Joel 2:23 - Tupanaarü Ore

²³ ¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Joel 2:23 Referans Kwoze

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Filipenses 3:1

Rü ñu̱xma Pa Chauenexẽgüx, rü chanaxwa̱xe i petaãẽgü erü tórü Coriarü duü̃xü̃gü pixĩgü. Rü yema ore ga noxri pexca̱x chaxümatüxü̃ rü tama choxü̃́ nawa̱xtümüü̃ nax wena pexca̱x chanaxümatüxü̃ erü aixcüma pexü̃́ name i ngẽma ore.

Chacaría 10:1

¡Ngẽxguma yapaanegu rü Cori ya Tupanana peca nax pexca̱x napuxẽẽãxü̃ca̱x! Rü nüma ya Cori ya nango̱xẽẽcü i ba̱i̱xbeane rü tacü ya pucü tá pexca̱x ínanguxẽxẽ. Rü peanewa rü tá nanaxüxẽxẽ ya maxẽ.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Wenaxarü naxümatü ga Tupanaarü mugü 28:12

Rü tá pexca̱x nayawãxnaxü̃ i norü ngẽmaxü̃gü i dauxü̃wa ngẽxmagüxü̃, rü perü naanegu tá nanapuxẽxẽ nax mea nayaexü̃ca̱x i penetügü. Rü tá pexü̃ narüngü̃xẽxẽ nax mea ínanguxuchixü̃ca̱x i guxü̃ma i perü puracü i pexü̃xü̃. Rü tá pexü̃́ nangẽxma i diẽru nax muxü̃ma i to i nachixü̃anegüna penaxãxü̃ca̱x rü ñu̱xũchi pexü̃́ natáeguxẽẽxü̃ca̱x. Natürü i pema rü tagutáma togüxü̃tawa naxca̱x ípeca i diẽru nax ñu̱xũchi nüxü̃́ penatáeguxẽẽxü̃ca̱x.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Chacaría 10:7

Rü Efraíü̃tanüxü̃ rü ñoma churara i poraxü̃rüxü̃ tá nixĩgü. Rü norü maxü̃newa rü tá nataãẽgü ñoma bínu yaxãgügurüxü̃. Rü ngẽmaxü̃ nadaugügu i nanegü rü naxacügü rü tá ta nataãẽgü. Rü ngẽma Cori naxca̱x ügüxü̃ca̱x tá nixĩ i nataãẽgüxü̃.

Yeremía 5:24

Rü tama nagu perüxĩnüe rü bai nax ñapegügüxü̃: ‘Ngĩxã Cori ya tórü Tupanaga taxĩnüe erü nüma nixĩ i taxca̱x napuxẽẽãxü̃ i otóñogu rü primaberagu, rü ñu̱xũchi nüma nixĩ i taxca̱x ínaxüxüchiãxü̃ i ngẽma ngunexü̃gü i nagu yabuxgǘxü̃ i torü nanetügü’, ñapegügüxü̃.

Wiyaegü 104:34

Rü chierüx Cori namaxã taãẽgu i ngẽma nagu charüxĩnüxü̃. Erü naxü̃taguxica nixĩ i nüxü̃ ichayangauxü̃ i chorü taãxẽ.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 30:21

Rü ngẽxguma namawa tügünewaama ícutüxgu rüe̱xna to̱xwewaama ícutüxgu, rü tá cuweama nüxü̃ cuxĩnü i wüxi i naga i cuxü̃ ñaxü̃: —Nuama nixĩ i nama. ¡Rü nuama naxũ! —ñaxü̃.

Ucu̱xẽgüchiga 16:15

Ngẽxguma nataãẽgu ya ãẽ̱xgacü rü nangẽxma i maxü̃, rü ngẽma ãẽ̱xgacüarü ngü̃xẽxẽ i norü ngúchaü̃maxã inaxãxü̃, rü ñoma pucü ya meamare rüngucürüxü̃ nixĩ.

Wiyaegü 32:11

¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!

Yox 33:23

Natürü ngẽxguma chi nangẽxmagu i wüxi i daxũcüã̱x i Tupanaarü duü̃xü̃ i nüxü̃ ngechaü̃xü̃ rü naétüwa idexaxü̃, rü chi Tupanamaxã nüxü̃ yaxuxgu nax nüma rü taguma ta̱xacürü chixexü̃ naxüxü̃, rü chi Tupanaxü̃ ñaxgu: “Pa Tupanax, ¡yuwa ínanguxuchixẽxẽ rü taxṹ i cunayuxẽẽxü̃ erü marü choxü̃́ nangẽxma i natanü i norü maxü̃”, ñaxgu! Rü ngẽxguma rü tá naxca̱x nitaane, rü tá napora ñoma wüxi ya ngextü̱xücürüxü̃.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Amúx 4:7

Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Auxexü̃chiga 4:2

Rü ngẽma Chióü̃arü duü̃xü̃gü i ñoma úiru i mexẽchixü̃rüxü̃ ãtanüxü̃, rü ñu̱xma rü taxuwama name naxrüxü̃ ya yima buetaregü ya waixü̃münaxca̱x i wüxi i üwechiruxü̃ üxcü.

Chacaría 9:13

Rü choxü̃́ nangẽxma i Yudátanüxü̃ i ñoma chorü würa ya dairuü̃rüxü̃ ixĩgüxü̃ rü ngẽma Efraíü̃tanüxü̃ rü ñoma chuxchirüxü̃ nixĩgü. Rü cumax, Pa Chióü̃x, rü ñoma tara i taxrewa ãmaguxü̃rüxü̃ tá cuxü̃ chixĩxẽxẽ. Rü ngẽma duü̃xü̃gü i cuwa ngẽxmagüxü̃ rü tá chanaporaxẽxẽ nax Griégugüchixü̃anecüã̱xgüxü̃ nada̱i̱xü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Wiyaegü 84:6

Rü ngẽxguma ngẽma doxonexü̃ i pachitamaxü̃ i Naxgüxü̃ẽtügu ãégaxü̃wa tangupetütanügu rü cuma rü ngéma tá cunamu ya pucü nax ngẽmaãcü nayimaxü̃ca̱x ya bairawegü.

Yox 37:13

Rü guxü̃ma i ngẽmawa Tupana tüxü̃ nüxü̃ nadauxẽxẽ i norü pora. Rü tacü ya buanecü rü pucü núma namu nax namaxã duü̃xü̃güxü̃ yanawe̱xãchixẽẽxü̃ca̱x. Rü yimáwatama tüxü̃ nanawe̱x nax nüxü̃́ ingechaü̃tümüxü̃güxü̃.

Wiyaegü 147:8

Rü nüma rü caixanexü̃maxã nanatüxchipeta i ñaa naane. Rü nanamexẽxẽ ya pucü nax ñaa naanexü̃ yawaixẽẽxü̃ca̱x, rü ma̱xpǘnegüwa nanaxügüxẽxẽ ya maxẽ.

Echequié 34:26

Rü chorü ma̱xpǘne ya üünecüwagu tá chanamugü i chorü carnérugü. Rü tá nüxü̃ charüngü̃xẽxẽxü̃ rü naxca̱x chanapuxẽxẽ nax mea nachibüexü̃ca̱x.