Ore i mexü̃ ga Cuáü̃ ümatüxü̃ 7:42 - Tupanaarü Ore

⁴² Erü Tupanaarü ore i ümatüxü̃wa rü ñanagürü: “Cristu rü tá Dabítaxa nixĩ, rü tá nango̱x nawa ya yima ĩane ya Beréü̃ ga Dabí íbuxü̃wa”, —ñanagürügü.

Ore i mexü̃ ga Cuáü̃ ümatüxü̃ 7:42 Referans Kwoze

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Ore i mexü̃ ga Matéu ümatüxü̃ 2:5

Rü nümagü nanangãxü̃gü, rü ñanagürügü: —Nua Yudéaanewa ngẽxmane ya ĩane ya Beréü̃gu tá nixĩ i nabuxü̃. Yerü yemaacü nanaxümatü ga Tupanaarü orearü uruxü̃.

Ore i mexü̃ ga Luca ümatüxü̃ 2:4

Rü yemaca̱x ga Yúche rü Gariréaanewa yexmane ga ĩane ga Nacharétuwa inaxũãchi, rü Yudéaanewa yexmane ga ĩane ga Beréü̃wa naxũ. Rü gumá nixĩ ga ĩane ga nũxcümaü̃cü ga ãẽ̱xgacü ga Dabí nagu buxü̃ne. Rü nüma ga Yúche rü Dabítanüxü̃ nixĩ rü yemaca̱x Beréü̃wa naxũ nax yaxugüxü̃ca̱x wüxigu ngĩmaxã ga María ga ngĩmaxã naxãxma̱xchaü̃cü. Natürü ga María rü itacharaü̃ nax naxãxacüxü̃.

Yeremía 23:5

Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Ore i mexü̃ ga Matéu ümatüxü̃ 1:1

Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.

Ichaía 11:1

Rü ñoma wüxi i naixchime irüxüxü̃rüxü̃ tá nixĩ nax Dabínatü ga Ichaxíwa nangóxü̃ i wüxi i nataxa i guxãarü ãẽ̱xgacü tá ixĩxü̃.

Wiyaegü 132:11

Yerü cumax, Pa Corix, rü chaunatü ga Dabímaxã icuxuneta namaxã i wüxi i uneta i taxucürüwama cuxüchicüüxü̃.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Wiyaegü 89:4

—Rü tá cutaagümaxã chanaxuegu nax nümagü tá yixĩxü̃ i guxü̃gutáma cuchicüxü ãẽ̱xgacügü yixĩgüxü̃ i Iraétanüwa —ñacurügü nüxü̃.

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

Ore i mexü̃ ga Cuáü̃ ümatüxü̃ 7:27

Natürü i yixema rü nüxü̃ tacua̱xgü nax ngextá ne naxũxü̃ i nüma. Natürü ngẽxguma aixcüma Cristu núma ũxgu rü taxúetama nüxü̃ tacua̱x nax ngextá ne naxũxü̃ —ñanagürügü.

1 Chamué 17:58

Rü nüma ga Chaú rü nüxna naca rü ñanagürü: —Pa Ngextü̱xücüx ¡chomaxã nüxü̃ ixu rü texé nane quixĩxü̃! —ñanagürü. Rü nüma ga Dabí nanangãxü̃ rü ñanagürü: —Choma rü yimá curü duü̃ ya Ichaxí ya Beréü̃cüã̱x nane chixĩ —ñanagürü.

1 Chamué 16:4

Rü nüma ga Chamué rü nanaxü ga yema Tupana namaxã nüxü̃ ixuxü̃. Rü yexguma Beréü̃wa nanguxgu, rü guma ĩanearü ãẽ̱xgacügü rü namuü̃eãcüma nanayauxgü. Rü nüxna nacagüe rü ñanagürügü: —¿Ta̱xacüwa nua cuxũ? ¿Ẽ̱xna ngüxmüxẽxẽwa nua cuxũ? —ñanagürügü.

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.