Joel 2:11 - Tupanaarü Ore

¹¹ Rü nüma ya Cori ya Tupana rü nape̱xegu nixũ i ngẽma munügü i ñoma muxũchixü̃ i churaragürüxü̃ ixĩxü̃. Rü nüma ya Tupana rü tagaãcü nanamu i ngẽma munügü, rü nüma rü naga naxĩnüe. Rü ngẽma nax namuxũchixü̃ rü taxucürüwama texé tayaxugü. Rü poraãcü naxãũcüma i ngẽma ngunexü̃ i nagu Tupana tüxü̃ poxcuexü̃, rü taxúema tapora nax ítayachaxãchixẽẽxü̃.

Joel 2:11 Referans Kwoze

Maraquía 3:2

¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:8

Rü ngẽmaca̱x tá nixĩ i wüxitatama i ngunexü̃gu ínanguxü̃ i ngẽma ĩanearü poxcu. Rü ngẽma ĩanecüã̱x rü ngúanemaxã tá nayue, rü poraãcü tá nangechaü̃gü, rü tá naxauxe rü poraãcü taiya tá nüxü̃́ nangu̱x, rü norü ĩane rü üxümaxã tá nigu. Erü naporaxüchi ya yimá Cori ya Tupana i ngẽma ĩanexü̃ poxcucü”, ñanagürü ga yema naga.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:17

Erü marü ínangu i ngẽma ngunexü̃ i ãũcümaxü̃ i nagu norü numaxã napoxcuexü̃ i duü̃xü̃gü. ¿Rü texé tá namaxã tapora i ngẽma?” ñanagürügü.

Joel 3:16

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü ngẽma naga rü ñoma duruanexü̃rüxü̃ nixĩ. Rü ngẽxguma i ngẽma daxũguxü̃ i naane rü ñoma i naane rü nidu̱xru. Natürü i nüma ya Cori ya Tupana rü wüxi i poxü̃ruxü̃ nixĩ naxca̱x i Iraétanüxü̃ i norü duü̃xü̃gü ixĩgüxü̃.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Amúx 5:20

Rü ngẽma ngunexü̃ ya Tupana nagu pexü̃ poxcuexü̃ rü wüxi i ngunexü̃ i ẽanexü̃ tá nixĩ i pexca̱x, rü marü taxũtáma ngóonexü̃wa pengẽxmagü. Rü poraãcü tá pexca̱x nawaanexü̃chi rü bai i wüxi i ta̱xacürü ngóonexü̃ tá nangẽxma.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Yeremía 50:34

Natürü yima perü nguxü̃xẽẽruxü̃ rü napora. Rü naéga rü Cori ya Tupana ya Guxãétüwa Ngẽxmacü nixĩ. Rü nüma tá nixĩ i pemaxã inacuáxü̃ rü tá pexü̃ narüngü̃xẽxẽ nax nataxuxü̃ma i guxchaxü̃ i pechixü̃anewa. Natürü tá muü̃ naxca̱x ínanguxẽxẽ i ngẽma Babiróniacüã̱x —ñanagürü.

Ichaía 42:13

Rü nüma ya Cori ya Tupana rü ñoma wüxi i daiwa poraxü̃rüxü̃ tá nua naxũ. Rü norü poramaxã tá aita naxü rü tá norü uanügüxü̃ nadai —ñanagürü ga Ichaía.

Ichaía 13:4

Rü mápü̱xanexü̃wa rü nüxü̃ taxĩnü i muxũchixü̃ i duü̃xü̃gü i ngéma aixta üexü̃. Rü nüxü̃ taxĩnü nax naxãũgaãchitanüxü̃ i nachixü̃anegü rü ĩanegü i wüxigu ngutaque̱xexü̃. Rü nüma ya Cori ya Tupana ya Guxãétüwa Ngẽxmacü rü nüxü̃ nidaugü i norü churaragü i daica̱x ímemaregüxü̃.

Iraétanüxü̃arü muxchiga 24:23

Rü yemawena rü nüxü̃ nixu i ngẽma tá yixcüra ngupetüxü̃, rü ñanagürü: —Wüxi i taxü̃ i ngechaü̃ tá nixĩ tümaca̱x ya yíxema duü̃xẽgü ya maxẽxe i ngẽxguma Cori ya Tupana yanguxẽẽgu i guxü̃ma i ngẽma.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Yeremía 25:30

Rü cumax, Pa Yeremíax, ¡rü chauégagu duü̃xü̃gümaxã nüxü̃ ixux i guxü̃ma i ngẽma cumaxã nüxü̃ chixuxü̃! Rü ñanagürü nüxü̃: “Nüma ya Cori ya Tupana rü ñoma duruanexü̃rüxü̃ nataga i daxũguxü̃ i naanewa i nachica i üünexü̃wa i nüma ínangexmaxü̃wa. Rü norü numaxã ningunecüxü̃ naxca̱x i norü duü̃xü̃gü. Rü ñoma duü̃xü̃gü i úba ípuxgüxü̃rüxü̃ nataga ya Tupana naxca̱x i guxü̃ma i duü̃xü̃gü i ñoma i naanewa maxẽxü̃.

Amúx 5:18

¡Rü pegümaxã pengechaxü̃ i pema i penaxwa̱xexü̃ nax paxa petanüwa changuxü̃! Natürü tama nüxü̃ pecua̱x nax ta̱xacü tá pexü̃ ngupetüxü̃ i ngẽma ngunexü̃gu. Rü ngẽma ngunexü̃gu rü tá nawaane rü taxũtáma nangóone.

Amúx 1:2

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Joel 2:25

Rü nüma ya Cori ya Tupana rü ñanagürü pexü̃: —Choma rü tá pexü̃́ chanatáeguxẽxẽ ga yema penetügü ga ñuxre ga taunecü pexü̃́ nax nangóoxü̃ ga yema munügü ga yéma chamugüxü̃.

Echequié 22:14

Rü ngẽxguma tá cuxü̃ chapoxcugu, Pa Yerucharéü̃x, rü taxuacütáma cho̱xme̱xwa cugü ícupoxü̃. Rü choma ya Cori ya Tupana nixĩ i nüxü̃ chixuxü̃ i ngẽma. Rü choma rü tá chayanguxẽxẽ.

Ichaía 7:18

Rü ngẽma ngunexü̃gu rü nüma ya Tupana rü tá ñoma murenügü i muxũchixü̃rüxü̃ tá cuxca̱x ínanangugüxẽxẽ i ngẽma churaragü i Equítuanearü natügü i yáxü̃guxü̃wa ne ĩxü̃. Rü ngẽxgumarüxü̃ tá ta cuxca̱x ínanangugüxẽxẽ i ngẽma Achíriaanecüã̱x i churaragü i ñoma beruretanü i muxũchixü̃rüxü̃ ixĩxü̃.

1 Tesalonicenses 4:16

Erü nümatama ya Cori rü daxũwa tá ínarüxĩ, rü tá nüxü̃ taxĩnüe i wüxi i naga i daxũwa inaxũxü̃ i tüxü̃ muxü̃, rü naga i Tupanaarü orearü ngeruxü̃güarü ãẽ̱xgacü. Rü tá nüxü̃ taxĩnüe nax yacuexü̃ ya Tupanaarü cornéta. Rü ngẽxguma i ngẽma yuexü̃ i Cristuaxü̃́ yaxõgüxü̃ rü tá nüxíra ínarüdagü.

Joel 1:6

Erü ngẽma munügü rü ñoma muxũchixü̃ i churaragü i poraexü̃rüxü̃ chauchixü̃anegu nachocu. Rü napütagü rü ñoma leóü̃pütagürüxü̃ nixĩgü.

Joel 2:1

¡Rü yima ma̱xpǘne ya Chióü̃wa peyacue ya cornéta! ¡Rü yima ma̱xpǘne ya Tupanapata nawa ngẽxmanewa rü tagaãcü peyacue ya cornéta ya ãũcümaxü̃xü̃ ixüxü̃ne! ¡Rü muü̃maxã pidu̱xrue i guxãma i pema i Yudáanewa pemaxẽxü̃! Erü Cori ya Tupanaarü ngunexü̃ rü marü ningaica. Rü ngẽma ngunexü̃ rü taxü̃ i waanexü̃ tá nixĩ. Rü tá narüxcaixane rü caixanexü̃ i pamüemaxü̃ tá nangẽxma. Rü muxũchixü̃ i munügü tá ínangugü. Rü ñoma wüxitücumü i churaragü i poraexü̃ rü muxũchixü̃rüxü̃ tá nixĩgü. Rü ñoma ngexwaca yangunegu rü guxü̃wama ma̱xpǘneétüwa nangu nax yangóonexü̃ rü ngẽxgumarüxü̃ tá nixĩgü nax guxü̃wama nangugüxü̃ i ngẽma munügü. Rü nũxcüma rü taguma ngẽxgumarüxü̃ ixĩxü̃xü̃ tadau, rü tagutáma wena nüxü̃ tadau i ta̱xacü i nangexgumaraxü̃xü̃.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Abdía 1:15

Rü yema chixexü̃ ga petanüxü̃ ga Iraétanüxü̃ca̱x pexüxü̃ rü ngẽmatátama pemaxã nangupetü. Erü ngẽma nixĩ i perü natanü naxca̱x ga yema chixexü̃ ga pexüxü̃. Rü marü ningaica i ngẽma ngunexü̃ i nagu Cori ya Tupana tá napoxcuexü̃ i guxü̃ma i nachixü̃anegü —ñanagürü.

Wiyaegü 18:14

Rü ínananguxẽxẽ ga norü chuxchigü rü ãẽmacügü. Rü yemacha̱xwa ga yema chorü uanügü rü nügü nawoone rü nibuxmü.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.