Ore i mexü̃ ga Cuáü̃ ümatüxü̃ 7:30 - Tupanaarü Ore

³⁰ Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Ore i mexü̃ ga Cuáü̃ ümatüxü̃ 7:30 Referans Kwoze

Ore i mexü̃ ga Cuáü̃ ümatüxü̃ 10:39

Rü wenaxarü Ngechuchuxü̃ niyauxgüchaü̃ ga yema Yudíugü. Natürü nüma ga Ngechuchu rü na̱xcha̱xwa niña.

Ore i mexü̃ ga Cuáü̃ ümatüxü̃ 8:20

Rü yema orexü̃ nixu ga Ngechuchu ga yexguma Tupanapata ga taxü̃newa nangu̱xẽẽtaegu naxü̃tawa ga yema diẽruchixü̃gü. Natürü taxuxü̃ma Ngechuchuxü̃ niyauxgü, yerü tauta nawa nangu ga ora nax yayauxgüãxü̃.

Ore i mexü̃ ga Cuáü̃ ümatüxü̃ 7:6

Rü yexguma ga Ngechuchu rü nanangãxü̃, rü ñanagürü nüxü̃: —Tauta nawa nangu i ora nax ngẽma petawa chaxũxü̃. Natürü pexca̱x rü ngexü̃rüüxü̃mare i ora nixĩ i mexü̃ nax ngéma pexĩxü̃.

Ore i mexü̃ ga Cuáü̃ ümatüxü̃ 7:32

Rü yema Parichéugü rü duü̃xü̃güxü̃ naxĩnüe nax Ngechuchuchiga yadexagüxü̃. Rü yemaca̱x ga yema Parichéugü rü yema chacherdótegüarü ãẽ̱xgacügü rü nanamugü ga ñuxre ga Tupanapata ga taxü̃nearü purichíagü nax Ngechuchuxü̃ yanayauxgüxü̃ca̱x.

Ore i mexü̃ ga Cuáü̃ ümatüxü̃ 11:57

Rü yema Parichéugü rü chacherdótegüarü ãẽ̱xgacügü rü duü̃xü̃güna naxãgagü, rü ñanagürügü: —Ngẽxguma ngextá nüxü̃ pedaugügu i ngẽma Ngechuchu, ¡rü tomaxã nüxü̃ peyarüxu nax tayayauxgüxü̃ca̱x! —ñanagürügü.

Ore i mexü̃ ga Cuáü̃ ümatüxü̃ 9:4

Rü ñoma rü ta nangune rü name nixĩ nax naxüxü̃ i norü puracü ya yimá núma choxü̃ mucü. Erü paxa tá nachüta rü ngẽxguma rü taxucürüwama texé tapuracü.

Ore i mexü̃ ga Cuáü̃ ümatüxü̃ 8:59

Rü yexguma ga nümagü rü nutane nanayauxgü nax gumámaxã ínamuxũchigüãxü̃ca̱x. Natürü ga Ngechuchu rü na̱xcha̱xwa inicu̱x. Rü yemaacü ínaxũxũ nawa ga gumá Tupanapata ga taxü̃ne.

Ore i mexü̃ ga Cuáü̃ ümatüxü̃ 8:37

Marü nüxü̃ chacua̱x nax Abraáü̃taxa pixĩgüxü̃ i pemax. Natürü choxü̃ pima̱xgüchaü̃ erü tama aixcüma peyaxõgü i ngẽma ore i pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 7:19

¿Tama ẽ̱xna aixcüma yixĩxü̃ ga Tupanaarü mugü ga Moiché pexna ãxü̃? Natürü taxúema i pema naga pexĩnüe i ngẽma mugü. ¿Rü ñu̱xma rü tü̱xcüü̃ nixĩ i choxü̃ pima̱xgüchaü̃xü̃? —ñanagürü.

Ore i mexü̃ ga Cuáü̃ ümatüxü̃ 7:8

Name nixĩ i ngẽma petawa pexĩ i pemax. Natürü i chomax, rü tauta ngéma chaxũ erü tauta nawa nangu i ora i nagu ngéma chaxũxü̃ —ñanagürü ga Ngechuchu.

Ore i mexü̃ ga Luca ümatüxü̃ 22:53

Rü guxü̃ ga ngunexü̃gu ga yexguma petanüwa chayexmagu ga Tupanapata ga taxü̃newa, rü tama choxü̃ piyauxgü. Natürü marü nawa nangu nax pexü̃́ natauxchaxü̃ nax choxü̃ piyauxgüxü̃, erü ñoma nixĩ i perü ora i nagu pemaxã naporaxü̃ i Chataná —ñanagürü.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Ore i mexü̃ ga Márcu ümatüxü̃ 11:18

Natürü yexguma yemaxü̃ naxĩnüegu ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü inanaxügüe ga naxca̱x nax nadaugüxü̃ ga ñuxãcü Ngechuchuxü̃ nax yama̱xgüxü̃. Natürü duü̃xü̃güxü̃ namuü̃e, rü yemaca̱x taxucürüwama duü̃xü̃güpe̱xegu nayayauxgü. Yerü nüma ga duü̃xü̃gü rü namaxã nataãẽgü ga yema Ngechuchuarü ngu̱xẽẽtae.

Ore i mexü̃ ga Matéu ümatüxü̃ 21:46

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxucürüwama nayayauxgü yerü duü̃xü̃güxü̃ namuü̃e, yerü ga duü̃xü̃gü rü nayaxõgü ga aixcüma Tupanaarü orearü uruxü̃ nax yixĩxü̃ ga Ngechuchu.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Ore i mexü̃ ga Cuáü̃ ümatüxü̃ 10:31

Rü yexguma ga yema Yudíugü rü wenaxarü nutane nanayauxgü nax gumámaxã Ngechuchuxü̃ ínamuxũchigüxü̃ca̱x.

Ore i mexü̃ ga Matéu ümatüxü̃ 12:14

Rü yexguma yemaxü̃ nadaugügu ga Parichéugü, rü ínachoxü̃ ga yéma. Rü inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.