃. Rü ngẽmaãcü tá Cori ya Tupanape̱xewa nanamexẽxẽ ya yimá yatü ya naxpe̱xechiraü̃wa ida̱xawecü.

Lebítanüxü̃arü puracüchiga 17:15

Rü yíxema Iraétanüxü̃ rüe̱xna to i nachixü̃anecüã̱x ya petanügu ãpataxe rü naeü̃ i yumarexü̃machi rüe̱xna naeü̃ i ai nagu wagüxü̃machi tangõ̱xgu, rü tanaxwa̱xe nax tügü tayauxchiruxü̃ rü tügü taxaiyaxü̃, erü tá taxãũãchi ñu̱xmata nachüta. Rü ngẽmawena rü marü tama taxãũãchi.

Lebítanüxü̃arü puracüchiga 22:6

Rü ngẽma Aróü̃taxa rü tá duü̃xü̃güca̱x naxãũãchi ñu̱xmata nachüta. Rü naxü̃pa nax nügü naxaiyaxü̃ rü taxucürüwa nanangõ̱x i ngẽma õna i üünexü̃.

Iraétanüxü̃arü muxchiga 19:7

Rü ngẽmawena i nüma i chacherdóte rü tá nügü naya̱u̱xchiru rü tá nügü naxaiya. Rü ngẽmawena rü name nax wenaxarü duü̃xü̃gü íxãpataxü̃wa naxũxü̃. Natürü tauxta aixcüma namexü̃ ñu̱xmata nayáuane.