Ore i mexü̃ ga Cuáü̃ ümatüxü̃ 8:17 - Tupanaarü Ore

¹⁷ Rü ngẽma mugü ga Moiché ümatüxü̃ i nagu pexĩxü̃, rü ñanagürü: “Ngẽxguma taxre i duü̃xü̃gü rü ngẽmatama orexü̃ yaxugügu, rü ngẽmawa ãẽ̱xgacü nüxü̃ nacua̱x nax aixcüma yixĩxü̃ i ngẽma nüxü̃ yaxugüexü̃”, ñanagürü.

Ore i mexü̃ ga Cuáü̃ ümatüxü̃ 8:17 Referans Kwoze

Wenaxarü naxümatü ga Tupanaarü mugü 19:15

Rü ngẽxguma wüxitama i duü̃xü̃ nüxü̃ ixuxgu nax nüxü̃ nadauxü̃ i wüxi i máeta rüe̱xna ta̱xacürü to i guxchaxü̃ rü tama ningu nax aixcüma yixĩxü̃. Natürü ngẽxguma taxre rüe̱xna tomaepü̱x i duü̃xü̃gü nüxü̃ ixuxgu rü ngẽmawa nüxü̃ pecua̱x nax aixcüma yixĩxü̃

Wenaxarü naxümatü ga Tupanaarü mugü 17:6

Rü ngẽxguma nangẽxmagu i taxre rüe̱xna tomaepü̱x i nüxü̃ idauxü̃ rü nüxü̃ ixuxü̃ nax chixexü̃ naxüxü̃ rü name nax yu namaxã pexueguxü̃. Natürü ngẽxguma chi wüxitama i duü̃xü̃ nüxü̃ ixuxgu i ngẽma duü̃xü̃ i chixexü̃ üxü̃ rü taxuacütáma yu namaxã pexuegu.

Popera ga Yudíugü ga yaxõgüxü̃ca̱x ümatüxü̃ 10:28

Rü nüxü̃ tacua̱x rü ngẽxguma texé tama Moichéarü mugüga ĩnügu rü nangẽxmagu i taxre rü ẽ̱xna tomaepü̱x i duü̃xü̃gü i tüxü̃ daugüxü̃ rü tüxü̃ ixugüexü̃ nax aixcüma tama naga taxĩnüxü̃, rü nüma ya ãẽ̱xgacü rü tama nüxü̃́ tangechaü̃tümüü̃ãcüma tá tümamaxã nanaxuegu nax noxtacüma tayuxü̃.

Ore i mexü̃ ga Matéu ümatüxü̃ 18:16

Natürü ngẽxguma tama cuga naxĩnügu i ngẽma cuenexẽ, rü name nixĩ i naxca̱x cuca i wüxi rüe̱xna taxre i to i duü̃xü̃gü nax ngẽmamaxã wüxigu namaxã pidexagüxü̃ca̱x rü penaxucu̱xẽgüxü̃ca̱x i ngẽma cuenexẽ.

Gálatas 3:24

Rü yemaacü ga yema mugü rü tamaxã inacua̱x ñu̱xmata ínangu ga Cristu nax nüxü̃́ yaxõgüxü̃ca̱x rü ngẽmaãcü Tupanape̱xewa imexü̃ca̱x.

2 Corintios 13:1

Ñu̱xma rü norü tomaepü̱xcüna tá nixĩ nax petanüwa chaxũxü̃. Rü Tupanaarü ore rü tamaxã nüxü̃ nixu rü ngẽxguma texé chixexü̃ uxgu, rü taxre rü ẽ̱xna tomaepü̱x i duü̃xü̃gü tüxü̃ daugügu rü nüxü̃ yaxugügu nax aixcüma chixexü̃ taxüxü̃, rü ngẽmawa tá nüxü̃ pecua̱x nax aixcüma yixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

Gálatas 4:21

Rü pema nax ngẽma Moiché ümatüxü̃ i mugütüü̃wa pegü pengẽxmagüxẽẽchaü̃xü̃, rü chanaxwa̱xe i chomaxã nüxü̃ pixu rü aixcüma nüxü̃ pecuá nax ñuxũ ñaxü̃ i ngẽma mugü.

Nüxíraxü̃xü̃ ga popera ga Cuáü̃ ümatüxü̃ 5:9

Rü tayaxõgü i duü̃xü̃güarü ore, natürü Tupanaarü ore nixĩ i yexeraãcü aixcüma ixĩxü̃. Erü Tupana nixĩ ya tamaxã nüxü̃ ixucü nax Ngechuchu rü Nane yixĩxü̃.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Cuáü̃ ümatüxü̃ 10:34

Rü nüma ga Ngechuchu rü ñanagürü nüxü̃: —Perü mugüpanewa rü naxümatü i Tupanaarü ore i ñaxü̃: “Choma rü nüxü̃ chixu nax tupanagü pixĩgüxü̃”, ñaxü̃.

Iraétanüxü̃arü muxchiga 35:30

Rü ngẽxguma ñuxre i duü̃xü̃gü nüxü̃ da̱u̱xgu rü nüxü̃ ixuxgu nachiga i wüxi i máetaxü̃, rü ngẽxgumaxicatama tá nixĩ nax yu namaxã pexueguxü̃ i wüxi i máetaxü̃. Natürü ngẽxguma wüxitama yixĩxgu i nüxü̃ dauxü̃ rü nüxü̃ ixuxü̃ nachiga i wüxi i máetaxü̃ rü taxucürüwama texémaxã yu taxuegu.