Ore i mexü̃ ga Cuáü̃ ümatüxü̃ 8:6 - Tupanaarü Ore

⁶ Rü yema ñanagürügü ga nümagü, yerü Ngechuchuxü̃ guxchaxü̃gu nangu̱xẽẽgüchaü̃ nax nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃. Natürü ga Ngechuchu rü inayarümaxãchi rü inanaxügü ga naxme̱xmaxã waixü̃müwa nax naxümatüaxü̃.

Ore i mexü̃ ga Cuáü̃ ümatüxü̃ 8:6 Referans Kwoze

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Ore i mexü̃ ga Luca ümatüxü̃ 10:25

Rü yexguma inachi ga wüxi ga ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃tawa naxũ nax namaxã yanadexaxü̃ca̱x. Rü Ngechuchuxü̃ naxüxchaü̃, rü yemaca̱x nüxna naca rü ñanagürü: —Pa Ngúexẽẽruxü̃ ya Ngechuchux, ¿Ta̱xacü nixĩ i mexü̃ nax chanaxüxü̃ nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.

Ore i mexü̃ ga Matéu ümatüxü̃ 19:3

Rü ñuxre ga Parichéugü rü Ngechuchuca̱x naxĩ nax pecadugu nanguxẽẽgüãxü̃ca̱x. Rü nüxna nacagüe rü ñanagürügü: —¿Cuxca̱x namexü̃ i wüxi i yatü nax ínatáxma̱xmarexü̃ ega naxma̱x rü ngexü̃rüüxü̃ i guxchaxü̃ taxü̱xgu? —ñanagürügü.

Amúx 5:10

¡Rü pegümaxã pengechaxü̃gü i pema nax tümachi pexaixü̃ ya yíxema ãẽ̱xgacüpe̱xewa ínapoxü̃́xe i ngẽma duü̃xü̃ i aixcümaxü̃ ixuxü̃! Rü pema rü tüxü̃ pexoe ya yíxema aixcümaxü̃ ixuxe.

Ngu̱xẽẽtaeruü̃arü ore 3:7

Rü nangẽxma i ngunexü̃ i nagu naxchirugu igáugüxü̃, rü ngunexü̃ i nagu inga̱i̱xchiruxü̃. Rü nangẽxma i ngunexü̃ i nagu iyarüchianegüxü̃, rü ngunexü̃ i nagu idexagüxü̃.

1 Corintios 10:9

Rü tama name i nüxü̃ taxü ya tórü Cori nax yáxna tamaxã naxĩnüxü̃ yexgumarüxü̃ ga ñuxre ga nümagü naxügüxü̃rüxü̃. Rü yemaca̱x nixĩ ga yema duü̃xü̃güxü̃ nangõ̱xcuxü̃ ga ãxtapegü rü nayuexü̃.

Ore i mexü̃ ga Márcu ümatüxü̃ 10:2

Rü ñuxre ga Parichéugü rü naxca̱x naxĩ nax chixexü̃gu nangu̱xẽẽgüãxü̃ca̱x. Rü yemaca̱x nüxna nacagüe, rü ñanagürügü: —¿Namexü̃ i wüxi ya yatü rü naxma̱xü̃ ínatáxü̃? —ñanagürügü.

Ore i mexü̃ ga Márcu ümatüxü̃ 8:11

Rü Ngechuchuxü̃tawa nangugü ga Parichéugü, rü inanaxügüe ga nax namaxã yaporagatanücüüxü̃. Rü nüxna nacagüe nax nüxü̃ nüxü̃ nadauxẽẽxü̃ca̱x ga wüxi ga cua̱xruxü̃ ga Tupanaarü poramaxã naxüxü̃, nax yemaacü nüxü̃ naxügüxü̃ca̱x, rü nüxü̃ nacua̱xgüxü̃ca̱x rü aixcüma Tupana Nane yixĩxü̃.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Ore i mexü̃ ga Matéu ümatüxü̃ 22:35

Rü wüxi ga yema Parichéugü ga ore ga mugüwa ngu̱xẽẽtaexü̃ rü Ngechuchuxü̃ chixexü̃gu nangu̱xẽẽchaü̃. Rü yemaca̱x Ngechuchuna naca rü ñanagürü:

Ore i mexü̃ ga Matéu ümatüxü̃ 22:18

Natürü Ngechuchu nüxü̃ nacua̱xama nax chixexü̃gu naxĩnüexü̃ ga yema duü̃xü̃gü. Rü yemaca̱x ñanagürü nüxü̃: —Pa Duü̃xü̃güpe̱xewa Mea Maxẽnetaxü̃x ¿tü̱xcüü̃ chixexü̃gu choxü̃ pengu̱xẽxẽgüchaü̃xü̃?

Ore i mexü̃ ga Matéu ümatüxü̃ 16:1

Nüma ga Parichéugü rü Chaduchéugü rü Ngechuchuxü̃ ínayadaugü. Rü Ngechuchuna nacagüe nax nüxü̃ nüxü̃ nadauxẽẽxü̃ca̱x ga wüxi ga cua̱xruxü̃ ga Tupanaarü poramaxã naxüxü̃, yerü nüxü̃ naxügüchaü̃mare.

Ore i mexü̃ ga Matéu ümatüxü̃ 15:23

Natürü ga Ngechuchu rü tama ngĩxü̃ nangãxü̃. Rü düxwa ga norü ngúexü̃gü rü naxca̱x naxĩ, rü Ngechuchuxü̃ naca̱a̱xü̃gü, rü ñanagürügü: —Pa Corix ¡Ngĩmaxã nüxü̃ ixu i ngẽma nge rü íyaxũ, erü tawe iyacaechigü! —ñanagürügü.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Amúx 5:13

Rü ngẽmaca̱x ya yíxema tümaãẽxü̃ cuáxe rü tangeã̱xmare erü ñomaü̃cüxü rü nataxüchi i chixexü̃.

Danié 5:5

Rü yexguma ínaxaxegüyane rü yema ucapuarü ĩxtapü̱x ga cómüxü̃wa nango̱x ga wüxi ga naxme̱x ga omüema ĩxtapü̱xgu ínachixü̃wa iwǘãcüxü̃ne. Rü yexguma guma naxme̱x ga yéma iwǘãcüxü̃nexü̃ nada̱u̱xgu ga gumá ãẽ̱xgacü rü naba̱i̱xãchi rü nanacho̱xõchi rü norü muü̃maxã niyoyoxü̃ne.

Ucu̱xẽgüchiga 26:17

Ngẽxguma togü nügümaxã nuegu, rü cuma rü icuxãxgu rü naxãũcüma. Rü ñoma wüxi i airu i düraxü̃ nachinügu iyaxuxü̃rüxü̃ nixĩ.

Naanearü ügüchiga 49:9

Cumax, Pa Chaunex, Pa Yudáx, Rü ñoma wüxi i leóü̃xacürüxü̃ quixĩ. Rü ngẽxguma naeü̃ nangõ̱xguwena rü nayarümaxãchi rü waixü̃müanegu naca ñoma leóü̃ i yáxü̃rüxü̃. ¿Rü texé tá tanachixewe i ngẽxguma?

Ore i mexü̃ ga Cuáü̃ ümatüxü̃ 8:2

Rü moxü̃ãcü ga yexguma yangunegu, rü wenaxarü Tupanapata ga taxü̃neca̱x nataegu. Rü nüma ga duü̃xü̃gü rü naxca̱x naxĩ. Rü nüma ga Ngechuchu rü ínarüto, rü inanaxügü nax nangúexẽẽãxü̃ ga duü̃xü̃gü.

Ore i mexü̃ ga Luca ümatüxü̃ 11:16

Natürü ga togü rü Ngechuchuxü̃ naxügüchaxü̃, rü yemaca̱x naxca̱x ínacagü nax nüxü̃ nawéaxü̃ ga wüxi ga cua̱xruxü̃ ga daxũcüã̱x nax yemawa nüxü̃ nacua̱xgüxü̃ rü aixcüma Cristu yixĩ.

Ore i mexü̃ ga Márcu ümatüxü̃ 12:15

Natürü ga Ngechuchu rü nüxü̃ nacua̱xama nax chixexü̃gu namaxã naxĩnüexü̃ ga yema duü̃xü̃gü woo mea namaxã nax yanadexagüxü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu choxü̃ pengu̱xẽẽchaü̃xü̃? ¡Nua ngĩxü̃ pinge i wüxitachinü i diẽru nax ngĩxü̃ chadauxü̃ca̱x! —ñanagürü.

Wiyaegü 39:1

Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Ore i mexü̃ ga Márcu ümatüxü̃ 3:2

Rü Parichéugü, rü Ngechuchuxü̃ nangugügü rü tá namexẽxẽã ga ngü̃xchigaarü ngunexü̃gu, nax yemaacü nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃.