Ore i mexü̃ ga Cuáü̃ ümatüxü̃ 8:47 - Tupanaarü Ore

⁴⁷ Yíxema Tupanaarü duü̃xü̃ ixĩxẽ rü itarüxĩnü i Tupanaarü ore. Natürü i pema rü tama Tupanaarü duü̃xü̃gü pixĩgü, rü ngẽmaca̱x nixĩ i tama iperüxĩnüechaü̃xü̃ i Tupanaarü ore —ñanagürü.

Ore i mexü̃ ga Cuáü̃ ümatüxü̃ 8:47 Referans Kwoze

Norü taxre ga popera ga Cuáü̃ ümatüxü̃ 1:9

Rü yíxema nangupetüxẽẽ́xe ga yema Cristu tüxü̃ ngúexẽẽxü̃, rü tama Tupanaxü̃ tacua̱x. Natürü yíxema tama nüxna íchoxü̃xẽ ga yema Cristu tüxü̃ ngúexẽẽxü̃, rü aixcüma nüxü̃ tacua̱x ya Tanatü ya Tupana rü Nane ya Ngechuchu.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Ore i mexü̃ ga Cuáü̃ ümatüxü̃ 8:45

Natürü i choma nax ore i aixcümaxü̃ chixuxü̃, rü pema rü tama choxü̃́ peyaxõgüchaü̃.

Ore i mexü̃ ga Cuáü̃ ümatüxü̃ 8:37

Marü nüxü̃ chacua̱x nax Abraáü̃taxa pixĩgüxü̃ i pemax. Natürü choxü̃ pima̱xgüchaü̃ erü tama aixcüma peyaxõgü i ngẽma ore i pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 8:43

¿Tü̱xcüü̃ tama nüxü̃ pecua̱xéga i ngẽma pemaxã nüxü̃ chixuxü̃? Pexü̃́ naguxcha erü woetama tama iperüxĩnüechaü̃ i ngẽma pemaxã nüxü̃ chixuxü̃ i ore.

Ore i mexü̃ ga Cuáü̃ ümatüxü̃ 6:65

Rü ñanagürü ta: —Rü ngẽmaca̱x marü pemaxã nüxü̃ chixu rü taxuacüma texé chauxü̃tawa tangu ega tama Chaunatü chauxü̃tawa tüxü̃ muxgu —ñanagürü.

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Danié 12:10

Rü muxü̃tama nawa nachopetü i ngẽma ngúxü̃gü i nüxü̃ chixuxü̃, natürü ngẽmawena rü Tupanape̱xewa rü mexü̃ i duü̃xü̃gü tá nixĩgü rü nataxutáma i chixexü̃ i nagu naxĩnüexü̃. Natürü ngẽma chixexü̃gu maxẽxü̃ i duü̃xü̃gü rü chixexü̃ tá naxügüama rü taxũtáma nüxü̃ nicua̱xãchi i ngẽma ngupetüxü̃. Natürü ngẽma yatügü i aixcüma cua̱x nüxü̃́ ngẽxmagüxü̃ rü tá meama nüxü̃ nacua̱xgü i guxü̃ma i ngẽma ngupetüxü̃.

Ore i mexü̃ ga Cuáü̃ ümatüxü̃ 5:25

Rü aixcüma pemaxã nüxü̃ chixu rü nawa tá nangu i ora rü ñu̱xmatama nixĩ nax Tupana Nanega tá naxĩnüexü̃ i ngẽma duü̃xü̃gü i yuexü̃. Rü yíxema Tupana Nanega ĩnüexe rü tá tamaxẽ.

Ore i mexü̃ ga Cuáü̃ ümatüxü̃ 12:48

Yíxema tama choxü̃́ yaxṍxe rü tama chauga ĩnüxe rü marü tüxü̃́ nangẽxma nax ta̱xacüca̱x tapoxcuxü̃. Erü ngẽma ore i nüxü̃ chixuxü̃gagu tátama nixĩ i tapoxcuxü̃ i naanearü gu̱xgu, erü tama tayaxõ i ngẽma ore i nüxü̃ chixuxü̃.