Ore i mexü̃ ga Cuáü̃ ümatüxü̃ 9:7 - Tupanaarü Ore

⁷ Rü yexguma gumá ngexetücüxü̃ ñanagürü: —¡Chiloéarü puchuwa naxũ rü ngéma dexámaxã cugü yayauxetü! —ñanagürü. (Rü ngẽma naéga i Chiloé rü “Tüxü̃ muxü̃”, ñaxü̃chiga nixĩ.) Rü yéma naxũ ga gumá ngexetücü rü dexámaxã nügü naya̱u̱xetü. Rü yexguma nataeguxgu rü marü nidauuchixetü.

Ore i mexü̃ ga Cuáü̃ ümatüxü̃ 9:7 Referans Kwoze

Ichaía 35:5

Rü ngẽma ngunexü̃gu rü ngẽma ingexetüxü̃ rü tá nidauuchitanü, rü ngẽma ingauchiẽxü̃ rü tá ningo̱xnamachixẽgü.

Ore i mexü̃ ga Cuáü̃ ümatüxü̃ 11:37

Natürü ñuxre ga yema Yudíugü rü ñanagürügü: —Daa nixĩ ga gumá yatü ga ngexetücüxü̃ rümexẽẽcü. ¿Rü tü̱xcüü̃ taxucürüwa ta̱xacürü mexü̃ Lácharoca̱x naxü nax tama nayuxü̃ca̱x? —ñanagürügü.

Ore i mexü̃ ga Cuáü̃ ümatüxü̃ 9:11

Rü nüma nanangãxü̃ rü ñanagürü: —Yimá yatü ya Ngechuchugu ãégacü rü yimá waixü̃müanewa nacuaxi. Rü yema waixü̃mü ga iwaixü̃maxã choxü̃ nachaxetü. Rü ñanagürü choxü̃: “¡Yéa Chiloéarü puchuwa naxũ rü ngéma dexámaxã cugü yayauxetü!” ñanagürü choxü̃. Rü yéma chaxũ, rü yexguma dexámaxã chaugü chayauxetügu rü chidauuchi —ñanagürü ga gumá yatü.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ichaía 8:6

—Choma rü ngẽma dexá i meamare puchu i Chiloéwa ne yáxü̃rüxü̃ nüxü̃ charüngü̃xẽẽchaü̃ i ngẽma Yudáanecüã̱xgü, natürü choxü̃ naxoe erü ãẽ̱xgacügü ga Rechíü̃xü̃ rü Remaría nane ga Pécaxü̃ namuü̃e.

Wiyaegü 146:8

Rü yíxema ingexetüxe rü tüxü̃ nidauuchigüxẽxẽ. Rü yíxema ya iyayitanüxe rü tüxü̃ ínarüdagüxẽxẽ. Rü nüma ya Cori rü nüxü̃ nangechaü̃ i ngẽma duü̃xü̃gü i mexü̃ ügüxü̃.

Ore i mexü̃ ga Luca ümatüxü̃ 13:4

¿Rü ẽ̱xna pema nagu perüxĩnüegu rü guxü̃ ga Yerucharéü̃cüã̱xarü yexera nipecaduã̱xgü ga yema 18 ga yatügü ga yuexü̃ ga yexguma Chiloéwa yexmaxü̃ ga dauxü̃taechica namaxã iwa̱xgu?

Ichaía 42:7

Rü cuxü̃ chamu nax cuyadauchitanüxẽẽxü̃ i ngẽma ngexetügüxü̃ rü poxcupataxü̃wa ícunanguxü̃xẽẽxü̃ca̱x i ngẽma poxcuexü̃ i waanexü̃wa ngẽxmagüxü̃.

Neemía 3:15

Rü Charúü̃ ga Coroché nane ga Mispáanemaxã icuáxü̃ nixĩ ga yamexẽẽxü̃ ga yema ĩã̱x ga Dexáarü Chuxchuxü̃gu ãégaxü̃. Rü nanaxüpataétü ga yema ĩã̱x rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü. Rü ñu̱xũchi nanamexẽxẽ ta ga yema Chiloéarü Dexápataxü̃arü naxtapü̱x ga Ãẽ̱xgacüarü Putüranecüwaama daxü̃ rü ñu̱xmata guma toxṍõnegü ga Dabíarü Ĩanewa rüdaenewa nangu.

Ínachoxü̃xü̃chiga 4:11

Natürü ga nüma ga Cori ya Tupana rü nanangãxü̃ rü ñanagürü: —¿Texé tixĩ ya yíxema naxǘxe ya naã̱x ya yatü? ¿Rü texé tixĩ ya nangegaxeẽ́xẽ rüe̱xna nangauxchixẽxẽẽ́xẽ, rüe̱xna nangexetüxẽẽ́xẽ rüe̱xna naxǘxetüxe? ¿Tama ẽ̱xna choma yixĩxü̃?

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Ore i mexü̃ ga Cuáü̃ ümatüxü̃ 10:36

Rü Tupana choxü̃ naxuneta nax chanaxüxü̃ca̱x i norü puracü rü ñoma ga naanewa choxü̃ namu. ¿Rü ñuxãcü i nagu perüxĩnüexü̃ nax Tupanaaxü̃́ chanangu̱xẽẽxü̃ i ngẽxguma Tupana Nane chixĩxü̃, ñachagu pemaxã?

Ore i mexü̃ ga Cuáü̃ ümatüxü̃ 9:39

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Ichaía 43:8

¡Rü nua penamugü i chorü duü̃xü̃gü i ãxetüchiréxü̃, natürü ñoma nangexetüxü̃rüxü̃ ixĩgüxü̃, rü ngẽma ãxmachi̱xẽchiréxü̃, natürü ñoma nangauchixẽxü̃rüxü̃ ixĩgüxü̃!

Ichaía 32:3

Rü ngẽma ãẽ̱xgacügü rü tá mea nüxü̃ nadau i guxü̃ma i ngẽma nachixü̃anewa ngupetüxü̃. Rü ngẽxguma norü duü̃xü̃gü namaxã idexagügu rü tá mea nüxü̃́ inaxĩnüe. Rü taxũtáma ñu̱xãẽãcü norü duü̃xü̃gümaxã inacua̱xgü, natürü meamare tá namaxã inacua̱xgü. Rü ngẽxguma duü̃xü̃gümaxã yadexagügu rü tá mea nango̱x i norü dexa.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!