Ore i mexü̃ ga Cuáü̃ ümatüxü̃ 8:21 - Tupanaarü Ore

²¹ Rü Ngechuchu rü wenaxarü namaxã nüxü̃ nixu, rü ñanagürü: —Choma rü tá pexna chixũ i núma, rü pema rü tá cha̱u̱xca̱x pedaugü, natürü tá perü pecadugu peyue. Rü ngextá íchaxũxü̃wa rü taxucürüwama ngéma pengugü —ñanagürü.

Ore i mexü̃ ga Cuáü̃ ümatüxü̃ 8:21 Referans Kwoze

Ore i mexü̃ ga Cuáü̃ ümatüxü̃ 7:34

Pema rü tá cha̱u̱xca̱x pedaugü, natürü taxũtáma choxü̃ ipeyangaugü. Erü ngẽma tá íchangexmaxü̃wa rü taxuacü ngéma pengugü —ñanagürü nüxü̃

Ore i mexü̃ ga Cuáü̃ ümatüxü̃ 8:24

Rü ngẽmaca̱x pemaxã nüxü̃ chixu rü tá perü pecadugu peyue. Erü ngẽxguma tama choxü̃́ peyaxõgügu nax choma chixĩxü̃ ya Cristu, rü perü pecadugu tá peyue —ñanagürü.

Ore i mexü̃ ga Cuáü̃ ümatüxü̃ 13:33

Pa Chauxacügüx, taxũtáma muxü̃ i ngunexü̃ petanüwa changexma. Rü pema rü tá cha̱u̱xca̱x pedaugü, natürü ngẽma choma íchaxũxü̃wa rü taxucürüwama ngéma pexĩ. Rü ñaatama ore nixĩ ga marü Yudíugümaxã nüxü̃ chixuxü̃, rü ñu̱xma rü pemaxã rü ta nüxü̃ chixu.

Efesios 2:1

Rü ü̃pa ga pema rü perü chixexü̃gagu rü perü pecadugagu ñoma peyuexü̃rüxü̃ pixĩgü.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Cuáü̃ ümatüxü̃ 12:33

Rü yema orewa duü̃xü̃güxü̃ nüxü̃ nacua̱xẽxẽ ga ñuxãcü tá nax nayuxü̃.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Ore i mexü̃ ga Matéu ümatüxü̃ 23:39

Rü pemaxã nüxü̃ chixu rü taxũtáma wena choxü̃ pedau ñu̱xmatáta daxũguxü̃ i naanewa ne chaxũ. Rü ngẽxguma rü tá choxü̃ pedaugü rü tá ñaperügügü: “Namexẽchi ya yimá Cori ya Tupana núma namucü”, ñaperügügü tá —ñanagürü ga Ngechuchu.

Ichaía 65:20

Rü ngéma rü tataxuma ya buxe ya noxretama i ngunexü̃ maxü̃́xẽ rü paxa yuxe, rü bai ya yaxguã̱x ya tama mea rüyaexe. Rü yíxema 100 ya taunecü tüxü̃́ ngẽxmaxe yuxe rü tá ngextü̱xütama. Rü yíxema tama 100 ya taunecüwa nguxe nax tayuxü̃ rü tümaarü chixexü̃gagutama nixĩ i paxa tayuxü̃.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Ucu̱xẽgüchiga 11:7

Ngẽxguma nayu̱xgu i wüxi i duü̃xü̃ i chixexü̃gu maxü̃xü̃, rü ngẽxma nayacua̱x i norü ngúchaü̃gü i nagu naxĩnüxü̃ rü norü pora.

Yox 20:11

Rü ngẽma yatü rü woo nangextü̱xügutama rü naporagutama tá nixĩ i nayuxü̃.

Nüxíraxü̃xü̃ ga popera ga ãẽ̱xgacügüchiga 18:10

Rü aixcüma Cori ya curü Tupanaégagu cumaxã nüxü̃ chixu rü chorü ãẽ̱xgacü rü yexguma guxü̃ma ga nachixü̃anegüwa rü ãẽ̱xgacügüxü̃tawa norü duü̃xü̃güxü̃ namugügu nax cuxca̱x yadaugüxü̃ca̱x rü tama cuxü̃ inayangaugü. Rü yexguma nawoegugu rü nüxü̃ nixugüe nax cutaxuxü̃ma ga yéma, rü nüma ga ãẽ̱xgacü rü Tupanaégagu nüxü̃ nüxü̃ nixuxẽxẽ ga nax aixcüma yixĩxü̃ nax tama cuxü̃ iyangaugüxü̃.

Ore i mexü̃ ga Cuáü̃ ümatüxü̃ 7:36

¿Rü ta̱xacüchiga nixĩ nax ngẽma ñaxü̃: “Tá cha̱u̱xca̱x pedaugü natürü taxũtáma choxü̃ ipeyangaugü, erü taxuacütáma ngéma pexĩ i ngẽma tá íchangexmaxü̃wa”, ñaxü̃? —ñanagürügü.