Ore i mexü̃ ga Cuáü̃ ümatüxü̃ 8:20 - Tupanaarü Ore

²⁰ Rü yema orexü̃ nixu ga Ngechuchu ga yexguma Tupanapata ga taxü̃newa nangu̱xẽẽtaegu naxü̃tawa ga yema diẽruchixü̃gü. Natürü taxuxü̃ma Ngechuchuxü̃ niyauxgü, yerü tauta nawa nangu ga ora nax yayauxgüãxü̃.

Ore i mexü̃ ga Cuáü̃ ümatüxü̃ 8:20 Referans Kwoze

Ore i mexü̃ ga Cuáü̃ ümatüxü̃ 7:30

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Ore i mexü̃ ga Cuáü̃ ümatüxü̃ 7:8

Name nixĩ i ngẽma petawa pexĩ i pemax. Natürü i chomax, rü tauta ngéma chaxũ erü tauta nawa nangu i ora i nagu ngéma chaxũxü̃ —ñanagürü ga Ngechuchu.

Ore i mexü̃ ga Márcu ümatüxü̃ 12:41

Wüxicana ga Ngechuchu rü Tupanapataarü diẽruchiü̃arü to̱xma̱xtawa narüto. Rü yéma inadawenü ga ñuxãcü duü̃xü̃gü yexma ngĩxü̃ yanaxücuchigüxü̃ ga norü diẽrugü. Rü muxü̃ma ga duü̃xü̃gü ga idiẽruã̱xgüxü̃ rü yexma ngĩxü̃ nayarüxücuchigü ga muxũchicü ga norü diẽru.

Ore i mexü̃ ga Cuáü̃ ümatüxü̃ 7:44

Rü ñuxre ga yema duü̃xü̃gü rü Ngechuchuxü̃ niyauxgüchaü̃, natürü taxuxü̃ma nayayauxgü.

Ore i mexü̃ ga Márcu ümatüxü̃ 12:43

Rü yexguma ga Ngechuchu rü norü ngúexü̃güca̱x naca, rü ñanagürü nüxü̃: —Aixcüma pemaxã nüxü̃ chixu rü ñaa ngecü i yutecü i ngearü diẽruã̱xcü, rü guxü̃ i ngẽma togü i diẽruchixü̃gu diẽru ngĩxü̃ ixücuchigüxü̃arü yexera ngĩxü̃ ixã.

Ore i mexü̃ ga Matéu ümatüxü̃ 27:6

Rü nüma ga chacherdótegüarü ãẽ̱xgacügü rü ngĩxü̃ nade ga yema diẽru. Rü ñanagürügü: —Taxucürüwa Tupanapataarü diẽruchixü̃gu ngĩxü̃ tanu i ñaa diẽru, erü ngẽmamaxã tanaxütanü i ngẽma yatü i tá yuxü̃ —ñanagürügü.

Ore i mexü̃ ga Cuáü̃ ümatüxü̃ 10:39

Rü wenaxarü Ngechuchuxü̃ niyauxgüchaü̃ ga yema Yudíugü. Natürü nüma ga Ngechuchu rü na̱xcha̱xwa niña.

Ore i mexü̃ ga Cuáü̃ ümatüxü̃ 8:59

Rü yexguma ga nümagü rü nutane nanayauxgü nax gumámaxã ínamuxũchigüãxü̃ca̱x. Natürü ga Ngechuchu rü na̱xcha̱xwa inicu̱x. Rü yemaacü ínaxũxũ nawa ga gumá Tupanapata ga taxü̃ne.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:26

Natürü yema ãgümücü ga Lebítanüxü̃ ga dauxü̃taeruü̃gü ga natanüxü̃maxã icua̱xgüxü̃ rü taguma naxüchicüügü. Rü nümagü nixĩ ga nüxna nadaugüxü̃ ga Tupanapataarü ucapugü rü yema meruxü̃gü ga nawa yexmagüxü̃.

Ore i mexü̃ ga Matéu ümatüxü̃ 26:55

Rü yexguma ga Ngechuchu rü ñanagürü nüxü̃ ga yema duü̃xü̃gü: —¿Tü̱xcüü̃ taragü rü naixmena̱xãgümaxã cha̱u̱xca̱x nua pexĩ nax choxü̃ peyarüyauxgüxü̃ca̱x ñoma wüxi i ngĩ́ta̱xaxü̃rüxü̃? Rü guxü̃ ga ngunexü̃gu rü Tupanapata ya taxü̃newa changu̱xẽẽtae, natürü taguma yexma choxü̃ piyauxgü.

Ore i mexü̃ ga Luca ümatüxü̃ 21:1

Rü yexguma Tupanapatawa nayexmagu ga Ngechuchu, rü yéma nüxü̃ nadau ga duü̃xü̃gü ga idiẽruã́xü̃ ga Tupanapataarü diẽruchixü̃gu ngĩxü̃ naxǘgüxü̃ ga norü ãmare ga diẽru.

Ore i mexü̃ ga Cuáü̃ ümatüxü̃ 2:4

Natürü Ngechuchu ngĩxü̃ nangãxü̃, rü ñanagürü: —Pa Mamax, ¿tü̱xcüü̃ chomaxã nüxü̃ quixu i ngẽma? Erü tauta nawa nangu nax chanaxüxü̃ca̱x i ta̱xacürü mexü̃ i Tupanaarü poramaxã chaxüxü̃ —ñanagürü.

Ore i mexü̃ ga Cuáü̃ ümatüxü̃ 7:14

Rü yexguma marü yema petaarü ngãxü̃wa nanguxgu, rü Ngechuchu rü Tupanapata ga taxü̃negu naxücu. Rü inanaxügü nax nangu̱xẽẽtaexü̃.

Ore i mexü̃ ga Cuáü̃ ümatüxü̃ 8:2

Rü moxü̃ãcü ga yexguma yangunegu, rü wenaxarü Tupanapata ga taxü̃neca̱x nataegu. Rü nüma ga duü̃xü̃gü rü naxca̱x naxĩ. Rü nüma ga Ngechuchu rü ínarüto, rü inanaxügü nax nangúexẽẽãxü̃ ga duü̃xü̃gü.