Joel 2:25 - Tupanaarü Ore

²⁵ Rü nüma ya Cori ya Tupana rü ñanagürü pexü̃: —Choma rü tá pexü̃́ chanatáeguxẽxẽ ga yema penetügü ga ñuxre ga taunecü pexü̃́ nax nangóoxü̃ ga yema munügü ga yéma chamugüxü̃.

Joel 2:25 Referans Kwoze

Chacaría 10:6

Rü nüma ya Cori ya Tupana rü ñanagürü: —Choma rü tá chanaporaexẽxẽ i Yudátanüxü̃. Rü tá íchanapoxü̃ i Yúchetanüxü̃. Rü wenaxarü nachixü̃aneca̱x tá chanawoeguxẽxẽ erü choxü̃́ nangechaü̃tümüxü̃gü. Rü nümagü rü wenatáxarü ñoma taguma nüxü̃ chaxoxü̃rüxü̃ chomaxã nixĩgü. Erü choma rü norü Cori ya Tupana chixĩ, rü nüxü̃ chaxĩnü i norü yumüxẽgü.

Ínachoxü̃xü̃chiga 10:5

Rü ngẽma munügü rü guxü̃ma i naane tá namaxã nayapa. Rü tá namuxũchi rü taxũtáma waixü̃müanexü̃ tadau. Rü nayawa tá i ngẽma noxretama i nanetügü ga íyaxügüxü̃ nawena ga yema gáuxü̃ ga ixãpǘtaxü̃ ga rüyixixü̃. Rü ngẽxgumarüxü̃ tá ta nayawa i guxü̃ma i ngẽma naigü i ori̱xgü i peanewa ngẽxmagüxü̃.

Yeremía 46:23

Rü ngẽma uanügü rü tá nanadai i Equítuanearü churaragü ñoma wüxi ya naixnecü ichexexü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngẽma uanügü rü munügüxü̃ narümumae rü taxúema nüxü̃ tacua̱x nax tayaxugüxü̃.

Maraquía 3:11

Rü penetü rü tá mea nixo erü choma tá nüxna chadau nax taxuxü̃táma i naweane rü da̱xaweane nachixexẽẽxü̃ i ngẽma penetügüarü o rü perü úbanecügu.