32 Taguma ñuxgu nüxü̃ taxĩnüchiga i wüxi i yatü nax yadauuchixẽẽãxü̃ i wüxi i duü̃xü̃ i norü bucüma ngexetüxü̃.
Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.
Rü ñu̱xũchi naxãẽmacüane, rü poraãcü nicuxcuane, rü poraãcü nidu̱xruane. Rü poraãcü naxĩã̱xãchiane. Rü noxri Tupana duü̃xü̃güxü̃ üxgumama rü taguma nayexma ga wüxi ga ĩã̱xãchiane ga yemarüxü̃ poraxü̃.
Rü yemaacü nixĩ ga Tupana duü̃xü̃gümaxã inaxunetaxü̃ nawa ga norü orearü uruü̃gü ga üünegüxü̃.
Rü cuma rü meama nüxü̃ cucua̱x rü yexguma noxritama Tupana nango̱xẽẽgu ga yatü ga ñoma ga naanewa, rü ngẽma duü̃xü̃gü i chixri maxẽxü̃arü taãxẽ rü tama natai rü wüxi i paxaãchiruü̃mare nixĩ, rü inayacua̱xmare.
Rü guxãma rü meama nüxü̃ tacua̱x rü Tupana tama nüxü̃ naxĩnü i pecaduã̱xgüxü̃arü yumüxẽ. Natürü Tupana rü tüxü̃́ nüxü̃ naxĩnü i tümaarü yumüxẽ ya yíxema nüxü̃ icua̱xüxü̃güxe rü naxǘxe i Tupanaarü ngúchaü̃.
Rü ngẽxguma chi tama Tupana núma namuxgu ya daa yatü ya choxü̃ rümexẽẽcü, rü taxuacü chi mexü̃ naxü —ñanagürü ga gumá yatü ga ngexetüchire̱xcü.
Natürü ga togü rü ñanagürügü: —Taxuxü̃ma i yatü i ngo̱xo nawa ngẽxmaxü̃ rü ñaarüxü̃ mea nidexa. ¿Ñuxãcü i wüxi i yatü i ngo̱xo nawa ngẽxmaxü̃ rü tüxü̃ narümexetüxẽxẽ ya wüxi ya ngexetüxe? —ñanagürügü.