Ore i mexü̃ ga Cuáü̃ ümatüxü̃ 9:16 - Tupanaarü Ore

¹⁶ Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.

Ore i mexü̃ ga Cuáü̃ ümatüxü̃ 9:16 Referans Kwoze

Ore i mexü̃ ga Cuáü̃ ümatüxü̃ 10:19

Rü yexguma yema orexü̃ naxĩnüegu ga yema Yudíugü rü wenaxarü nügü nitoye ga yema nagu naxĩnüexü̃wa.

Ore i mexü̃ ga Cuáü̃ ümatüxü̃ 7:43

Rü yemaacü Ngechuchugagu nügü nitoye ga duü̃xü̃gü.

Ore i mexü̃ ga Cuáü̃ ümatüxü̃ 7:12

Rü yema duü̃xü̃gü ga yéma yexmagüxü̃, rü nügütanüwa poraãcü Ngechuchuchiga nidexagü. Rü ñuxre ga yema duü̃xü̃gü rü ñanagürügü: —Yimá rü wüxi ya yatü ya mecü nixĩ —ñanagürügü. Natürü ga togü rü ñanagürügü: —Ngẽma yatü rü tama name erü duü̃xü̃güxü̃ nawomüxẽxẽ —ñanagürügü.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Matéu ümatüxü̃ 12:2

Rü yexguma yemaxü̃ nadaugügu ga Parichéugü rü ñanagürügü Ngechuchuxü̃: —Dücax i curü ngúexü̃gü rü chixexü̃ naxügü. Erü ngü̃xchigaarü ngunexü̃gu nanaxügü i ngẽma ngü̃chigaarü ngunexü̃gu chu̱xuxü̃ —ñanagürügü.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 14:11

Chanaxwa̱xe i choxü̃́ peyaxõgü nax choma rü Chaunatümaxã wüxitama tixĩgüxü̃. Natürü woo tama ngẽma pixõgügu rü chanaxwa̱xe nax choxü̃́ peyaxõgüxü̃ naxca̱x i ngẽma mexü̃gü i norü poramaxã chaxüxü̃.

Ore i mexü̃ ga Cuáü̃ ümatüxü̃ 9:24

Rü yexguma ga yema Yudíugü rü wenaxarü naxca̱x nacagü ga gumá ngexetüchire̱xcü. Rü ñanagürügü nüxü̃: —Rü ñu̱xma tanaxwa̱xe i Tupanape̱xewa rü aixcüma tomaxã nüxü̃ quixu nax texé cuxü̃ rümexẽẽxü̃. Erü toma rü meama nüxü̃ tacua̱x i ngẽma Ngechuchu rü wüxi i pecaduã́xü̃ nax yixĩxü̃ —ñanagürügü.

Ore i mexü̃ ga Cuáü̃ ümatüxü̃ 6:52

Rü yexguma ga yema Yudíugü rü poragaãcü nügümaxã nidexagü, rü ñanagürügü: —¿Ñuxãcü tá i ñaa yatü i naxü̃ne tátama tüxü̃ nangõ̱xẽẽxü̃? —ñanagürügü.

Ore i mexü̃ ga Cuáü̃ ümatüxü̃ 5:36

Natürü nangẽxma i ta̱xacü i Cuáü̃arü orearü yexera chauétüwa íchogüxü̃. Rü ngẽma nixĩ ga yema cua̱xruü̃gü ga Chaunatü choxü̃ muxü̃ nax norü poramaxã chanaxüxü̃ca̱x. Rü yemawa pexü̃ nüxü̃ chadauxẽxẽ nax aixcüma Chaunatü ya Tupana yixĩxü̃ ga núma choxü̃ mucü.

Ngechuchuarü ngúexü̃gü ga yamugüxü̃arü puracüchiga 14:4

Natürü ga gumá ĩanecüã̱x ga duü̃xü̃gü rü nitoye. Rü nümaxü̃ rü yema Yudíugüwaama naxügü rü togü rü Pauru rü Bernabéwaama naxügü.

Ore i mexü̃ ga Matéu ümatüxü̃ 12:10

Rü yéma nayexma ga wüxi ga yatü ga wüxichacüüwa yumécü. Rü nümagü ga Parichéugü rü naxca̱x nadaugü ga ñuxãcü norü ãẽ̱xgacügüxü̃tawa Ngechuchuxü̃ nax ínaxuaxü̃güxü̃. Rü yemaca̱x Ngechuchuna nacagüe, rü ñanagürügü: —¿Namexü̃ yixĩxü̃ nax texé naxca̱x yataanexẽẽxü̃ i wüxi i da̱xawexü̃ i ngü̃xchigaarü ngunexü̃gu? —ñanagürügü.

Ore i mexü̃ ga Luca ümatüxü̃ 13:14

Natürü yema ngutaque̱xepataü̃arü ãẽ̱xgacü rü nanu, yerü Ngechuchu rü ngü̃xchigaarü ngunexü̃gu ngĩxü̃ narümexẽxẽ ga yema nge. Rü yemaca̱x ga yema ãẽ̱xgacü rü ñanagürü duü̃xü̃güxü̃: —Nangexma i 6 i ngunexü̃ i nagu namexü̃ nax ipuracüexü̃. Rü ngẽma ngunexü̃gügu nixĩ i namexü̃ nax nua pexĩxü̃ nax pegü peyarümexẽẽgüxü̃ca̱x rü tama i ngü̃xchigaarü ngunexü̃gu —ñanagürü.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ore i mexü̃ ga Cuáü̃ ümatüxü̃ 7:23

Rü ngẽmaãcü i pemax rü ngü̃xchigaarü ngunexü̃gu buxexü̃ ípewiecha̱xmüü̃pe̱xechiraü̃ erü naga pexĩnüechaü̃ i Moichéarü mugü. ¿Rü ñu̱xma rü tü̱xcüü̃ yixĩxü̃ i chomaxã penuexü̃ naxca̱x nax ngü̃xchigaarü ngunexü̃gu chanamexẽẽxü̃ i wüxi ya yatü ya ida̱xawecü?