Lebítanüxü̃arü puracüchiga 10:15 - Tupanaarü Ore

¹⁵ Rü yima naperema ya duü̃xü̃gü Tupanana ãxü̃ne rü ngẽma naremümachi i yachü̱xüxãcüüxẽẽãcüma Cori ya Tupanana pexãxü̃ rü ngẽma chíxü̃ i tá piguxü̃ rü wüxigu yachü̱xüxãcüüxẽẽãcüma tá Cori ya Tupanana peyaxã. Rü ngẽmawena rü ãmarearü guruü̃wa tá peyagu i ngẽma chíxü̃, natürü yima naperema rü ngẽma naremümachi rü guxü̃gutáma cuxca̱x rü cunegüca̱x rü cuxacügüca̱x tá nixĩ. Rü ngẽmaãcü nixĩ i Cori ya Tupana nüxü̃ yaxuxü̃ —ñanagürü ga Moiché.

Lebítanüxü̃arü puracüchiga 10:15 Referans Kwoze

Lebítanüxü̃arü puracüchiga 7:34

Rü ngẽma Iraétanüxü̃ choxna mugüxü̃ i naxü̃nagü i chacherdóte cha̱u̱xca̱x íguxü̃ nax choxü̃ namaxã nangüxmüxẽẽxü̃ca̱x, rü ngẽmawa chanayaxu i ngẽma namachiremü rü yima tügüneperema nax yimamaxã nüxü̃ charüngü̃xẽẽxü̃ca̱x ya Aróü̃ rü nanegü rü nataagü. Rü ngẽma ãmaregü i Iraétanüxü̃ choxna ãgüxü̃wa rü guxü̃gutáma Aróü̃na rü nataagüna tá naxü i ngẽma namachiremü rü yima tügüneperema —ñanagürü.

Naanearü ügüchiga 17:17

Rü yexguma ga Abraáü̃ rü waixü̃müanegu nanangücuchi. Natürü nüxü̃ nacugüãcüma nügüãẽwa ñanagürü: —¿Ẽ̱xna wüxi ya yatü ya 100 ya taunecü nüxü̃́ ngẽxmacü rü tá naxãxacüxü̃ nax papa yixĩxü̃ca̱x? ¿Rü Chára rü tá naxãxacüxü̃ nax marü 90 ya taunecü ngĩxü̃́ ngẽxmaxü̃? —ñaxü̃gu narüxĩnü ga naãẽwa.

Naanearü ügüchiga 17:13

Rü ngẽmaãcü ya guxãma i pema rü perü duü̃xü̃gü, rü chanaxwa̱xe i pegü ípewíecha̱xmüü̃pe̱xechiraü̃gü. Rü ngẽmaãcü guxü̃gutáma pexenewa nango̱x nax aixcüma peyanguxẽẽxü̃ i ngẽma yigümaxã nüxü̃ ixuxü̃.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Naanearü ügüchiga 13:15

Rü choma rü tá cuxna chanaxã i guxü̃ma i ngẽma naane i nüxü̃ cudauxü̃. Rü guxü̃gutáma cuxrü rü cutaagüarü tá nixĩ.

Ínachoxü̃xü̃chiga 29:27

Rü nüxrüguma tá cunanu i ngẽma naremümachi rü yima norü tügüneperema i ngẽma carnéru i namaxã tá choxna cunamugüxü̃ i Aróü̃ rü nanegü. Erü ngẽma carnérumachi i naremüwa üxü̃ rü yima norü tügüneperema rü Aróü̃arü rü nanegüarü tá nixĩ.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Iraétanüxü̃arü muxchiga 5:9

Rü guxü̃ma i ngẽma norü ãmaregü i Iraétanüxü̃ Cori ya Tupanana naxãgüxü̃ rü tá chacherdótexü̃tawa nanana, rü chacherdótearü tá nixĩ.

Ínachoxü̃xü̃chiga 29:28

Rü ngẽma namachi tá nixĩ i Aróü̃na rü nanegüna naxãgüxü̃ i Iraétanüxü̃ i ngẽxguma naxü̃na cha̱u̱xca̱x tá inamugügu nax nüxü̃́ nüxü̃ icharüngümaxü̃ca̱x i norü pecadugü. Rü ngẽma nixĩ i wüxi i mu i guxü̃gutáma Iraétanüxü̃ca̱x ixĩxü̃.

Lebítanüxü̃arü puracüchiga 2:3

Rü ngẽma íyaxüxü̃ rü wüxi i ãmare i poraãcüxüchima üünexü̃ nixĩ natanüwa i guxü̃ma i ngẽma ãmaregü i Cori ya Tupanaca̱x íguxü̃. Rü ngẽma rü Aróü̃ca̱x rü nanegüca̱x rü nataagüca̱x tá nixĩ.