Joel 3:3 - Tupanaarü Ore

³ Rü ngẽma togü i nachixü̃anecüã̱xgü i duü̃xü̃gü rü sortéuãcü nügü nayanu ga chorü duü̃xü̃gü, rü tümamaxã nataxegü ga buxegü ga iyatüxe rü ingexe. Rü yemawena ga guxema buxegütanü rü bínugu rü ngexü̃gü ga ngĩxü̃negümaxã taxexü̃gu tüxü̃ nagu̱xẽẽgü ga guxema diẽru.

Joel 3:3 Referans Kwoze

Naúü̃ 3:10

Natürü ga yema Tébacüã̱xgü rü to ga nachixü̃anecüã̱xgü nayagagü. Rü yema norü buxü̃gü rü namaarü poãchigu tüxü̃ nichi̱xgü. Rü yema yatügü ga guma ĩanewa tachigagüxü̃, rü norü uanügü rü sortéuãcüma nügü nayanu. Rü guma ĩanearü ãẽ̱xgacügü rü cadénamaxã ínayachotagü.

Abdía 1:11

Rü yexguma yema Iraétanüxü̃arü uanügüarü churaragü Yerucharéü̃arü poxeguxü̃arü ĩã̱xgu pogüegu, rü nachocuxgu nax nadeaxü̃ca̱x ga norü yemaxü̃gü, rü pemax, Pa Edóü̃cüã̱xgüx, rü yéma nüxü̃ perüdaunümare. Rü yexguma norü uanügü nügümaxã yatoyegu ga yema Iraétanüxü̃arü yemaxü̃gü ga nadexü̃ rü pema rü ta yema uanügütanüwa peyexmagü.

Amúx 2:6

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:13

Rü taxúetama naxca̱x nüxü̃́ tataxe i norü canela rü togü i norü üexü̃wemüxü̃gü i yixixü̃, rü pumarate̱xe i guruxü̃ ixĩxü̃, rü togü i pumaragü i yixixü̃, rü bínugü rü chíxü̃gü, rü arína i mexẽchixü̃, rü trigu i ngéma nangegüxü̃. Rü ngẽxgumarüxü̃ ta ngéma nanagagü i wocagü, rü carnérugü, rü cowarugü, rü carugü i cowaru itúchigüxü̃, rü duü̃xü̃gü i puracüruü̃gü. Rü ngẽmaãcü woo duü̃xẽgü rü ngéma tüxü̃ nagagü nax tümamaxã nataxegüxü̃ca̱x.

Yox 6:27

Pemax rü pexü̃́ natauxcha nax namaxã petaxexü̃ i wüxi i taxcuxü̃, rü woo wüxi i pemücü rü namaxã petaxexü̃.

Echequié 27:13

Rü yexgumarüxü̃ ta ga yema taxetanüxü̃ ga Gréchiawa rü Tubáxwa rü Méchewa ne ĩxü̃ rü cuxü̃tawa naxca̱x nayataxegü ga curü yemaxü̃gü. Rü nümagü rü duü̃xẽgü ga mugüruü̃maxã rü yemaxü̃gü ga bróũchenaxca̱xmaxã cuxü̃́ nanaxütanügü.

Joel 1:5

Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úbatüxü̃ rü tá inayarütaxu.