Ore i mexü̃ ga Cuáü̃ ümatüxü̃ 7:8 - Tupanaarü Ore

⁸ Name nixĩ i ngẽma petawa pexĩ i pemax. Natürü i chomax, rü tauta ngéma chaxũ erü tauta nawa nangu i ora i nagu ngéma chaxũxü̃ —ñanagürü ga Ngechuchu.

Ore i mexü̃ ga Cuáü̃ ümatüxü̃ 7:8 Referans Kwoze

Ore i mexü̃ ga Cuáü̃ ümatüxü̃ 7:6

Rü yexguma ga Ngechuchu rü nanangãxü̃, rü ñanagürü nüxü̃: —Tauta nawa nangu i ora nax ngẽma petawa chaxũxü̃. Natürü pexca̱x rü ngexü̃rüüxü̃mare i ora nixĩ i mexü̃ nax ngéma pexĩxü̃.

Ore i mexü̃ ga Cuáü̃ ümatüxü̃ 8:20

Rü yema orexü̃ nixu ga Ngechuchu ga yexguma Tupanapata ga taxü̃newa nangu̱xẽẽtaegu naxü̃tawa ga yema diẽruchixü̃gü. Natürü taxuxü̃ma Ngechuchuxü̃ niyauxgü, yerü tauta nawa nangu ga ora nax yayauxgüãxü̃.

Ore i mexü̃ ga Cuáü̃ ümatüxü̃ 7:30

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Ore i mexü̃ ga Cuáü̃ ümatüxü̃ 8:30

Rü yexguma yema ñaxgu ga Ngechuchu rü muxü̃ma ga duü̃xü̃gü nüxü̃́ nayaxõgü.

Ore i mexü̃ ga Matéu ümatüxü̃ 26:18

Rü nüma ga Ngechuchu rü ñanagürü nüxü̃: —¡Ngéma ĩanewa pexĩ, rü yimá yatü i nüxü̃ pecuácüpatawa pexĩ! ¡Rü namaxã nüxü̃ pixu rü ñapegügü: “Torü Ngúexẽẽruxü̃ rü ñanagürü: ‘Marü ningaicaxüchi nax chayuxü̃, rü nua cupatawa chorü ngúexü̃gümaxã chanangupetüxẽxẽchaü̃ i Üpetüchigaarü peta’ ” —ñapegügü tá nüxü̃!

Ore i mexü̃ ga Cuáü̃ ümatüxü̃ 2:4

Natürü Ngechuchu ngĩxü̃ nangãxü̃, rü ñanagürü: —Pa Mamax, ¿tü̱xcüü̃ chomaxã nüxü̃ quixu i ngẽma? Erü tauta nawa nangu nax chanaxüxü̃ca̱x i ta̱xacürü mexü̃ i Tupanaarü poramaxã chaxüxü̃ —ñanagürü.

Ore i mexü̃ ga Cuáü̃ ümatüxü̃ 7:9

Rü yexguma yema ñaxguwena, rü Gariréaanegu narüxã̱ũ̱x.