Ore i mexü̃ ga Cuáü̃ ümatüxü̃ 8:48 - Tupanaarü Ore

⁴⁸ Rü yexguma ga yema Yudíugü rü ñanagürügü nüxü̃: —Aixcüma nixĩ ga yema torü ore ga yexguma ñatagügügu: “Cuma rü wüxi i Chamáriaanecüã̱x quixĩ, rü ngo̱xo cuwa nangẽxma”, ñatagügügu —ñanagürügü.

Ore i mexü̃ ga Cuáü̃ ümatüxü̃ 8:48 Referans Kwoze

Ore i mexü̃ ga Cuáü̃ ümatüxü̃ 7:20

Rü yema duü̃xü̃gü nanangãxü̃gü, rü ñanagürügü: —Cuma rü ngo̱xo cuwa nangẽxmamare. ¿Ẽ̱xna texé cuxü̃ tima̱xgüchaü̃? —ñanagürügü.

Ore i mexü̃ ga Cuáü̃ ümatüxü̃ 8:52

Rü yexguma ga yema Yudíugü, rü Ngechuchuxü̃ nangãxü̃gü, rü ñanagürügü: —Ñu̱xma rü meaxü̃chima nüxü̃ tacua̱x nax cuwa nangẽxmaxü̃ i wüxi i ngo̱xo. Yerü ga Abraáü̃ rü guxü̃ma ga nũxcümaü̃güxü̃ ga Tupanaarü orearü uruü̃gü rü nayue. Natürü cuma rü ñu̱xma tomaxã nüxü̃ quixu rü texé ya naga ĩnüxe i ngẽma curü ore rü guxü̃gutáma namaxecha.

Ore i mexü̃ ga Cuáü̃ ümatüxü̃ 10:20

Rü muxü̃ma ga nümagü rü ñanagürügü: —¿Tü̱xcüü̃ nüxü̃́ iperüxĩnüe i ñaa yatü i ngeãẽxü̃ i ngo̱xo nawa ngẽxmaxü̃? —ñanagürügü.

Ore i mexü̃ ga Cuáü̃ ümatüxü̃ 4:9

Natürü ga Yudíugü rü tama Chamáriaanecüã̱xmaxã nataãẽgü rü yemaca̱x ga yema nge rü inangãxü̃ rü ngĩgürügü nüxü̃: —¿Ñuxãcü i cuma nax Yudíu quixĩxü̃ i dexáca̱x choxna cucaxü̃ i choma nax Chamáriaanecüã̱x chixĩxü̃? —ngĩgürügü.

Ore i mexü̃ ga Matéu ümatüxü̃ 15:7

Pemax, Pa Duü̃xü̃güpe̱xewa Mea Maxẽnetaxü̃x, aixcüma nixĩ ga yema ore ga Tupanaarü orearü uruxü̃ ga Ichaía pechiga ümatüxü̃ ga ñaxü̃:

Ore i mexü̃ ga Matéu ümatüxü̃ 12:24

Natürü yema Parichéugü ga yéma yexmagüxü̃ rü yexguma yemaxü̃ naxĩnüegu, rü ñanagürügü: —Ñaa yatü i Ngechuchu, rü ngo̱xogünatü i Beechebúarü poramaxã nixĩ i ínawoxü̃ãxü̃ i ngo̱xogü —ñanagürügü.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?

Ore i mexü̃ ga Matéu ümatüxü̃ 10:5

Rü Ngechuchu nayamugü ga yema 12 ga norü ngúexü̃gü. Rü nüxna naxãga, rü ñanagürü: “¡Taxũtáma natanüwa pexĩ i ngẽma duü̃xü̃gü i tama Yudíugü ixĩgüxü̃! ¡Rü taxũtáma Chamáriacüã̱x i duü̃xü̃güarü ĩanegüwa pexĩ!

Popera ga Chantiágu ümatüxü̃ 2:19

Cuma cuyaxõ nax nangẽxmaxü̃ ya wüxitama ya Tupana. Marü name. Natürü ngẽma ngo̱xogü rü ta ngẽmaãcü nayaxõgü, rü poraãcü muü̃maxã nidu̱xruxe.

Romanos 15:3

Yerü woo ga Cristu rü tama noxrütama ngúchaü̃ naxü. Natürü nayanguxẽxẽ ga yema Tupanaarü ore ga ñaxü̃: “Ngẽma duü̃xü̃gü i cumaxã guxchigagüxü̃, rü chomaxã nixĩ i naguxchigagüxü̃”, ñaxü̃.

Ore i mexü̃ ga Cuáü̃ ümatüxü̃ 13:13

Pema rü: “Pa Ngúexẽxẽruxü̃”, rü “Pa Corix”, ñaperügü choxü̃. Rü marü name i ngẽma ñaperügü, erü aixcüma ngẽma chixĩ.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 13:13

Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.

Ore i mexü̃ ga Matéu ümatüxü̃ 12:31

Rü ngẽmaca̱x pemaxã nüxü̃ chixu rü Tupana tá nüxü̃́ nüxü̃ narüngüma i guxü̃ma i pecadugü i duü̃xü̃gü ügüxü̃ rü guxü̃ma i norü dexagü i chixexü̃. Natürü yíxema Tupanaãxẽ i Üünexü̃maxã ta̱xacü ixugüxe, rü Tupana rü tagutáma tüxü̃́ nüxü̃ narüngüma i ngẽma chixexü̃.

Ore i mexü̃ ga Matéu ümatüxü̃ 11:18

Rü núma naxũ ga Cuáü̃ rü naxaure rü tama nachibü rü tama bínu nayaxaxü. Rü yexguma nüma i duü̃xü̃gü rü: ‘Nango̱xoã̱x’, ñanagürügü nüxü̃.

Ore i mexü̃ ga Cuáü̃ ümatüxü̃ 1:19

Rü yema Yudíugüarü ãẽ̱xgacügü ga Yerucharéü̃cüã̱x rü Cuáü̃ ga baiü̃ẽẽruü̃xü̃tawa nanamugü ga chacherdótegü rü Lebítanüxü̃ nax nüxna yacagüexü̃ca̱x nax texe yixĩxü̃ ga nümax.

Ore i mexü̃ ga Cuáü̃ ümatüxü̃ 8:22

Rü yexguma ga yema Yudíugü rü ñanagürügü: —¿Ẽ̱xna nügü tátama nima̱x rü ngẽmaca̱x tamaxã nüxü̃ yaxuxü̃ nax taxucürüwama ngẽma ínaxũxü̃wa ixĩxü̃ i yixema? —ñanagürügü.