Ore i mexü̃ ga Cuáü̃ ümatüxü̃ 8:11 - Tupanaarü Ore

¹¹ Rü ngĩma rü ngĩgürügü nüxü̃: —Taxuxü̃ma Pa Corix —ngĩgürügü. Rü yexguma ga Ngechuchu rü ñanagürü ngĩxü̃: —Choma rü ta tama poxcu cumaxã chaxuegu. Rü ñu̱xma rü marü name i íquixũ rü tama wena pecadu cuxü —ñanagürü.

Ore i mexü̃ ga Cuáü̃ ümatüxü̃ 8:11 Referans Kwoze

Ore i mexü̃ ga Cuáü̃ ümatüxü̃ 3:17

Yerü ga Tupana rü tama ñoma ga naanewa nanamu ga Nane nax poxcu duü̃xü̃gümaxã naxueguxü̃ca̱x. Natürü núma nanamu ga Nane nax duü̃xü̃güxü̃ namaxẽxẽẽxü̃ca̱x.

Ore i mexü̃ ga Cuáü̃ ümatüxü̃ 5:14

Natürü yixcama ga Ngechuchu rü Tupanapata ga taxü̃negu nüxü̃ nayangau ga gumá yatü, rü ñanagürü nüxü̃: —¡Dücax i ñu̱xma marü cuxca̱x nax yataanexü̃, rü taxũtáma wena chixexü̃ cuxü nax tama namaxã quida̱xawexü̃ca̱x i wüxi i da̱xawe i ngẽma marü cuxü̃ ngupetüxü̃arü yexera ixĩxü̃! —ñanagürü.

Ore i mexü̃ ga Cuáü̃ ümatüxü̃ 8:15

Pema rü ñoma i naanecüã̱x i duü̃xü̃gü nagu rüxĩnüexü̃ãcüma choxü̃ pengugü. Natürü i choma rü taxúexü̃ma changugü.

Ore i mexü̃ ga Luca ümatüxü̃ 15:7

Rü pemaxã nüxü̃ chixu rü daxũguxü̃ i naanewa rü naxca̱x nataãẽgü i 99 i duü̃xü̃gü i marü Tupanaarü ixĩgüxü̃, natürü yexera naxca̱x nataãẽgü i ngẽma wüxi i pecaduã́xü̃ i nüxü̃ rüxoxü̃ i nacüma i chixexü̃ rü Tupanaaxü̃́ yaxõxü̃.

Ore i mexü̃ ga Luca ümatüxü̃ 5:32

Choma rü tama duü̃xü̃gü i mexü̃gu maxẽxü̃ca̱x nixĩ i núma chaxũxü̃, natürü ngẽma pecaduã̱xgüxü̃ca̱x nixĩ i núma chaxũxü̃ nax ngẽmaãcü nüxü̃ naxoexü̃ca̱x i nacümagü i chixexü̃ rü Tupanawe naxĩxü̃ca̱x —ñanagürü.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Yox 34:31

¿Rü tü̱xcüü̃ i cumax, Pa Yox, tama Tupanamaxã nüxü̃ quixuxü̃ i curü chixexü̃, rü ñacuxü̃: “Chixexü̃ chaxü natürü tá nüxü̃ charüxo i ngẽma chixexü̃”, ñacurügü?

Romanos 2:4

¿Rü tü̱xcüü̃ nüxü̃ cuxo i ngẽma mexü̃ ya Tupana cuxca̱x üxü̃? Nüma rü poraãcüxüchi cumaxã namecüma rü yáxna cumaxã naxĩnü rü tama paxa curü chixexü̃ca̱x cuxü̃ napoxcuchaü̃. ¿Rü tü̱xcüü̃ tama nagu curüxĩnü nax Tupana ngẽmaãcü cumaxã mecümaxü̃ nax nüxü̃ curüxoxü̃ca̱x i curü chixexü̃ rü naxca̱x nax cumaxü̃xü̃ca̱x?

Ore i mexü̃ ga Luca ümatüxü̃ 13:3

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ore i mexü̃ ga Cuáü̃ ümatüxü̃ 18:36

Rü yexguma ga Ngechuchu rü nanangãxü̃, rü ñanagürü: —Choma rü tama ñoma i naanewa ãẽ̱xgacü chixĩ. Rü ngẽxguma chi ñoma i naanewa ãẽ̱xgacü chixĩxgu, rü chorü duü̃xü̃gü rü chi Yudíugüarü ãẽ̱xgacügümaxã nügü nadai rü taxũchima choxü̃ niyauxgü i ngẽxguma. Natürü tama ñoma i naanewa ãẽ̱xgacü chixĩ —ñanagürü.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Ore i mexü̃ ga Luca ümatüxü̃ 13:5

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe —ñanagürü ga Ngechuchu.

Ichaía 55:6

¡Rü naga pexĩnüe ya Cori ya Tupana rü ñoma rü ta pexna naxu! ¡Rü nüxna peca rü ñoma rü ta pexna nangaicama!

Wenaxarü naxümatü ga Tupanaarü mugü 17:9

Rü ngéma nape̱xewa i ngẽma Lebítanüxü̃ i chacherdótegü rü ngẽma ãẽ̱xgacü i guxchaarü mexẽẽruxü̃ i ngẽma ngunexü̃gu nagu nanguxü̃ nax ngéma nangẽxmaxü̃, rü tá namaxã nüxü̃ pixu i ngẽma ngupetüxü̃. Rü nümagü tá nixĩ i namaxã naxuegugüãxü̃ i ta̱xacü tá nixĩ i norü poxcu i ngẽma guxchaxü̃ üxü̃ i duü̃xü̃.

Wenaxarü naxümatü ga Tupanaarü mugü 16:18

Rü guxü̃nema ya perü ĩanegü ya perü Cori ya Tupana tá wüxichigü i natücumüna ãxü̃newa nüxü̃ pexuneta i ãẽ̱xgacügü i guxchaxü̃güarü mexẽẽruü̃gü rü norü ngü̃xẽẽruü̃gü nax nümagü aixcüma meama namexẽẽgüãxü̃ca̱x i ngẽma duü̃xü̃güarü guxchaxü̃gü.

Norü taxre ga popera ga Pedru ümatüxü̃ 3:15

Rü name nixĩ i nüxna pecua̱xãchie nax yáxna tamaxã naxĩnüxü̃ ya tórü Cori, erü nanaxwa̱xe nax tüxü̃́ nangẽxmaxü̃ i maxü̃ i taguma gúxü̃. Rü ngẽmatama ucu̱xẽ i pexca̱x chaxümatüxü̃rüxü̃ nixĩ ga pexca̱x naxümatüaxü̃ ga taenexẽ ya nüxü̃ ingechaü̃gücü ya Pauru ga yexguma Tupana cua̱x nüxna ãxgu nax pexca̱x naxümatüaxü̃ca̱x.

1 Corintios 5:12

Rü tama cho̱xme̱xwa nangẽxma nax nüxna chacaxü̃ i ngẽma duü̃xü̃gü i tama Tupanaaxü̃́ yaxõgüxü̃. Rü Tupana tá nixĩ ya nüxna cacü i ngẽma duü̃xü̃gü. Natürü i pema rü peme̱xwa nangẽxma nax nüxna pecaxü̃ i ngẽma peenexẽgü i yaxõgüxü̃ i tama mea maxẽxü̃. Rü name nixĩ i petanüwa ípenamuxũchi i ngẽma yatü i chixexü̃gu maxü̃xü̃.

Ore i mexü̃ ga Luca ümatüxü̃ 9:56

Rü yexguma rü nai ga ĩanexacüwa naxĩ.