Joel 1:2 - Tupanaarü Ore

^2-4 Guxü̃ma ga perü nanetügü rü munü pexü̃́ nanangõ̱x. Rü yema taxü̃ ga munügü íyaxüxẽẽgüxü̃ rü yema munügü ga ixíraxü̃ nanangõ̱xgü. Rü dücax, Pa Yaxguã̱xgü rü Guxãma i Pemax i Ñaa Nachixü̃anecüã̱xgüx, rü pexna chaca ¿rü ñuxgu nüxü̃ pedauxü̃ ga wüxi ga chixexü̃ ga ñaarüxü̃ ixĩxü̃? Rü nũxcüma ga penatügü rü taguma nüxü̃ tadau i ngẽma ñu̱xma pexü̃ ngupetüxü̃. Rü ngẽmaca̱x name i pexacügümaxã nüxü̃ pixu i ngẽma ñu̱xma pexü̃ ngupetüxü̃, rü nümagü rü tá naxacügümaxã nüxü̃ nixugügü, rü petaagü rü naxacügümaxã ta nüxü̃ nixugügü.

Joel 1:2 Referans Kwoze

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Yox 8:8

¡Rü nawa nangu̱x ga yema nũxcümaü̃güxü̃ ga duü̃xü̃gümaxã ngupetüxü̃ ga yexguma tama Tupanaga naxĩnüegu! ¡Rü nagu rüxĩnü ga yema namaxã ngupetüxü̃!

Ore i mexü̃ ga Matéu ümatüxü̃ 24:21

Erü ngẽma ngunexü̃gügu rü poraãcü tá nangẽxma i ngúxü̃ ga noxri naane ixügügumama taguma yexmaxü̃, rü ngẽmawena rü tagutáma wena nangẽxma.

Ore i mexü̃ ga Matéu ümatüxü̃ 13:9

Rü yíxema ãchi̱xẽgüxe, ¡rü nüxü̃ taxĩnüe i ñaa ore! —ñanagürü.

Miquéa 3:9

¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?

Miquéa 1:2

Rü nüma ga Miquéa rü ñanagürü: —¡Pa Guxãma i Ñaa Nachixü̃anecüã̱xgüx i Duü̃xü̃güx, rü iperüxĩnüe i ñaa ore! Rü nüma ya Cori ya Tupana rü napata ya üünenewa tá pexü̃ nixu.

Amúx 5:1

Nüma ya Cori ya Tupana rü ñanagürü: —¡Pa Iraétanüxü̃x, nüxü̃ pexĩnüe i ñaa chorü ore! ¡Rü nüxü̃ pexĩnüe i ñaa poraãcü changechaü̃ãcüma pemaxã nüxü̃ chixuxü̃!

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!

Joel 1:14

¡Rü naxca̱x pengẽma i guxü̃ma i duü̃xü̃gü nax aureãcüma nayumüxẽgüxü̃ca̱x! ¡Rü Cori ya Tupanapata ya taxü̃negu penangutaque̱xexẽxẽ i perü ãẽ̱xgacügü i yaxguã̱xgü, rü guxü̃ma i duü̃xü̃gü i ñaa nachixü̃anecüã̱xgü! ¡Rü ngéma perü yumüxẽwa Tupanana peca nax pexü̃ nangü̃xẽxẽxü̃ca̱x!

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Yeremía 5:21

“¡Nüxü̃ pexĩnüe i ñaa ore, Pa Duü̃xü̃gü i Naechitamare Maxẽxü̃ rü Tama Peãẽxü̃ Cua̱xgüxü̃! Rü pema rü pixãxetügüchire̱x natürü tama nüxü̃ pedaugü. Rü pixãxmachi̱xẽgüchire̱x natürü tama nüxü̃ pexĩnüe.

Ichaía 34:1

¡Pa Guxü̃ma i Nachixü̃anecüã̱x, dücax, nua pexĩ rü iperüxĩnüe i ngẽma tá pemaxã nüxü̃ chixuxü̃! ¡Rü nüxü̃ naxĩnü i ñoma i naane rü guxü̃ma i nawa ngẽxmagüxü̃! ¡Rü nüxü̃ naxĩnü i guxü̃ma i naane rü guxü̃ma i ngẽma nawa yaexü̃!

Ichaía 7:17

Rü Cori ya Tupana rü cuxca̱x rü cuchixü̃aneca̱x rü cutanüxü̃güca̱x tá ínananguxẽxẽ i taxü̃ i guxchaxü̃. Rü yema ngunexü̃ ga Efraíü̃tanüxü̃ rü Yudátanüxü̃na yaxĩgachiguwena rü taguma nüxü̃ tadau i wüxi i guxchaxü̃ i ngẽma guxchaxü̃rüxü̃ ãũcümaxü̃. Erü nua Yudáanewa Tupana tá ínananguxẽxẽ i Achíriaanearü ãẽ̱xgacü nax pexca̱x íyagoõchixü̃ca̱x —ñanagürü ga Ichaía.

Wiyaegü 49:1

¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!

Yox 21:7

¿Rü tü̱xcüü̃ i ngẽma duü̃xü̃gü i chixexü̃gu maxẽxü̃ rü namáarü maxü̃xã̱xgüxü̃ rü mea yanayaegüxü̃ rü naporaexü̃?

Yox 15:10

Tomagü rü duü̃xü̃gü i marü yaexe tixĩgü rü cunatüarü yexera cua̱x toxü̃́ nangẽxma.

Yox 12:12

Rü ngẽma o̱xigü rü cua̱x nüxü̃́ nangẽxmagü. Rü ngẽma nax nayaexü̃ rü yexera naãẽxü̃ nicua̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.