Lebítanüxü̃arü puracüchiga 10:16 - Tupanaarü Ore

¹⁶ Rü yemawena ga Moiché rü naxca̱x ínaca ga yema chíbu ga yatüxü̃ ga pecaduarü ütanüca̱x ixĩxü̃. Natürü yexguma nüxü̃ nacua̱xgu nax marü yagugüãxü̃, rü nüma ga Moiché rü namaxã nanu ga yema taxre ga Aróü̃ nanegü ga íyaxügüxü̃ ga Ereachá rü Itamá. Rü ñanagürü nüxü̃:

Lebítanüxü̃arü puracüchiga 10:16 Referans Kwoze

Lebítanüxü̃arü puracüchiga 9:3

¡Rü Iraétanüxü̃maxã nüxü̃ ixu nax wüxi i chíbu i yatüxü̃ nua nagagüxü̃ nax ngẽmamaxã naxütanügüãxü̃ca̱x i norü pecadugü! ¡Rü ñu̱xũchi nua nagagü i wüxi i wocaxacü i yatüxü̃ i ngexwaca yaxü̃, rü wüxi i carnéruxacü i wüxi ya taunecü nüxü̃́ ngẽxmaxü̃ i taxuwama chixexü̃ nax ngẽma taxre rü Cori ya Tupanaca̱x ícuguxü̃!

Lebítanüxü̃arü puracüchiga 9:15

Rü yemawena ga Aróü̃ rü Cori ya Tupanana nanaxã ga yema ãmare ga Iraétanüxü̃arü pecaduca̱x íguxü̃. Rü nanayaxu ga yema chíbu ga pecaduarü ütanüruxü̃ ixĩxü̃. Rü nayawíyenaxã rü pecaduarü ütanüca̱x ínayagu, yema ãmare ga nüxíra yaguxü̃rüxü̃.

Efesios 4:26

Rü ngẽxguma ta̱xacüca̱x penúxgu rü ¡pegüna pedaugü nax tama pecadu pexüxü̃ca̱x! Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.

Ore i mexü̃ ga Márcu ümatüxü̃ 10:14

Rü yexguma yemaxü̃ nada̱u̱xgu ga Ngechuchu, rü naãxẽwa nangu̱x, rü ñanagürü nüxü̃: —Chanaxwa̱xe i chauxü̃tawa naxĩ i buxü̃gü. ¡Rü taxṹ i nüxna penachu̱xuxü̃! Erü Tupana ãẽ̱xgacü ixĩxü̃wa rü tümaca̱x nixĩ ya yíxema ñaa buxü̃gürüxü̃ taxuxü̃ma i chixexü̃xü̃ icuáxe.

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Iraétanüxü̃arü muxchiga 12:3

Rü aixcüma nixĩ ga Moiché rü guxü̃ i duü̃xü̃güarü yexera tama nügü irütacü yixĩxü̃ i ñoma i naanewa.

Lebítanüxü̃arü puracüchiga 6:30

Natürü tama name nax nangõ̱xgüãxü̃ i ngẽma naxü̃na i pecaduarü ütanüca̱x imáxü̃ rü chopatawa nangegüãcü ya nagü nax yimamaxã chopatawa yaxütanügüãxü̃ca̱x i duü̃xü̃güarü pecadugü nax ngẽmaãcü choma nüxü̃ icharüngümaxü̃ca̱x i norü pecadugü. Rü ngẽma naxü̃na i ãmare ixĩxü̃ rü üxüwa tá nigu.

Lebítanüxü̃arü puracüchiga 6:26

Rü ngẽma chacherdóte i ãmare i pecaduarü ütanüruxü̃ cha̱u̱xca̱x iguxü̃, rü name nax tanangṍxü̃ i ngẽma namachi. Natürü ngẽma nachica i üünexü̃ i chopataã̱xtüwa ngẽxmaxü̃wa ta nixĩ i nangṍoxü̃.

Lebítanüxü̃arü puracüchiga 6:17

Rü ngẽxguma ngẽma paũ ínagugügu rü ngearü pu̱xẽẽruü̃ã́xü̃ tá nixĩ. Rü tama name nax paũarü pu̱xẽẽruü̃maxã naxüéxü̃güãxü̃. Rü ngẽma ãmare i cha̱u̱xca̱x yaguxü̃wa íyaxüxü̃ tá nixĩ i nüxna tá chaxãxü̃ ya Aróü̃ rü nanegü. Rü ngẽma nüxna chaxãxü̃ rü naxüünexü̃chi narüxü̃ i ngẽma ãmare i pecaduarü ütanüca̱x íguxü̃ rü ngẽma ãmare i pecadugagu íguxü̃.