Ore i mexü̃ ga Cuáü̃ ümatüxü̃ 8:27 - Tupanaarü Ore

²⁷ Natürü nümagü rü tama nüxü̃ nacua̱xgüéga nax Nanatü ya Tupanachiga yixĩxü̃ nax yema ñaxü̃ ga Ngechuchu.

Ore i mexü̃ ga Cuáü̃ ümatüxü̃ 8:27 Referans Kwoze

Ichaía 6:9

Rü nüma rü ñanagürü choxü̃: —¡Ẽcü inaxũãchi rü ñaa duü̃xü̃gümaxã nüxü̃ ixu i ñaa ore! “Rü woo nüxü̃ nax naxĩnüexü̃ i chorü ore rü taxũtáma nüxü̃ nacua̱xgü nax ta̱xacüchiga yixĩxü̃. Rü woo nüxü̃ nax nadaugüxü̃ i ngẽma mexü̃ i chaxüxü̃ rü taxũtáma nüxü̃ nacua̱xgüéga nax ta̱xacüchiga yixĩxü̃.

Ore i mexü̃ ga Cuáü̃ ümatüxü̃ 8:47

Yíxema Tupanaarü duü̃xü̃ ixĩxẽ rü itarüxĩnü i Tupanaarü ore. Natürü i pema rü tama Tupanaarü duü̃xü̃gü pixĩgü, rü ngẽmaca̱x nixĩ i tama iperüxĩnüechaü̃xü̃ i Tupanaarü ore —ñanagürü.

Ore i mexü̃ ga Cuáü̃ ümatüxü̃ 8:43

¿Tü̱xcüü̃ tama nüxü̃ pecua̱xéga i ngẽma pemaxã nüxü̃ chixuxü̃? Pexü̃́ naguxcha erü woetama tama iperüxĩnüechaü̃ i ngẽma pemaxã nüxü̃ chixuxü̃ i ore.

Ichaía 59:10

Rü yixema rü ñoma ngexetügüxü̃ i ĩxtapü̱xgu idaugüetanüxü̃rüxü̃ tixĩgü. Rü ngunecü rü ñoma chütacü ixĩxgurüxü̃ ta̱xacügu tayayi. Rü woo nax imaxẽxü̃, natürü ñoma iyuexü̃rüxü̃ tixĩgü.

Ore i mexü̃ ga Cuáü̃ ümatüxü̃ 8:26

Rü choma rü choxü̃́ nangẽxma i muxü̃ma i ore i pemaxã nüxü̃ chixuxchaü̃xü̃ rü ta̱xacüca̱x pexna chacaxü̃. Natürü yimá Chaunatü ga núma choxü̃ mucüarü ore rü aixcüma nixĩ. Rü ngẽmatama ore i Chaunatüxü̃tawa nüxü̃ chaxĩnüxü̃ nixĩ i ñoma i naanecüã̱x i duü̃xü̃gümaxã nüxü̃ chixuxü̃ —ñanagürü.

Ore i mexü̃ ga Cuáü̃ ümatüxü̃ 8:28

Rü yemaca̱x ga Ngechuchu rü ñanagürü nüxü̃: —Ngẽxguma curuchawa peyapotagügu ya Tupana Nane ya duü̃xü̃xü̃ ixĩcü, rü tá nüxü̃ picua̱xãchitanü nax Cristu chixĩxü̃. Rü tá nüxü̃ pecua̱x nax taxuxü̃ma chauechamatama chaxüxü̃. Rü ngẽma Chaunatü choxü̃ ngu̱xẽẽxü̃xicatama nixĩ i nüxü̃ chixuxü̃.