Joel 2:19 - Tupanaarü Ore

¹⁹ Rü nüma rü ñanagürü nüxü̃: —Rü tá pexna chanaxã i trigu rü bínu rü chíxü̃ ñu̱xmatáta mea pexü̃́ yangu. Rü marü taxũtáma wena pexü̃ changexrü nax tama pexü̃ nacugüexü̃ca̱x i ngẽma togü i nachixü̃anecüã̱xgü i tama choxü̃́ yaxõgüxü̃.

Joel 2:19 Referans Kwoze

Echequié 34:29

Rü chorü duü̃xü̃güna tá chanaxã i ngẽma naane i nanetü mea nawa rüxügüxü̃. Rü ngẽmaca̱x i ngẽma chorü duü̃xü̃gü rü taxũtáma wena taiya nüxü̃́ nangu̱x. Rü ngẽma togü i nachixü̃anecüã̱xgü rü taxũtáma wena nüxü̃ nacugüe rü nagu nidauxcüraxü̃gü i chorü duü̃xü̃gü.

Echequié 36:15

Rü marü tama chanaxwa̱xe nax pema, Pa Iraéanearü Ma̱xpǘnegücüã̱x, wena nüxü̃ pexĩnüexü̃ nax chixri pechiga yadexagüxü̃ i ngẽma togü i nachixü̃anegü. Rü marü taxũtáma wena nüxü̃ pexĩnüe nax pemaxã naguxchigagüxü̃. Erü ngẽxguma rü marü taxuxü̃táma daigu nayue i nanegü i duü̃xü̃gü nax ípenagagüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Joel 2:24

Rü ngẽmaãcü tá mea pexü̃́ nixo i trigu rü poraãcü tá nata ya perü bínu rü chíxü̃.

Yeremía 31:12

Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.

Joel 1:10

Rü ngẽma naanegü rü nachianemare rü ngẽma waixü̃mü rü nipamare. Rü ngẽma trigugü rü nayue, rü ngẽma úbanecügü rü nipagü, rü ngẽma oribunecügü rü narüñexgü.

Ochéa 2:15

Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Echequié 39:29

Rü tagutáma wena nüxna chaxãca̱xwe̱x, erü ngẽma Iraétanüxü̃tanüwa tá chanamu i Chauãxẽ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Lebítanüxü̃arü puracüchiga 26:5

Rü ngẽma tríguarü buxu rü tá úbaarü buxuwa nangu, rü ngẽma úbaarü buxu rü tá toearü ngunexü̃wa nangu. Rü paũmaxã tá pixãwemü ñu̱xmata mea pingãxpütüwegü. Rü taxuxü̃táma i ta̱xacü pexü̃ nachixewe i pechixü̃anewa.

Ochéa 2:21

Rü choma ya perü Tupana nixĩ i nüxü̃ chixuxü̃ i ngẽma, Pa Iraéanecüã̱xgüx. Rü ngẽxguma nawa nanguxgu i ngẽma ngunexü̃ rü choma rü tá chanapuxẽxẽ nax ngẽmaãcü naxügüxü̃ca̱x i penetügü rü namuxü̃ca̱x i ngẽma trigugü rü bínugü rü chíxü̃gü. Rü ngẽmaãcü Yereéarü metachinüanexü̃wa wena táxarü mea nayae i nanetügü.

Rux 1:6

Rü wüxi ga ngunexü̃gu ga Noemí ga yexguma Moáanewa nayexmayane, rü nüxü̃ ixĩnü ga guma ngĩrü ĩane ga Beréü̃wa rü marü nax nataxuxü̃ma ga taiya, yerü Tupana rü namaxã nixãũãchi.

Echequié 36:29

Rü pexna tá chayaxũgachixẽxẽ i guxü̃ma i ta̱xacü i chixexü̃ i nagu perüxĩnüexü̃ rü perü maxü̃ chixexẽẽxü̃. Rü tá chayamuxẽxẽ i perü trigu. Rü taxũtáma wena taiya pexca̱x íchanguxẽxẽ.

Echequié 36:30

Rü choma rü peanegüwa tá chanamuarü oõ̱xẽxẽ i penetügü nax ngẽmaãcü tama taiyagagu pexãneexü̃ca̱x nape̱xewa i ngẽma togü i nachixü̃anegü.

Chacaría 8:12

Erü petanüwa rü tá nangẽxma i meãxẽ. Rü ngẽma perü úbanecü rü tá meama nixo. Rü dauxü̃guxü̃ i naanewa tá narüngu ya pucü nax ngẽmaãcü i penetügü i peanewa ipetogüxü̃ namuarü oṍxü̃ca̱x. Rü ngẽma duü̃xü̃gü i daa ĩanewa íyaxügüxü̃na tá chanaxã i guxü̃ma i ngẽma nax noxrü yixĩxü̃ca̱x.