Lebítanüxü̃arü puracüchiga 10:12 - Tupanaarü Ore

¹² Rü yemawena nüma ga Moiché rü Aróü̃maxã rü Ereachámaxã rü Itamámaxã nidexa. Rü yema taxre nixĩ ga Aróü̃ nanegü ga íyaxügüxü̃. Rü ñanagürü nüxü̃: —¡Rü ngẽma ãmare i trigute̱xe i Cori ya Tupanaca̱x piguxü̃wa íyaxüxü̃ rü wüxi i paũ i ngearü pu̱xẽxẽruü̃ã́xü̃ nawa pexü̱x! ¡Rü ãmarearü guruxü̃xü̃tawa penangṍ, erü ngẽma trigute̱xe rü naxüünexü̃chi!

Lebítanüxü̃arü puracüchiga 10:12 Referans Kwoze

Lebítanüxü̃arü puracüchiga 21:22

Natürü name nax tanangṍxü̃ i ngẽma paũ rü naguxü̃raü̃xü̃ i õna i üünexü̃ rü Üünexüchixü̃.

Echequié 44:29

Rü nümagü i ngẽma chacherdótegü tá nixĩ i namaxã naxãwemügüxü̃ i ngẽma trigu i Iraétanüxü̃ choxna ãmaregüxü̃ rü ñu̱xũchi ngẽma naxü̃nagü i pecaduarü ütanüca̱x choxna naxãmaregüxü̃ rü ñu̱xũchi ngẽma ãmaregü i duü̃xü̃gü ta̱xacürü guxchaxü̃ naxügüxü̃gagu inaxãmaregüxü̃. Rü ngẽxgumarüxü̃ ta i guxü̃ma i ngẽmaxü̃gü i Iraétanüxü̃ cha̱u̱xca̱x íxüxüchigüxü̃ rü ngẽma chacherdótegüarü tá nixĩgü.

Lebítanüxü̃arü puracüchiga 7:9

Rü guxü̃ma i ngẽma ãmare i paũ i trigute̱xenaxca̱x i paũarü guruü̃wa íguxü̃, rü ñu̱xũchi ngẽma buetarewa rü piripáxü̃wa íguxü̃ rü ngẽma chacherdóte i ngẽma ãmare choxna ãxü̃arü tá nixĩ.

Ínachoxü̃xü̃chiga 29:2

¡Rü ngẽma rümemaexü̃ i trigute̱xewa naxü i paũ rü ñu̱xũchi paũ i maixcuraxü̃ i ngearü pu̱xẽẽruü̃ã́xü̃ i meama chíxü̃maxã ñucharaxü̃! ¡Rü ngẽxgumarüxü̃ ta naxü i paũ i ãtachinüxü̃ i ngearü pu̱xẽẽruü̃ã́xü̃ i chíxü̃maxã ñucharaxü̃!

Ínachoxü̃xü̃chiga 6:23

Rü nüma ga Aróü̃ rü Erichebámaxã naxãxma̱x. Rü ngĩma ga Erichebá rü Aminadáxacü iyaxĩ, rü Nachóü̃eya̱x iyaxĩ. Rü namaxã ixãxacü ga Nadáx, rü Abiú, rü Ereachá, rü ñu̱xũchi Itamá.

Lebítanüxü̃arü puracüchiga 10:13

Rü name i wüxi i nachica i üünexü̃wa penangõ̱x, erü ngẽma ãmare i trigute̱xe i Cori ya Tupanaca̱x yagugüxü̃wa íyaxüxü̃ rü cuxrü rü cunegüarü rü cuxacügüarü nixĩ. Rü ngẽma nixĩ i chomaxã nüxü̃ yaxuxü̃ ya Cori ya Tupana nax cumaxã nüxü̃ chixuxü̃ca̱x.

Ínachoxü̃xü̃chiga 29:33

Rü Aróü̃ rü nanegü tá nanangõ̱xgü i ngẽma carnérumachi rü paũ, erü ngẽma nixĩ i ãmare ga choxna naxãgüxü̃ ga yexguma chorü chacherdótegüxü̃ chanadexgu. Rü nüxicatama tá nanangõ̱xgü rü taxúetama ya togue tanangõ̱x, erü naxüüne.

Lebítanüxü̃arü puracüchiga 24:9

Rü ngẽma tá nixĩ i Aróü̃arü rü nanegüarü rü nataagüarü puracü i guxü̃gutáma naxügüxü̃. Rü nümagü tá nixĩ i nangõ̱xgüãxü̃ i ngẽma paũ nawa i wüxi i nachica i üünexü̃, erü natanüwa i guxü̃ma i ãmaregü i cha̱u̱xca̱x iguxü̃ rü ngẽma paũ nixĩ i yexera rüxüünemaexü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 31:14

Rü Coré ga Iná nane ga yema ĩã̱x ga éstewaama yexmaxü̃arü dauruxü̃chire̱x nixĩ ga namaxã icuáxü̃ ga yema ãmaregü ga duü̃xü̃gü norü ngúchaü̃maxã Cori ya Tupanaca̱x inaxü̃. Rü nüma ga Coré nixĩ ga chacherdótegüxü̃ rü Lebítanüxü̃güxü̃ yanuaxü̃ ga yema ãmaregü rü õnagü ga duü̃xü̃gü Tupanapatawa naxũ.