Ore i mexü̃ ga Cuáü̃ ümatüxü̃ 8:59 - Tupanaarü Ore

⁵⁹ Rü yexguma ga nümagü rü nutane nanayauxgü nax gumámaxã ínamuxũchigüãxü̃ca̱x. Natürü ga Ngechuchu rü na̱xcha̱xwa inicu̱x. Rü yemaacü ínaxũxũ nawa ga gumá Tupanapata ga taxü̃ne.

Ore i mexü̃ ga Cuáü̃ ümatüxü̃ 8:59 Referans Kwoze

Ore i mexü̃ ga Cuáü̃ ümatüxü̃ 11:8

Rü norü ngúexü̃gü rü ñanarügügü nüxü̃: —Pa Ngúexẽẽruxü̃x, yexwaca̱xtama nixĩ ga yémacüã̱x ga Yudíugü ga nutamaxã cuxü̃ ínamuxũchigüchaü̃xü̃. ¿Rü tü̱xcüü̃ wena ngéma cuxũxchaü̃ i ñu̱xmax? —ñanarügügü.

Ngechuchuarü ngúexü̃gü ga yamugüxü̃arü puracüchiga 7:57

Natürü nümagü rü nügü narütütamachi̱xẽgü, rü tagaãcü aixta naxüeãcüma wüxigu nüxna nayu̱xgu.

Ore i mexü̃ ga Cuáü̃ ümatüxü̃ 18:31

Rü yexguma ga Pirátu rü ñanagürü nüxü̃: —¡Ẽcü perü ãẽ̱xgacügüxü̃tawa penaga, rü perü mugü pemaxã nüxü̃ ixuxü̃ãcüma penapoxcux! —ñanagürü. Natürü ga yema Yudíugü rü Pirátuxü̃ nangãxü̃gü, rü ñanagürügü: —Natürü pema i Rómacüã̱xgü rü marü toxna penachu̱xu nax texéxü̃ tima̱xgüxü̃ tümaarü chixexü̃ca̱x —ñanagürügü.

Ore i mexü̃ ga Cuáü̃ ümatüxü̃ 12:36

Rü ñoma rü ta petanüwa changexma rü name nixĩ i paxa choxü̃́ peyaxõgü nax chorü ngóonexü̃wa pengẽxmagüxü̃ca̱x —ñanagürü. Rü yema ñaxguwena rü nüxna nixũgachi ga Ngechuchu. Rü na̱xcha̱xwa tóxnamana naxũ.

Ore i mexü̃ ga Cuáü̃ ümatüxü̃ 11:54

Rü yemaca̱x ga Ngechuchu rü marü tama yema Yudíugü ímuxü̃tanüwa nayexma. Rü ínaxũxũ ga Yudéaanewa, rü wüxi ga ĩanexacü ga Efraíü̃gu ãéganewa naxũ. Rü guma ĩane rü nüxna nangaicama ga yema chianexü̃ ga taxúema nagu ãpataxü̃. Rü yexma narücho namaxã ga norü ngúexü̃gü.

Ore i mexü̃ ga Cuáü̃ ümatüxü̃ 5:13

Natürü ga gumá yatü rü tama nüxü̃ nacua̱x ga texé naxca̱x nax yataanexẽẽxü̃, yerü namuxũchi ga duü̃xü̃gü ga yéma, rü nüma ga Ngechuchu rü duü̃xü̃güna nixũgachi.

Ore i mexü̃ ga Luca ümatüxü̃ 24:31

Rü yexgumatama naãxẽxü̃ nicua̱xãchitanü. Rü nüxü̃ nacua̱xgü nax gumá yixĩxü̃ ga Ngechuchu. Natürü yexgumatama ngürüãchi inayarütaxu ga nümax.

Naanearü ügüchiga 19:11

Rü nayangexetügüxẽxẽ ga guxü̃ma ga yema duü̃xü̃gü ga ĩã̱xtüwa yexmagüxü̃, rü yema ingextü̱xüxü̃wa inaxügü ñu̱xmata yema iyaxü̃wa nangu. Rü yemaacü düxwa nipaemare ga nax ĩã̱xca̱x nadaugüxü̃.

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

Ore i mexü̃ ga Matéu ümatüxü̃ 12:14

Rü yexguma yemaxü̃ nadaugügu ga Parichéugü, rü ínachoxü̃ ga yéma. Rü inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.

Ore i mexü̃ ga Cuáü̃ ümatüxü̃ 9:1

Rü yexguma namagu yaxũxgu ga Ngechuchu, rü yéma nüxü̃ nadau ga wüxi ga yatü ga woetama norü bucüma ngexetücü.