Ore i mexü̃ ga Cuáü̃ ümatüxü̃ 9:24 - Tupanaarü Ore

²⁴ Rü yexguma ga yema Yudíugü rü wenaxarü naxca̱x nacagü ga gumá ngexetüchire̱xcü. Rü ñanagürügü nüxü̃: —Rü ñu̱xma tanaxwa̱xe i Tupanape̱xewa rü aixcüma tomaxã nüxü̃ quixu nax texé cuxü̃ rümexẽẽxü̃. Erü toma rü meama nüxü̃ tacua̱x i ngẽma Ngechuchu rü wüxi i pecaduã́xü̃ nax yixĩxü̃ —ñanagürügü.

Ore i mexü̃ ga Cuáü̃ ümatüxü̃ 9:24 Referans Kwoze

Ore i mexü̃ ga Cuáü̃ ümatüxü̃ 9:16

Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Ore i mexü̃ ga Cuáü̃ ümatüxü̃ 19:6

Natürü yexguma Ngechuchuxü̃ nadaugügu ga chacherdótegüarü ãẽ̱xgacügü rü Tupanapata ga taxü̃nearü purichíagü, rü inanaxügüe ga aita nax naxüexü̃. Rü ñanagürügü: —¡Curuchawa yapota! ¡Curuchawa yapota! —ñanagürügü. Rü Pirátu rü ñanagürü nüxü̃: —¡Ẽcü, peyaga rü pematama curuchawa peyapota! Erü choma rü taxuxü̃ma i chixexü̃xü̃ nawa chadau —ñanagürü.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Ore i mexü̃ ga Cuáü̃ ümatüxü̃ 18:30

Rü nüma ga duü̃xü̃gü rü Pirátuxü̃ nangãxü̃gü, rü ñanagürügü: —Ngẽxguma chi tama wüxi i taxü̃ i chixexü̃ naxü̱xgu, rü taxũchima cuxü̃tawa tanaga —ñanagürügü.

Ore i mexü̃ ga Cuáü̃ ümatüxü̃ 16:2

Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Cuáü̃ ümatüxü̃ 8:49

Rü Ngechuchu nanangãxü̃, rü ñanagürü nüxü̃: —Chowa rü nataxuma i ngo̱xo. Rü ngẽma chaxüxü̃ nixĩ nax Chaunatüxü̃ chicua̱xüxü̃xü̃, natürü i pema rü chixri chauchiga pidexagü.

Ore i mexü̃ ga Cuáü̃ ümatüxü̃ 8:46

¿Texé ya petanüwa choxü̃ dauxe nax pecadu chaxüxü̃? Rü ñu̱xma nax nüxü̃ chixuxü̃ i ore i aixcüma ixĩxü̃, rü ¿tü̱xcüü̃ tama choxü̃́ peyaxõgü?

Ore i mexü̃ ga Luca ümatüxü̃ 19:7

Rü yexguma yemaxü̃ nadaugügu ga duü̃xü̃gü, rü guxü̃ma inanaxügüe ga chixri Ngechuchuchiga nax yadexagüxü̃. Rü ñanagürügü: —¿Ñuxãcü i nüma rü wüxi i duü̃xü̃ i pecaduã́xü̃patawa nangu? —ñanagürügü.

Ore i mexü̃ ga Luca ümatüxü̃ 15:2

Rü yemaca̱x ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Ngechuchuxü̃ nixugüe, rü ñanagürügü: —Ñaa yatü rü norü me nixĩ i pecaduã̱xgüxü̃maxã naxãmücüxü̃, rü namaxã nachibüxü̃ —ñanagürügü.

Ore i mexü̃ ga Luca ümatüxü̃ 7:39

Rü yexguma yemaxü̃ nada̱u̱xgu ga yema Parichéu ga Ngechuchuna uxü̃, rü naãxẽwa nagu narüxĩnü rü nügümaxãtama ñanagürü: —Ngẽxguma chi ñaa Ngechuchu rü aixcüma wüxi i Tupanaarü orearü uruxü̃ yixĩxgu, rü chi nüxü̃ nacua̱x nax ta̱xacü yixĩxü̃ i ñaa ngexü̃ i nüxü̃ ingõgüxü̃ rü chi nüxü̃ nacua̱x nax wüxi i ngexü̃ i chixexü̃gu maxü̃xü̃ yixĩxü̃ —ñanagürü ga naãxẽwa.

Ore i mexü̃ ga Márcu ümatüxü̃ 15:27

Rü naxrüxü̃ curuchawa nayapotagü ga taxre ga máetagüxü̃ rü wüxi ga norü tügünecüwawa rü to ga norü to̱xwecüwawa.

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Édra 10:11

Rü ñu̱xma rü name i tórü o̱xigüarü Tupanape̱xewa nüxü̃ pixu nax aixcüma chixexü̃ pexügüxü̃, rü penaxü i ngẽma norü ngúchaü̃. Rü ngẽmaca̱x pemaxã nüxü̃ chixu ¡rü nüxna pixĩgachi i ngẽma duü̃xü̃gü i tama yaxõgüxü̃ rü ngẽma ngexü̃gü i to i nachixü̃anecüã̱xgü ixĩgüxü̃! —ñanagürü.

Ore i mexü̃ ga Cuáü̃ ümatüxü̃ 9:25

Rü nüma nanangãxü̃ rü ñanagürü nüxü̃: —Choma rü tama nüxü̃ chacua̱x ega wüxi i pecaduã́xü̃ yixĩxgu rü ẽ̱xna tama. Rü ngẽma nüxü̃ chacuáxü̃ nixĩ nax changexetüxü̃ ga noxrix rü ñu̱xma rü nax chidauuchixü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.